അടുത്ത മൂന്ന് മണിക്കൂർ തിരുവനന്തപുരത്ത് ഓറഞ്ച് അലർട്ട്; മഴയ്ക്കും ശക്തമായ കാറ്റിനും സാധ്യത

തിരുവനന്തപുരം ജില്ലയിൽ അടുത്ത മൂന്ന് മണിക്കൂറിൽ ഇടിമിന്നലോടു കൂടിയ ഇടത്തരം മഴയ്ക്കും ശക്തമായ കാറ്റിനും സാധ്യതയെന്ന് കേന്ദ്ര കാലാവസ്ഥ വകുപ്പ്. ജില്ലയിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്.

മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റ് വീശാനും സാധ്യതയുണ്ട്. ഒന്നോ രണ്ടോ സ്ഥലങ്ങളിൽ ഇടിമിന്നലോടു കൂടിയ മഴ ലഭിക്കുമെന്നാണ് പ്രവചനം. മുന്നറിയിപ്പ് അടുത്ത മൂന്ന് മണിക്കൂർ നേരത്തേക്ക് മാത്രമാണ് ബാധകമെന്നും കാലാവസ്ഥ വകുപ്പ് അറിയിച്ചു.

മത്സ്യബന്ധനത്തിന് തടസ്സമില്ല

കേരളം, കർണാടക, ലക്ഷദ്വീപ് തീരങ്ങളിൽ ഇന്ന് (നവംബർ 4) മത്സ്യബന്ധനത്തിന് തടസ്സമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. അതേസമയം, ബംഗാൾ ഉൾക്കടലിൽ ആന്ധ്രപ്രദേശ് തീരത്ത് മത്സ്യത്തൊഴിലാളികൾക്ക് പ്രത്യേക ജാഗ്രതാ നിർദേശം പുറപ്പെടുവിച്ചിട്ടുണ്ട്.

ആന്ധ്രപ്രദേശ് തീരത്തോട് ചേർന്നുള്ള ബംഗാൾ ഉൾക്കടൽ മേഖലയിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാൽ ഇന്ന് ഈ മേഖലയിൽ മത്സ്യബന്ധനത്തിന് പോകാൻ പാടില്ലെന്നാണ് നിർദേശം.

മുന്നറിയിപ്പ് നൽകിയ സമുദ്ര മേഖലകളുടെ കൃത്യമായ വിവരങ്ങൾക്കായി കാലാവസ്ഥ വകുപ്പ് പുറത്തിറക്കിയ ഭൂപടം പരിശോധിക്കണമെന്നും അധികൃതർ അറിയിച്ചു.

English Summary : The India Meteorological Department (IMD) has issued an Orange Alert for Thiruvananthapuram district for the next three hours. Moderate rainfall accompanied by thunderstorms and sudden strong winds blowing at speeds of 40 to 50 km/h are expected at one or two places.