ദുരന്തങ്ങൾ ആവർത്തിക്കും; കാലാവസ്ഥാ ഭീഷണിയിൽ ഹിന്ദുകുഷ്–ഹിമാലയൻ പർവതനിരകൾ

എന്താണ് നേപ്പാളിലെ പ്രളയത്തിന് കാരണം? ഒരു നാടിനെ മുഴുവൻ ഒഴുക്കി കളഞ്ഞ പ്രളയത്തിന് പിന്നിലെന്ത്? കാരണങ്ങൾ കണ്ടെത്താൻ ഇന്ത്യയും ചൈനയും പഠനം നടത്താൻ പോകുന്നു. ഹിമതടാക സ്ഫോടനത്തിന്റെ കാരണങ്ങൾ കണ്ടെത്തുകയാണ് ലക്ഷ്യം. ചൈനയുടെ അത്യാധുനിക ഉപഗ്രഹ സംവിധാനങ്ങളും സാങ്കേതികവിദ്യകളും ഉപയോഗിച്ച് നേപ്പാളിന് സഹായം നൽകാൻ ചൈനീസ് പ്രസിഡന്റ് ഷി ജിൻപിങ് നിർദേശം നൽകിയിരുന്നു. ഇതിന്റെ ഭാഗമായാണ് ചൈനീസ് അധികൃതരുമായി ചേർന്ന് പഠനം ആരംഭിച്ചതായി നേപ്പാൾ പ്രധാനമന്ത്രിയുടെ ഓഫിസ് അറിയിച്ചത്.

Nepal Flood Disaster: നേപ്പാൾ ദുരന്തത്തിൽ 121 വിദേശികളെ രക്ഷപ്പെടുത്തി, 85 പേർ ഇന്ത്യക്കാർ, അടിയന്തര സഹായവുമായി ചൈന
നേപ്പാളിലെ പ്രളയത്തിൻ്റെ ഭീതി ഇപ്പോഴും വിട്ടൊഴിഞ്ഞിട്ടില്ല. ഒരുനാട് മുഴുവൻ തുടച്ചു നീക്കപ്പെട്ടിരിക്കുകയാണ്
https://metbeatnews.com/121-foreigners-rescued-including-85-indians-china-extends-emergency-aid

ദുരന്തത്തിന്റെ യഥാർഥ കാരണം കണ്ടെത്തുക

കാലാവസ്ഥാ വ്യതിയാനത്തിന്റെ ഗുരുതര പ്രത്യാഘാതങ്ങൾ നേരിടുന്ന ഹിന്ദുകുഷ്–ഹിമാലയൻ മേഖലയിൽ ഉണ്ടായ ദുരന്തത്തിന്റെ യഥാർഥ കാരണം കണ്ടെത്തുകയാണ് പഠനത്തിന്റെ പ്രധാന ലക്ഷ്യം. പ്രഥമിക നിഗമനം എന്തെന്നാൽ മഞ്ഞുമലയുടെ ഒരു വശം അടർന്നുവീണതിനെ തുടർന്ന് വെള്ളവും മണ്ണും ചെളിയും വൻതോതിൽ താഴേക്ക് പതിച്ചതാണ് ദുരന്തത്തിന് കാരണമെന്നാണ് പ്രാഥമിക നിഗമനം. എന്നാൽ ഇതുമാത്രമാണോ കാരണങ്ങൾ എന്ന് കണ്ടെത്താനാണ് പുതിയ പഠനം.

The Hindu Kush Himalaya

അതേസമയം കാഠ്മണ്ഡു ആസ്ഥാനമായ ഹിന്ദുകുഷ്–ഹിമാലയ മേഖലയിലെ പരിസ്ഥിതി സംരക്ഷണത്തിനായി പ്രവർത്തിക്കുന്ന ഇന്റർനാഷനൽ സെന്റർ ഫോർ ഇന്റഗ്രേറ്റഡ് മൗണ്ടൻ ഡെവലപ്‌മെന്റിന്റെ (ICIMOD) വിലയിരുത്തലിലും സമാന സൂചനകളാണുള്ളത്. ദുരന്തത്തിന് പിന്നാലെ ത്രിശൂലി നദിയിലെ ജലനിരപ്പ് അരമണിക്കൂറിനുള്ളിൽ ഒമ്പത് മീറ്ററിലധികം ഉയർന്നതായാണ് ഗവേഷകർ ചൂണ്ടിക്കാട്ടുന്നത്.

The engineer who designed that house's column structure deserves a national medal.
pic.twitter.com/PQgORN5LVq
— Rishi Bagree (@rishibagree) August 28, 2026

അപൂർവ്വ പ്രളയം

ഗവേഷകർ പറയുന്നത് വലിയ പാറകളും മണ്ണും ചെളിയും മഞ്ഞു കട്ടകളും അതിശക്തമായ ഒഴുക്കിൽ മലയിടുക്കുകളിലൂടെ താഴേക്ക് കുതിച്ചെത്തിയെന്നാണ്. ഇത്രയും തീവ്രമായ പ്രളയം ഈ മേഖലയിൽ ഇതുവരെ അനുഭവിച്ചിട്ടില്ലെന്നും വളരെ അപൂർവമാണെന്നും ഗവേഷകർ പറയുന്നു.

അതേ സമയം ICIMOD കാലാവസ്ഥാ വിഭാഗം മേധാവി ക്വാങ്‌ഗോങ്ഴാങിന്റെ വിശദീകരണ പ്രകാരം മലയിടുക്കുകളിൽ ആഴ്ചകളായി അടിഞ്ഞുകൂടിയ പാറയും മണ്ണും ചെളിയും മറ്റും വെള്ളത്തിന്റെ സ്വാഭാവിക ഒഴുക്കിന് തടസ്സം സൃഷ്ടിച്ചിരിക്കാം എന്നാണ്. മഞ്ഞുരുകിയെത്തുന്ന വെള്ളത്തിന്റെ സമ്മർദം കൂടിയതോടെ ഈ തടസ്സം പെട്ടെന്ന് തകർന്നതാണ് സ്ഫോടനത്തിനും വലിയ പ്രളയത്തിനും കാരണമായത്. ഇതു പോലുള്ള മണ്ണിടിച്ചിലുകൾക്കും പ്രളയങ്ങൾക്കും ഇനിയും സാധ്യതയുണ്ടെന്നും അദ്ദേഹം മുന്നറിയിപ്പ് നൽകുന്നു.

ഭീഷണിയായി ഹിന്ദുകുഷ് മലനിര

ലോകത്ത് കാലാവസ്ഥാ വ്യതിയാനത്തിന്റെ ഏറ്റവും വലിയ ഭീഷണി നേരിടുന്ന പർവത മേഖലകളിലൊന്നാണ് ഹിന്ദുകുഷ്–ഹിമാലയം. എട്ട് രാജ്യങ്ങളിലായി ഏകദേശം 3,500 കിലോമീറ്റർ നീളത്തിൽ വ്യാപിച്ചുകിടക്കുന്ന ഈ പർവതനിര ജൈവവൈവിധ്യ ശോഷണം, മഞ്ഞുരുക്കം, കാലാവസ്ഥാ വ്യതിയാനം, ഭൂചലന സാധ്യത തുടങ്ങിയ നിരവധി വെല്ലുവിളികളാണ് നേരിടുന്നത്.

കഴിഞ്ഞ കാൽനൂറ്റാണ്ടിനിടെ ഹിമാലയത്തിലെ മഞ്ഞുരുക്കത്തിന്റെ തോത് വർധിച്ചതും ആശങ്ക ഉയർത്തുന്നു. മഞ്ഞുപാളികൾ അതിവേഗം ഉരുകുന്നത് ഹിമതടാകങ്ങളുടെ വലുപ്പം വർധിപ്പിക്കുകയും അവയുടെ കരകവിഞ്ഞൊഴുക്കിനും സ്ഫോടനത്തിനുമുള്ള സാധ്യത വർധിപ്പിക്കുകയും ചെയ്യുന്നു.

ഗവേഷകർ ചൂണ്ടികാട്ടുന്നു

ഗവേഷകർ ഹിമാലയൻ മേഖലയിൽ നടക്കുന്ന വലിയ വികസന, ജലവൈദ്യുത പദ്ധതികളും പ്രദേശത്തിന്റെ പരിസ്ഥിതിക്കും സുരക്ഷയ്ക്കും പുതിയ വെല്ലുവിളികൾ സൃഷ്ടിക്കുന്നതായി ചൂണ്ടിക്കാട്ടുന്നു. അതിർത്തികൾക്കപ്പുറമുള്ള ഈ പ്രശ്നത്തെ നേരിടാൻ മേഖലയിൽപ്പെട്ട എല്ലാ രാജ്യങ്ങളുടെയും ഏകോപിതമായ ഇടപെടൽ അനിവാര്യമാണെന്നും വിദഗ്ധർ അഭിപ്രായപ്പെടുന്നു.

ആവർത്തിക്കപ്പെടുന്ന ദുരന്തങ്ങൾ

കാലാവസ്ഥാ വ്യതിയാനം ഹിമശൈലങ്ങളുടെ ഘടനയിൽ വലിയ മാറ്റം വരുത്തുന്നുണ്ട്. ആഗോളതാപനം വർധിക്കുന്നതോടെ മഞ്ഞുപാളികൾ കൂടുതൽ അസ്ഥിരമാകുകയാണെന്ന് ക്രയോസ്ഫിയർ വിദഗ്ധൻ മുഹമ്മദ് ഫറൂഖ് പറയുന്നു. വരും വർഷങ്ങളിൽ ഹിമാലയൻ മേഖലയിൽ ഇത്തരം ദുരന്തങ്ങളുടെ സാധ്യത വർധിക്കാമെന്ന മുന്നറിയിപ്പും വിദഗ്ധർ നൽകുന്നുണ്ട്.

English Summary : The Hindu Kush-Himalayan (HKH) region is facing escalating climate threats. A disastrous flash flood severely struck central Nepal and the surrounding border regions, sending a destructive wave of mud, ice, sediment, and boulders down the Bhote Koshi and Trishuli river systems. The event has underscored the extreme environmental vulnerability of the world’s highest mountain range.