യുഎഇയിൽ ഇന്നും മഴയ്ക്ക് സാധ്യത; കനത്ത മൂടൽമഞ്ഞിനും സാധ്യത, റെഡ്, യെല്ലോ അലർട്ടുകൾ പ്രഖ്യാപിച്ചു

യുഎഇയിൽ ഇന്ന് ചില പ്രദേശങ്ങളിൽ മഴയ്ക്കും കനത്ത മൂടൽ മഞ്ഞിനും സാധ്യതയെന്ന് ദേശീയ കാലാവസ്ഥാ കേന്ദ്രം (NCM). ഇതോടെ NCM റെഡ്, യെല്ലോ അലർട്ടുകൾ പ്രഖ്യാപിച്ചിട്ടുണ്ട്. മൂടൽമഞ്ഞിനെ തുടർന്ന് ദൃശ്യപരിധി കുറയാൻ സാധ്യതയുള്ളതിനാൽ വാഹനമോടിക്കുന്നവർ ഉൾപ്പെടെയുള്ളവർ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി.

UAE Weather : യു.എ.ഇയില്‍ പൊള്ളുന്ന വേനലിന് വിട; ശരത്കാലത്തിന് തുടക്കം
പൊള്ളുന്ന വേനലിന് വിട. യു.എ.ഇയില്‍ ശരത്കാലത്തിനു തുടക്കമായി.
https://metbeatnews.com/scorching-summer-ends-as-temperatures-drop-below

ഉച്ചയ്ക്ക് ശേഷം കിഴക്കൻ മേഖലകളിൽ മഴ മേഘങ്ങൾ രൂപപ്പെടാൻ സാധ്യതയുണ്ട്.
പൊതുവെ ഇന്നത്തെ കാലാവസ്ഥ തെളിഞ്ഞതോ ഭാഗികമായി മേഘാവൃതമായതോ ആയിരിക്കും. കിഴക്കൻ മേഖലകളിലാണ് മഴയ്ക്ക് കൂടുതൽ സാധ്യത.

ചൂടിന് ശമനമില്ല

രാജ്യത്തിന്റെ വിവിധ ഭാഗങ്ങളിൽ ചൂട് ശക്തമായി തുടരുകയാണ്. ചില പ്രദേശങ്ങളിൽ പരമാവധി താപനില 47 ഡിഗ്രി സെൽഷ്യസ് വരെ ഉയർന്നേക്കും. അബുദാബിയിൽ 41°C വരെയും ദുബായിൽ 42°C വരെയും താപനില ഉയരാൻ സാധ്യതയുണ്ട്.

English Summary : The UAE National Centre of Meteorology (NCM) has issued Red and Yellow weather alerts, forecasting rainfall and dense fog across select regions. Authorities have advised drivers to exercise caution due to significantly reduced visibility.