ഡല്‍ഹിയില്‍ കനത്ത മഴയെ തുടര്‍ന്ന് അന്താരാഷ്ട്ര വിമാനത്താവളത്തില്‍ വെള്ളക്കെട്ട്. കനത്ത മഴയെയും കാറ്റിനെയും തുടര്‍ന്ന് ഡല്‍ഹിയില്‍ കേന്ദ്ര കാലാവസ്ഥാ വകുപ്പ് റെഡ് അലര്‍ട്ട് പ്രഖ്യാപിച്ചിരുന്നു.

ഡല്‍ഹി ഇന്ധിരാഗാന്ധി അന്താരാഷ്ട്ര വിമാനത്താവളത്തില്‍ വെള്ളം കയറിയ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിച്ചു. മുട്ടുവരെ വെള്ളം കയറിയ വിമാനത്താവളത്തിലൂടെ യാത്രക്കാര്‍ ട്രോളിയുമായി പോകുന്ന ദൃശ്യങ്ങളാണ് പുറത്തുവന്നത്.

#WATCH | Delhi: Waterlogging witnessed at Indira Gandhi International Airport after heavy rainfall lashed the national capital. pic.twitter.com/vejJpM2W2l
— ANI (@ANI) September 4, 2026

നിരവധി വിമാന സര്‍വിസുകളെ മഴ ബാധിച്ചെന്നും ചില സര്‍വിസുകള്‍ വഴി തിരിച്ചു വിട്ടെന്നുമാണ് റിപ്പോര്‍ട്ടുകള്‍. ഇതാദ്യമായാണ് ഇത്രയും വെള്ളക്കെട്ട് ഡല്‍ഹി വിമാനത്തിവളത്തിലുണ്ടാകുന്നതെന്ന് മാന്‍സി എന്ന യാത്രക്കാരി പറഞ്ഞതായി വാര്‍ത്താ ഏജന്‍സി എ.എന്‍.ഐ റിപ്പോര്‍ട്ടു ചെയ്തു.

9 വിമാനങ്ങള്‍ വഴിതിരിച്ചുവിട്ടതായി വിമാനത്താവള അധികൃതര്‍ അറിയിച്ചു. ജയ്പൂരിലേക്കുള്ള നാലു സര്‍വിസുകളും ലഖ്‌നൗ, അഹമ്മദാബാദ് എന്നിവിടങ്ങളിലേക്കുള്ള സര്‍വിസുകളുമാണ് വഴി തിരിച്ചു വിട്ടത്. വൈകിട്ട് മൂന്നരയ്ക്കും നാലരയ്ക്കും ഇടയിലുള്ള സര്‍വിസുകളാണിത്.

പ്രതികൂല കാലാവസ്ഥ മൂലം സര്‍വിസുകളെ ബാധിക്കാമെന്ന് എയര്‍ ഇന്ത്യ യാത്രക്കാര്‍ക്ക് മുന്നറിയിപ്പ് നല്‍കി. ഉത്തര്‍പ്രദേശിലും കനത്ത മഴ തുടരുന്നതിനാല്‍ ഓറഞ്ച് അലര്‍ട്ട് പ്രഖ്യാപിച്ചു. റോയിഡ, ഗാസിയാബാദ്, എന്നിവിടങ്ങളിലും അതിശക്തമായ മഴ തുടരുന്നു.

Photo : ANI X account screenshot

English Summary : Heavy Rain Inundates Delhi International Airport; Flights Diverted Amid Red Alert. Severe rainfall and strong winds caused heavy waterlogging at Delhi's Indira Gandhi International Airport, prompting the India Meteorological Department (IMD) to issue a red alert for the national capital. Social media videos showed passengers navigating knee-deep water inside the terminal premises with their luggage.