കാലാവസ്ഥാ വ്യതിയാനത്തിൽ
കാലം തെറ്റി കൊന്ന പൂത്തു; വിഷുവിന് ഇനിയും ഏഴ് മാസം

കേരളത്തിൽ ചിലയിടത്ത് കൊന്ന പൂത്തിരിക്കുന്നു. വിഷുവിന് ഇനിയും ഏഴ് മാസത്തോളം ബാക്കി നിൽക്കെയാണ് വിഷുക്കണിയിലെ പ്രധാന ഇനമായ കൊന്ന പൂത്തത്. കേരളത്തിൽ കൊന്നപ്പൂക്കൾ ഇപ്പോഴേ പൂത്തുതുടങ്ങിയത് അതിശയിപ്പിക്കുന്ന കാഴ്ച്ചയായി മാറിയിരിക്കുകയാണ്. സാധാരണയായി മാർച്ച്–ഏപ്രിൽ മാസങ്ങളിലാണ് കണിക്കൊന്ന (Cassia fistula)പൂക്കുന്നത്. എന്നാൽ പതിവ് രീതികളെല്ലാം തെറ്റിച്ച് സെപ്റ്റംബർ മാസത്തിൽ തന്നെ കൊന്ന പൂത്തത് ആശങ്കയുണ്ടാക്കുന്നു.

കോഴിക്കോട് നഗരത്തിൽ നിന്നുള്ള കാഴ്ച

കാരണക്കാരൻ കാലാവസ്ഥാ വ്യതിയാനം ?

ഇത്തവണ വളരെ നേരത്തെ കൊന്ന പൂത്തത് കാലാവസ്ഥാ വ്യതിയാനത്തെക്കുറിച്ചുള്ള ചർച്ചകൾക്ക് വഴിവെച്ചിരിക്കുകയാണ്.
വേനൽക്കാലത്തോടനുബന്ധിച്ചാണ് കണികൊന്ന പൂത്തുലയുന്നത്. എന്നാൽ കനത്ത ചൂടും താപനിലയിലുണ്ടാകുന്ന വ്യതിയാനം, മഴയുടെ സമയക്രമത്തിലുണ്ടാകുന്ന മാറ്റം, വരൾച്ചയും ഈർപ്പത്തിലുണ്ടാകുന്ന വ്യത്യാസങ്ങളും ഉൾപ്പെടെയുള്ള കാലാവസ്ഥാ ഘടകങ്ങൾ ഇത്തരം സസ്യങ്ങളുടെ സ്വാഭാവിക പൂക്കാലത്തെ ബാധിക്കാം.

Climate Change Hits Salt Production: കാലാവസ്ഥാ വ്യതിയാനം ഉപ്പ് ഉൽപ്പാദനത്തെ ബാധിച്ചു; രാജ്യത്തെ ഉപ്പുപാടങ്ങളിൽ ആശങ്ക, ഉപ്പിന് ക്ഷാമമാകുമോ?
ദൈനംദിന ജീവിതത്തിൽ ഉപ്പില്ലാതെ ഒരു ഭക്ഷണവും നമ്മൾ കഴിക്കുന്നില്ല. അത്രയേറെ ഉപ്പിന് നമ്മുടെ ജീവിതത്തിൽ പ്രാധാന്യമുണ്ട്.
https://metbeatnews.com/is-a-global-salt-shortage-looming

ചെടികൾക്ക് പൂക്കാൻ ആവശ്യമായ പ്രകാശം, താപനില, ജലലഭ്യത തുടങ്ങിയ ഘടകങ്ങളിലെ മാറ്റങ്ങൾ പൂക്കാലം നേരത്തെയോ വൈകിയോ എത്താൻ കാരണമാകാം. അതുകൊണ്ടുതന്നെ സാധാരണ കാലയളവിന് പുറത്തുള്ള കൊന്നപ്പൂക്കൾ കാലാവസ്ഥയിലെ അസാധാരണ മാറ്റങ്ങളുടെ ഒരു സൂചനയായും കാണാം.

കാലാവസ്ഥ വ്യതിയാനം തനെയാണോ പ്രശ്നം ?

ചില പ്രദേശത്ത് കൊന്നമരം അസാധാരണ സമയത്ത് പൂത്തുവെന്ന് കരുതി ഇത് കാലാവസ്ഥാ വ്യതിയാനമാണ് എന്ന് ഉറപ്പിച്ച് പറയാനാകില്ല. പ്രാദേശിക കാലാവസ്ഥ, മരത്തിന്റെ പ്രായവും ആരോഗ്യവും, മണ്ണിലെ ഈർപ്പം തുടങ്ങിയ ഘടകങ്ങളും പൂക്കലിനെ സ്വാധീനിച്ചേക്കാം.

ഏതായാലും വിഷുവിന് മാസങ്ങൾ ബാക്കിയിരിക്കെ ഈ കൊന്നകൾ പൂത്തത്, മാറി വരുന്ന കാലാവസ്ഥ, പ്രകൃതിയുടെ താളത്തിലും ചില മാറ്റങ്ങൾ സൃഷ്ടിക്കുന്നുണ്ടോ എന്ന ചോദ്യവും ഉയരുകയാണ്.

English Summary : Golden shower trees (Cassia fistula, locally known as Kanikonna) have started blooming across parts of Kerala seven months ahead of Vishu—the traditional April festival when they typically flower. The unusual September bloom has sparked ecological concerns, raising questions about the impact of shifting weather patterns.