Kerala Weather 05/07/26 : ഇടവിട്ട ശക്തമായ മഴ വടക്കൻ ജില്ലകളിൽ

ബംഗാൾ ഉൾക്കടലിലെ ന്യൂനമർദ്ദം ശക്തിപ്പെട്ടതിനെ തുടർന്ന് കേരളത്തിൽ ഇന്നും ചിലയിടങ്ങളിൽ ശക്തമായ മഴ സാധ്യത. കാസർകോട് കോഴിക്കോട് കണ്ണൂർ വയനാട് ജില്ലകളിലാണ് ഇന്ന് ശക്തമായ മഴ സാധ്യത. എന്നാൽ ഈ ജില്ലകളിൽ അടക്കം മഴയിൽ ഇടവേളകൾ ഉണ്ടാകും.

കോഴിക്കോട് മുതൽ എറണാകുളം വരെയുള്ള ജില്ലകളിലും ഇടവിട്ട മഴ തുടരും. മറ്റു ജില്ലകളിലും ദീർഘമായ ഇടവേളകളുടെ മഴപെയ്യും. ഇത് കഴിഞ്ഞ ദിവസത്തെ അപേക്ഷിച്ച് ഇന്ന് മികച്ച ജില്ലകളിലും മഴ കുറവായിരിക്കും. നാളെ ഉച്ചയ്ക്ക് ശേഷം എല്ലാ ജില്ലകളിലും മഴ സാധ്യത കൂടും.

ബംഗാൾ ഉൾക്കടലിലെ ന്യൂനമർദ്ദം ഒഡീഷ തീരത്ത് കരകയറാൻ സാധ്യത. ഇപ്പോൾ തീരത്ത് എത്തിനിൽക്കുന്ന ഈ സിസ്റ്റം well marked low pressure ( WML) ആയാണ് നിലകൊള്ളുന്നത്.

വടക്കൻ കേരളം വഴിയും ദക്ഷിണ കന്നഡ, മഹാരാഷ്ട്ര, തീരദേശ കർണാടക, ഗുജറാത്ത് സംസ്ഥാനങ്ങൾ വഴിയാണ് ഇപ്പോൾ ജെറ്റ് സ്ട്രീം കടന്നുപോകുന്നത്. അതിനാൽ കൊങ്കൺ മേഖലകളിൽ ഉൾപ്പെടെ ശക്തമായ മഴ വരും ദിവസങ്ങളിലും തുടരും. കേരളത്തിൽ കടൽ പ്രക്ഷുബ്ധമാകും.

ഉയർന്ന തിരമാല സാധ്യത

കോഴിക്കോട് (ചോമ്പാല FH മുതൽ രാമനാട്ടുകര വരെ), കണ്ണൂർ (വളപട്ടണം മുതൽ ന്യൂമാഹി വരെ), കണ്ണൂർ, കാസറഗോഡ് (കുഞ്ചത്തൂർ മുതൽ കോട്ടക്കുന്ന് വരെ) ജില്ലകളിലെ തീരങ്ങളിൽ ഇന്ന് (05/07/2026) രാത്രി 11.30 വരെ 2.9 മുതൽ 3.5 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു.

ഈ പ്രദേശങ്ങളിലെ മത്സ്യത്തൊഴിലാളികളും തീരദേശവാസികളും പ്രത്യേക ജാഗ്രത പാലിക്കാനും നിർദ്ദേശമുണ്ട്.

ജാഗ്രത നിർദേശങ്ങൾ

1കടൽക്ഷോഭം രൂക്ഷമാകാൻ സാധ്യതയുള്ളതിനാൽ അപകട മേഖലകളിൽ നിന്ന് അധികൃതരുടെ നിർദേശാനുസരണം മാറി താമസിക്കണം.

2. ചെറിയ വള്ളങ്ങളും ബോട്ടുകളും കടലിലേക്ക് ഇറക്കുന്നത് ഈ സമയത്ത് ഒഴിവാക്കുക.

3. കള്ളക്കടൽ പ്രതിഭാസത്തിനും ഉയർന്ന തിരമാലക്കും സാധ്യതയുള്ള ഘട്ടത്തിൽ കടലിലേക്ക് മത്സ്യബന്ധന യാനങ്ങൾ ഇറക്കുന്നത് പോലെ തന്നെ അപകടകരമാണ് കരക്കടുപ്പിക്കുന്നതും. ആയതിനാൽ തിരമാല ശക്തിപ്പെടുന്ന ഘട്ടത്തിൽ കടലിലേക്ക് ഇറക്കുന്നതും കരക്കടുപ്പിക്കുന്നതും ഒഴിവാക്കണം.

4. INCOIS മുന്നറിയിപ്പ് പിൻവലിക്കുന്നത് വരെ ബീച്ചുകൾ കേന്ദ്രീകരിച്ചുള്ള വിനോദസഞ്ചാരമുൾപ്പെടെയുള്ള എല്ലാ പ്രവർത്തനങ്ങളും പൂർണ്ണമായി ഒഴിവാക്കേണ്ടതാണ്.

5. മൽസ്യബന്ധന യാനങ്ങൾ (ബോട്ട്, വള്ളം, മുതലായവ) ഹാർബറിൽ സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങൾ തമ്മിൽ സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മൽസ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.

6. ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കുക.

7. തീരശോഷണത്തിനു സാധ്യതയുള്ളതിനാൽ പ്രത്യേകം ജാഗ്രത പുലർത്തുക.

English Summary : Kerala Weather Update: Intermittent Heavy Rain in Northern Districts; High Wave Warning Issued. Heavy Rain Zones: Kasaragod, Kozhikode, Kannur, and Wayanad districts are likely to experience heavy rain today, though there will be dry spells in between.