അർണബ് ചുഴലിക്കാറ്റ് ശക്തിപ്രാപിക്കുന്നു; നാളെ അതിതീവ്ര ചുഴലിക്കാറ്റാകും

ബംഗാൾ ഉൾക്കടലിൽ രൂപംകൊണ്ട ‘അർണബ്’ ചുഴലിക്കാറ്റ് അതിതീവ്ര ചുഴലിക്കാറ്റായി ശക്തിപ്രാപിക്കുമെന്ന് കേന്ദ്ര കാലാവസ്ഥാ വകുപ്പ്. നിലവിൽ മധ്യ ബംഗാൾ ഉൾക്കടലിലും അതിനോട് ചേർന്ന പടിഞ്ഞാറൻ മധ്യ ബംഗാൾ ഉൾക്കടലിലുമായി സ്ഥിതിചെയ്യുന്ന ചുഴലിക്കാറ്റ് പടിഞ്ഞാറ്-വടക്കുപടിഞ്ഞാറ് ദിശയിൽ നീങ്ങുകയാണ്. ഇന്ന് രാത്രി തന്നെ ഇത് അതിശക്തമായ ചുഴലിക്കാറ്റായി മാറുമെന്നാണ് പ്രവചനം.

ഒഡിഷയിലെ ഗോപാൽപുരിൽ നിന്ന് 580 കിലോമീറ്റർ തെക്കുകിഴക്കായും ആന്ധ്രാപ്രദേശിലെ വിശാഖപട്ടണത്തുനിന്ന് 610 കിലോമീറ്റർ കിഴക്ക്-തെക്കുകിഴക്കായുമാണ് ചുഴലിക്കാറ്റിന്റെ സ്ഥാനം. കഴിഞ്ഞ ആറു മണിക്കൂറിനിടെ മണിക്കൂറിൽ 15 കിലോമീറ്റർ വേഗത്തിലാണ് ചുഴലിക്കാറ്റ് പടിഞ്ഞാറോട്ട് നീങ്ങിയത്.

അർണബ് ചുഴലിക്കാറ്റ് ഇന്ന് കേരളത്തിൽ മഴ കുറയും
Cyclone Arnab Set to Form Today; Rainfall to Decrease Across Kerala Starting Tomorrow
https://metbeatnews.com/cyclone-arnab-set-to-form-today-rainfall-to-decrease-across-kerala-starting-tomo

28ന് ആന്ധ്ര തീരം തൊടും

ഒക്ടോബർ 28ന് രാവിലെ ബാപട്‌ലക്കും വിശാഖപട്ടണത്തിനും ഇടയിൽ, യാനം തീരത്തിന് സമീപം ചുഴലിക്കാറ്റ് കരതൊടുമെന്നാണ് കാലാവസ്ഥാ വകുപ്പിന്റെ പ്രവചനം. കരതൊടുന്ന സമയത്ത് മണിക്കൂറിൽ 115 മുതൽ 125 കിലോമീറ്റർ വരെ വേഗത്തിൽ കാറ്റ് വീശാൻ സാധ്യതയുണ്ട്. കാറ്റിന്റെ വേഗം മണിക്കൂറിൽ 140 കിലോമീറ്റർ വരെയും ഉയർന്നേക്കാം.

കേരളത്തിലും മഴയ്ക്ക് അനുകൂല സാഹചര്യം

തെക്കുപടിഞ്ഞാറൻ ബംഗാൾ ഉൾക്കടലിലും തെക്കൻ തമിഴ്നാടിന്റെ തീരപ്രദേശത്തോട് ചേർന്നും നിലനിൽക്കുന്ന ന്യൂനമർദം അതേ മേഖലയിൽ തുടരുകയാണ്. ഇതുമായി ബന്ധപ്പെട്ട ചക്രവാതച്ചുഴി സമുദ്രനിരപ്പിൽ നിന്ന് 7.6 കിലോമീറ്റർ ഉയരം വരെ വ്യാപിച്ചുകിടക്കുന്നു.

ലക്ഷദ്വീപ് മേഖലയിൽനിന്ന് തെക്കൻ കേരളത്തിലൂടെ ന്യൂനമർദവുമായി ബന്ധപ്പെട്ട ചക്രവാതച്ചുഴിയിലേക്ക് നീളുന്ന ന്യൂനമർദ പാത്തിയും നിലനിൽക്കുന്നുണ്ട്. ഈ കാലാവസ്ഥാ സംവിധാനങ്ങൾ കേരളത്തിലെ മഴസാഹചര്യത്തെയും സ്വാധീനിച്ചേക്കാം.

English Summary : The India Meteorological Department (IMD) has issued a warning regarding Cyclone 'Arnab', which formed over the Bay of Bengal and is rapidly gaining strength. Currently positioned over the central and adjoining west-central Bay of Bengal, the storm is moving in a west-northwest direction and is projected to intensify into a very severe cyclonic storm.