അടുത്ത മൂന്നു മണിക്കൂറിൽ ഈ ജില്ലകളിൽ ഇടിമിന്നലോടുകൂടിയ മഴയ്ക്കും കാറ്റിനും സാധ്യത

കേരളത്തിൽ അടുത്ത മൂന്ന് മണിക്കൂറിൽ വിവിധ ജില്ലകളിൽ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് (IMD). മലപ്പുറം, കോഴിക്കോട് ജില്ലകളിൽ ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ നേരിയ മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ട്.

കോഴിക്കോട്ട് ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട് ജില്ലകളിൽ ഒറ്റപ്പെട്ടയിടങ്ങളിൽ നേരിയ മഴയ്ക്കും സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു.

Weather Keralam 19/10/26 : അറബിക്കടലിലെ ന്യൂനമർദ്ദം ശക്തി കൂടിയ ന്യൂനമർദ്ദമായി, കേരളത്തിൽ ശക്തമായ മിന്നലിനും മഴയ്ക്കും സാധ്യത
Weather Update (19/10/26): Arabian Sea Low-Pressure Intensifies, Bringing Thunderstorms and Rain to Kerala
https://metbeatnews.com/weather-update-191026-arabian-sea-low-pressure-intensifies-bringing-thunderstorm

ഇടിമിന്നലും ശക്തമായ കാറ്റും ഉണ്ടാകാൻ സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണം. ഇടിമിന്നൽ സമയത്ത് തുറസ്സായ സ്ഥലങ്ങളിൽ നിൽക്കുന്നതും മരങ്ങളുടെ ചുവട്ടിൽ അഭയം തേടുന്നതും ഒഴിവാക്കണം.

ബംഗാൾ ഉൾക്കടലിൽ ന്യൂനമർദ്ദ പാത്തി

തെക്കു പടിഞ്ഞാറ് ബംഗാൾ ഉൾക്കടലിൽ നിന്ന് ഒരു ന്യൂനമർദ്ദ പാത്തി (Through ) തമിഴ്നാട്ടിലേക്ക് നീളുന്നു. അതുപോലെ ലക്ഷദ്വീപിൽ നിന്നും മറ്റൊരു ന്യൂനമർദ്ദ പാത്തി ( Trough) കേരളം, കർണാടക, തെക്കൻ ആന്ധ്രപ്രദേശ് എന്നിവയ്ക്ക് മുകളിലൂടെ ബംഗാൾ ഉൾക്കടലിലേക്കും നീളുന്നുണ്ട്.

ഈ സാഹചര്യത്തിൽ ഇന്ന് തമിഴ്നാട്ടിലും കേരളത്തിലും ഇടിയോട് കൂടെ മഴ ലഭിക്കും. ഉച്ചയ്ക്കുശേഷം ആകും മഴ. തമിഴ്നാട്ടിൽ ഇന്ന് ശക്തമായ മിന്നലിനും മഴയ്ക്കും സാധ്യതയുള്ളതിനാൽ അടുത്ത മൂന്ന് ദിവസത്തേക്ക് ഓറഞ്ച് അലർട്ട് നൽകിയിട്ടുണ്ട്. കേരളത്തിൽ നിലവിൽ മഞ്ഞ അലർട്ട് ആണ് ഉള്ളത്.

കേരളത്തിൽ ഇന്ന് മുതൽ കഴിഞ്ഞ ദിവസത്തെ അപേക്ഷിച്ച് തുലാവർഷം ശക്തിപ്പെടും. മധ്യകേരളം മുതൽ തെക്കോട്ടുള്ള ജില്ലകളിലാണ് മഴ സാധ്യത കൂടുതൽ. വടക്കൻ കേരളത്തിൽ കണ്ണൂർ , കാസർകോട് , മലപ്പുറം, പാലക്കാട് തുടങ്ങിയ ജില്ലകളിലും ഇടിയോടെ മഴ ലഭിക്കും.

മധ്യകേരളത്തിൽ തൃശ്ശൂർ, എറണാകുളം , ഇടുക്കി ജില്ലകളിലും, തെക്കൻ ജില്ലകളിലെ ആലപ്പുഴ, കോട്ടയം, പത്തനംതിട്ട, കൊല്ലം, തിരുവനന്തപുരം ജില്ലകളിലും മഴ ലഭിക്കും.

English Summary : The India Meteorological Department (IMD) has issued a yellow weather alert for Kerala, forecasting thunderstorms, light to moderate rainfall, and gusty winds reaching up to 40 km/h across multiple districts over the next three hours.