കേരളത്തിൽ ഇന്ന് (ജനുവരി 4) മഴയ്ക്കുള്ള സാധ്യത കുറവാണെന്ന് കേന്ദ്ര കാലാവസ്ഥാ വകുപ്പിന്റെ (IMD) റിപ്പോർട്ട്. കേരളത്തിലെ ഒരു ജില്ലയിലും നിലവിൽ പ്രത്യേക ജാഗ്രതാ നിർദ്ദേശങ്ങളോ (Special Alerts) മഴ മുന്നറിയിപ്പുകളോ നൽകിയിട്ടില്ല.

തെളിഞ്ഞ കാലാവസ്ഥ

കേരളത്തിൽ മിക്കയിടങ്ങളിലും ഇന്ന് പ്രധാനമായും വരണ്ട കാലാവസ്ഥയായിരിക്കും അനുഭവപ്പെടുക.

മഴ സാധ്യത

കേരളത്തിലെ ചില സ്ഥലങ്ങളിൽ നേരിയ മഴയ്ക്ക് സാധ്യതയുണ്ടെങ്കിലും ശക്തമായ മഴയോ കാറ്റോ പ്രതീക്ഷിക്കുന്നില്ല. പത്തനംതിട്ട, കോട്ടയം, ഇടുക്കി, എറണാകുളം, പാലക്കാട് ജില്ലകളിലാണ് മഴ സാധ്യതയുള്ളത്.

ശീതതരംഗം

വടക്കേ ഇന്ത്യയിൽ ശീതതരംഗം കടുക്കുന്നുണ്ടെങ്കിലും കേരളത്തിൽ നിലവിൽ വലിയ താപനില മാറ്റങ്ങൾ റിപ്പോർട്ട് ചെയ്തിട്ടില്ല. എങ്കിലും മലയോര മേഖലകളിൽ തണുപ്പ് തുടരാൻ സാധ്യതയുണ്ട്.

മത്സ്യത്തൊഴിലാളി നിർദ്ദേശങ്ങൾ

കേരള - കർണാടക - ലക്ഷദ്വീപ് തീരങ്ങളിൽ മത്സ്യബന്ധനത്തിന് നിലവിൽ തടസ്സങ്ങളില്ല. തെക്കൻ തമിഴ്‌നാട് തീരം, ഗൾഫ് ഓഫ് മന്നാർ, അതിനോട് ചേർന്ന കന്യാകുമാരി പ്രദേശം എന്നിവിടങ്ങളിലെല്ലാം മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ മണിക്കൂറിൽ 65 കിലോമീറ്റർ വരെയും വേഗതയിൽ ശക്തമായ കാറ്റിന് സാധ്യതയുണ്ട്.

Metbeat news