തമിഴ്നാട്ടിലും കർണാടകയിലും ഇന്നുമുതൽ ഇടിയോടുകൂടിയുള്ള മഴ സജീവമാകും. എന്നാൽ കേരളത്തിൽ വരണ്ട അന്തരീക്ഷ സ്ഥിതി തുടരാനാണ് സാധ്യത. ഈ മാസം 30ന് ശേഷമാണ് കേരളത്തിൽ ഇടിയോട് കൂടെ മഴ ഇപ്പോഴത്തെ സാഹചര്യത്തിൽ പ്രതീക്ഷിക്കുന്നത്. അതുവരെ പകൽ ചൂട് കൂടുതലും ഉഷ്ണവും അനുഭവപ്പെടും.

തമിഴ്നാട്ടിലെ ഉൾനാടൻ ജില്ലകളിലും കർണാടകയുടെ ഉൾനാടൻ മേഖലകളിലും മിതമായ രീതിയിൽ മഴ ലഭിക്കും. സേലം , തിരുച്ചി, മധുരൈ , തിരുവണ്ണാമലൈ , നാമക്കൽ , ഡിണ്ടുകൽ, കർണാടകയിലെ തുംകുരു , ബംഗളൂരു , മൈസൂര് , ചികമംഗളൂരു തുടങ്ങിയ പ്രദേശങ്ങളിലും ഇന്നുമുതൽ ഈ മാസം 30 വരെ ഇടിയോടുകൂടെ മഴ സാധ്യത. ആന്ധ്രപ്രദേശിൽ ശക്തമായ കാറ്റിനും മഴയ്ക്കും സാധ്യത.

തമിഴ്നാട്ടിലെ തേനി, വാൽപ്പാറ, കേരളത്തിലെ ഇടുക്കി ജില്ലയിലെ കുമളി തുടങ്ങിയ പ്രദേശങ്ങളിലും ഇടിയോടുകൂടിയുള്ള മഴ സാധ്യതയുണ്ട്. തെക്കൻ മ്യാൻമർ കടലിൽ ഒരു ന്യൂനമർദ്ദം ശക്തിപ്പെട്ടു തുടരുന്നുണ്ടെങ്കിലും അത് കേരളത്തിലെ കാലാവസ്ഥയെ ബാധിക്കില്ല.

Summary : Kerala Weather Forecast: Kerala will continue to experience dry weather with high daytime temperatures and heat until September 30, after which thunderstorms and rain are expected.