കേരളത്തിൽ മഴയും ഇടിമിന്നലും; നാല് ജില്ലകളിൽ ഓറഞ്ച് അലർട്ട്

കേരളത്തിൽ അടുത്ത അഞ്ച് ദിവസവും ഇടിയോട് കൂടിയ മഴ തുടരുമെന്ന് കേന്ദ്ര കാലാവസ്ഥ വകുപ്പ്. ഇന്ന് (ഒക്ടോബർ 15) നാല് ജില്ലകളിൽ ഓറഞ്ച് അലർട്ടും പത്ത് ജില്ലകളിൽ മഞ്ഞ അലർട്ടും പ്രഖ്യാപിച്ചു. പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലാണ് ഓറഞ്ച് അലർട്ട്. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കും ഇടിമിന്നലോടു കൂടിയ മഴയ്ക്കുമാണ് സാധ്യത.

തിരുവനന്തപുരം, കൊല്ലം, ആലപ്പുഴ, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് ഇന്ന് മഞ്ഞ അലർട്ട്. ഒറ്റപ്പെട്ടയിടങ്ങളിൽ ശക്തമായ മഴ ലഭിച്ചേക്കും.

ഒക്ടോബർ 16ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ മഞ്ഞ അലർട്ടുണ്ട്.

Kerala Weather : കാലവർഷം പിൻവാങ്ങി; കേരളത്തിൽ തുലാവർഷം തുടങ്ങി, വരും ദിവസങ്ങളിലും മഴയ്ക്ക് സാധ്യത
കേരളത്തിൽ കാലവർഷം പിൻവാങ്ങി. തുലാവർഷത്തിന് തുടക്കമായി. കേന്ദ്ര കാലാവസ്ഥാ വകുപ്പിന്റെ (IMD) അറിയിപ്പനുസരിച്ച് ഒക്ടോബർ 15-ന് തെക്കുപടിഞ്ഞാറൻ കാലവർഷം രാജ
https://metbeatnews.com/imd-predicts-heavy-rainfall-across-districts-live-weather-updates

ഒക്ടോബർ 17ന് പത്തനംതിട്ട, ഇടുക്കി, മലപ്പുറം, കോഴിക്കോട് ജില്ലകളിലും 18ന് കോഴിക്കോട്, വയനാട്, കണ്ണൂർ ജില്ലകളിലും മഞ്ഞ അലർട്ട് പ്രഖ്യാപിച്ചിട്ടുണ്ട്. ഒക്ടോബർ 19ന് പത്തനംതിട്ട, ഇടുക്കി, കണ്ണൂർ, കാസർകോട് ജില്ലകളിലും മഞ്ഞ അലർട്ടുണ്ട്.

മലയോര മേഖലകളിൽ ജാഗ്രത വേണം

ഉരുൾപൊട്ടൽ, മണ്ണിടിച്ചിൽ, മലവെള്ളപ്പാച്ചിൽ എന്നിവയ്ക്ക് സാധ്യതയുള്ള പ്രദേശങ്ങളിൽ താമസിക്കുന്നവർ അധികൃതരുടെ നിർദേശങ്ങൾ പാലിച്ച് സുരക്ഷിത സ്ഥാനങ്ങളിലേക്ക് മാറണമെന്ന് സംസ്ഥാന ദുരന്ത നിവാരണ അതോറിറ്റി നിർദേശിച്ചു. നദിക്കരകളിലും അണക്കെട്ടുകളുടെ താഴ്ന്ന പ്രദേശങ്ങളിലും താമസിക്കുന്നവരും ജാഗ്രത പാലിക്കണം. ദുരന്തസാധ്യതയുള്ള മേഖലകളിലുള്ളവർ പകൽ സമയത്തുതന്നെ സുരക്ഷിത സ്ഥാനങ്ങളിലേക്ക് മാറാൻ തയ്യാറാകണം.

Kerala Weather : അറബിക്കടലിൽ ലക്ഷദ്വീപിനു മുകളിൽ ചക്രവാത ചുഴി ; കേരളത്തിൽ മഴ തുടരും
തെക്കുകിഴക്കൻ അറബിക്കടലിലും ലക്ഷദ്വീപിനോടു ചേർന്നും ചക്രവാതച്ചുഴി നിലനിൽക്കുന്നതായി കേന്ദ്ര കാലാവസ്ഥാ വകുപ്പിന്റെ പുതിയ റിപ്പോർട്ട്.
https://metbeatnews.com/cyclonic-circulation-over-lakshadweep-arabian-sea-triggers-rain-alert

ശക്തമായ കാറ്റിന് സാധ്യത

ശക്തമായ കാറ്റിന് സാധ്യതയുള്ളതിനാൽ മരങ്ങൾ, വൈദ്യുതത്തൂണുകൾ, ബോർഡുകൾ, മതിലുകൾ എന്നിവ അപകടാവസ്ഥയിലാണെങ്കിൽ ബന്ധപ്പെട്ട അധികൃതരെ അറിയിക്കണം. അതേ സമയം കാലാവസ്ഥാ വകുപ്പിന്റെ മുന്നറിയിപ്പുകൾക്കനുസരിച്ച് അലർട്ടുകളിൽ മാറ്റമുണ്ടാകാമെന്നും അധികൃതർ അറിയിച്ചു.

English Summary : The Indian Meteorological Department (IMD) has issued heavy rain and thunderstorm alerts across Kerala for the next five days. Today, an Orange Alert is in effect for Pathanamthitta, Kottayam, Idukki, and Ernakulam districts, warning of isolated very heavy rainfall. Ten other districts are under a Yellow Alert.