യുഎഇയിൽ ചൂടിന് ഇന്നും കുറവില്ല; വിവിധ മേഖലകളിൽ മൂടൽമഞ്ഞിന് സാധ്യത

യുഎഇയിൽ ഇന്ന് (ഒക്ടോബർ 8) തെളിഞ്ഞ കാലാവസ്ഥ മുതൽ ഭാഗികമായി മേഘാവൃതമായ കാലാവസ്ഥ വരെ അനുഭവപ്പെടുമെന്ന് ദേശീയ കാലാവസ്ഥാ കേന്ദ്രമായ NCM അറിയിച്ചു. ഉച്ചയ്ക്ക് ശേഷം രാജ്യത്തിന്റെ കിഴക്കൻ മേഖലകളിൽ മഴമേഘങ്ങൾ രൂപപ്പെടാൻ സാധ്യതയുണ്ട്. രാത്രിയിലും വെള്ളിയാഴ്ച രാവിലെയും ചില തീരപ്രദേശങ്ങളിലും ഉൾപ്രദേശങ്ങളിലും അന്തരീക്ഷത്തിൽ ഈർപ്പം ഉയരും. ഇതോടെ മൂടൽമഞ്ഞിനും നേരിയ മഞ്ഞിനും സാധ്യതയുണ്ടെന്ന് NCM (National Center of Meteorology) മുന്നറിയിപ്പ് നൽകി.

റെഡ്, യെല്ലോ അലേർട്ടുകൾ പ്രഖ്യാപിച്ചു

മൂടൽമഞ്ഞ് രൂപപ്പെടുന്നതിനാൽ ദൃശ്യപരതയിൽ ഗണ്യമായ കുറവുണ്ടാകാൻ സാധ്യതയുള്ളതിനാൽ ചില മേഖലകളിൽ റെഡ്, യെല്ലോ അലർട്ടുകൾ പ്രഖ്യാപിച്ചിട്ടുണ്ട്. ചില സമയങ്ങളിൽ ദൃശ്യപരത ഇനിയും കുറഞ്ഞേക്കാമെന്നും NCM മുന്നറിയിപ്പ് നൽകി.
തെക്കുകിഴക്ക് മുതൽ വടക്കുകിഴക്ക് ദിശയിൽ നേരിയതോ മിതമായതോ ആയ കാറ്റ് വീശും.

അബുദാബിയിൽ പരമാവധി താപനില 43 ഡിഗ്രി സെൽഷ്യസും കുറഞ്ഞ താപനില 29 ഡിഗ്രി സെൽഷ്യസുമായിരിക്കും. ദുബായിൽ 43 ഡിഗ്രി സെൽഷ്യസ് വരെ ചൂട് ഉയരും. കുറഞ്ഞ താപനില 30 ഡിഗ്രി സെൽഷ്യസ് ആയിരിക്കും. ഷാർജയിൽ 41 ഡിഗ്രി സെൽഷ്യസ് വരെ താപനില ഉയരുമ്പോൾ രാത്രിയിൽ 28 ഡിഗ്രി സെൽഷ്യസായിരിക്കും കുറഞ്ഞ താപനില. രാജ്യത്തെ പർവതപ്രദേശങ്ങളിൽ കുറഞ്ഞ താപനില 21 ഡിഗ്രി സെൽഷ്യസ് വരെ താഴും. അറേബ്യൻ ഗൾഫിലും ഒമാൻ കടലിലും കടൽ പൊതുവിൽ ശാന്തമായിരിക്കും.

English Summary : The National Center of Meteorology (NCM) reports clear to partly cloudy skies across the UAE on October 8, with potential convective rain clouds forming over eastern areas by afternoon. High humidity at night and Friday morning is expected to trigger fog and mist in coastal and internal regions, prompting yellow and red alerts for reduced visibility. Temperatures will peak at 43°C in Abu Dhabi and Dubai, and 41°C in Sharjah, while mountain regions will see lows dropping to 21°C. Light to moderate winds will prevail, and the Arabian Gulf and Oman Sea will remain generally calm.