മുല്ലപ്പെരിയാർ ഉന്നയിച്ച് കേരളം, പുതിയ ഡാം വേണമെന്ന് മുഖ്യമന്ത്രി; സ്ഥലം തമിഴ്നാടിന് തീരുമാനിക്കാം

മുല്ലപ്പെരിയാറിൽ (Mullaperiyar Dam) പുതിയ ഡാം നിർമിക്കണമെന്ന കേരളത്തിൻ്റെ ആവശ്യം വീണ്ടും ഉന്നയിച്ച് മുഖ്യമന്ത്രി വി. ഡി സതീശൻ. ചെന്നൈയിൽ കേന്ദ്ര ആഭ്യന്തരമന്ത്രി അമിത് ഷാ വിളിച്ചുചേർത്ത ദക്ഷിണേന്ത്യൻ മുഖ്യമന്ത്രിമാരുടെ യോഗത്തിലാണ് മുല്ലപ്പെരിയാർ വീണ്ടും ശക്തമായ ചർച്ചാ വിഷയമായത്.

മുഴുവൻ ചിലവും കേരളം വഹിക്കും

പുതിയ ഡാം നിർമിക്കാനുള്ള മുഴുവൻ ചിലവും കേരളം വഹിക്കാമെന്നും പുതിയ ഡാം എവിടെ നിർമിക്കണമെന്ന കാര്യത്തിൽ തമിഴ്‌നാടിന് തീരുമാനിക്കാമെന്നും മുഖ്യമന്ത്രി വ്യക്തമാക്കി. അതേസമയം പുതിയ ഡാമിൽ സംഭരിക്കുന്ന വെള്ളം മുഴുവനായും തമിഴ്നാടിന് നൽകാൻ കേരളം തയ്യാറാണെന്നും മുഖ്യമന്ത്രി വ്യക്തമാക്കി. തമിഴ്‌നാടിന് വെള്ളം കേരളത്തിന് സുരക്ഷ എന്ന നിലപാടിലാണ് കേരളം. ഇതിൻ്റെ അടിസ്ഥാനത്തിലാണ് ഈ നിർദേശങ്ങൾ മുന്നോട്ടുവച്ചത്.

Special Counsel for Mullaperiyar : മുല്ലപ്പെരിയാർ കേസിൽ സ്പെഷ്യൽ കൗൺസിലിനെ നിയമിച്ച് കേരളം
മുല്ലപ്പെരിയാർ ഉൾപ്പെടെയുള്ള അന്തർസംസ്ഥാന നദീജല തർക്ക കേസുകൾക്കായി കേരളം പ്രമുഖ അഭിഭാഷകൻ റോയ് എബ്രഹാമിനെ പുതിയ സ്പെഷ്യൽ കൗൺസിലായി നിയമിച്ചു.
https://metbeatnews.com/kerala-appoints-advocate-roy-abraham-as-special-counsel-for-mullaperiyar

നിലപാടിൽ മാറ്റമില്ലെന്ന് തമിഴ്‌നാട്.

പറഞ്ഞ വാക്കിൽ ഉറച്ചു നിൽക്കുകയാണ് തമിഴ്‌നാട്. നിലവിലെ ഡാമിലെ ജലനിരപ്പ് 152 അടിയാക്കി ഉയർത്തണമെന്നാണ് തമിഴ്നാടിൻ്റെ പ്രധാന ആവശ്യം. ഈ നിലപാടിൽ ഉറച്ചു നിൽക്കുകയാണ് തമിഴ്‌നാട്. ജലനിരപ്പ് 152 അടിയാക്കിയാൽ മാത്രമേ തമിഴ്‌നാട്ടിലെ കാർഷിക ആവശ്യങ്ങൾക്ക് പ്രയോജനകരമാകൂ എന്ന് തമിഴ്‌നാട് മുഖ്യമന്ത്രി വിജയ് യോഗത്തിൽ വൃക്തമാക്കി. ഇതോടെ മുല്ലപ്പെരിയാർ വിഷയത്തിൽ ഇരു സംസ്ഥാനങ്ങളുടെയും നിലപാടുകൾ യോഗത്തിൽ വ്യക്തമായി.

English Summary : In a recent Southern Zonal Council meeting chaired by Union Home Minister Amit Shah in Chennai, the longstanding Mullaperiyar Dam issue resurfaced with key proposals and firm stances from both sides.