പ്രകൃതിയിലൊരു സ്വർഗ്ഗമുണ്ടെങ്കിൽ അത് ഇവിടെയാണ്, ക്രിസ്തുമസ് അവധി ആലോഷിക്കാം മഞ്ഞ് വാരിയെറിഞ്ഞ്

ക്രിസ്‌തുമസ് അവധിക്ക് എവിടെ പോകണമെന്ന് ഇപ്പോഴേ പ്ലാൻ ചെയ്യുകയാണോ, എന്നാൽ യൂറോപ്പിലേക്കായാലോ, ഈ ക്രിസ്‌തുമസ് കാലത്ത് മഞ്ഞിൻ മുകളിലല്ലാതെ എവിടെ വെച്ചാണ് ക്രിസ്‌തുമസ് അവധി ആഘോഷിക്കുക. അല്ലെങ്കിലും ഡിസംബറില്‍ യൂറോപ്യന്‍ രാജ്യങ്ങള്‍ കാണാന്‍ പ്രത്യേക ഭംഗിയാണ്. ഈ മഞ്ഞിൽ പഞ്ഞികെട്ടുപോലുള്ള മരങ്ങളും ഇലകളും റോഡുകളുമൊക്കെ കാണാൻ തന്നെ എന്തൊരു ഭംഗിയാണ്.

പക്ഷേ മഞ്ഞിൽ കുളിച്ച യൂറോപ്യൻ രാജ്യങ്ങളിൽ പോവുക എന്നത് നമ്മളിൽ പലർക്കും സാധിക്കാത്ത കാര്യമാണ്. യാത്രയ്ക്കുള്ള വലിയ ചിലവ് ആണ് പലര്‍ക്കും പ്രശ്‌നമാകുന്നത്. എന്നാല്‍ ഈ ക്രിസ്മസ് അവധിക്കാലത്ത് യൂറോപ്യന്‍ രാജ്യങ്ങളുടെ ഭംഗി കണ്ട് പോവാൻ പറ്റുന്നില്ലല്ലോ എന്നോർത്ത് സങ്കടപ്പെടേണ്ട. യൂറോപ്യൻ രാജ്യങ്ങളിലെ ക്രിസ്‌തുമസ് വൈബ് അതുപോലെ തന്നെ മനോഹരമായി അനുഭവിക്കാൻ കഴിയുന്ന ചില സ്ഥലങ്ങൾ നമ്മുടെ രാജ്യത്തുമുണ്ട്. ഇവിടങ്ങളില്‍ പോകാനുള്ള ഏറ്റവും പറ്റിയ സമയമാണ് ക്രിസ്മസ് അവധിക്കാലം.

മഞ്ഞിൽ കുളിച്ചു നിൽക്കുന്ന മണാലി

അതിൽ ഒന്നാമത്തേത് മണാലിയാണ്. ഇന്ത്യയിലെ ഏറ്റവും പ്രശസ്തമായ ഹില്‍ സ്റ്റേഷനുകളില്‍ ഒന്നാണ് ഹിമാചല്‍ പ്രദേശിലെ മണാലി. പ്രത്യേകിച്ച് ക്രിസ്മസ് സമയത്ത്. മഞ്ഞിൽ കുളിച്ച് നിൽക്കുന്ന പ്രകൃതി, എങ്ങും ക്രിസ്തുമസ് തോരണങ്ങൾ എല്ലാം കൊണ്ടും ഇവിടെ ക്രിസ്‌തുമസ് അന്തരീക്ഷമാണ്.

മറ്റൊന്ന് ഉത്തരാഖണ്ഡിലെ ഒലിയാണ്. ഭൂമിയിലെ സ്വര്‍ഗ്ഗങ്ങളില്‍ ഒന്നാണ് ഉത്തരാഖണ്ഡിലെ ഒലി എന്ന ഈ മനോഹരമായ പ്രദേശം. സാഹസികത കൂടി പരീക്ഷിക്കാന്‍ പറ്റിയ സ്ഥലമാണ് ഇവിടം. ഇന്ത്യയുടെ സ്‌കീയിംഗ് തലസ്ഥാനമായാണ് ഒലി അറിയപ്പെടുന്നത്. മഞ്ഞുമൂടിയ ഹിമാലയന്‍ പര്‍വ്വതനിരകളുടെ അതിമനോഹരമായ കാഴ്ചയാണ് ഇവിടങ്ങളില്‍ കാണാന്‍ കഴിയുന്നത്.

ഗുൽമാർഗ്ഗിൽ പോയാലും അടിച്ചുപൊളിച്ച് തിരിച്ചു പോരാം

കാശ്മീരിലെ ഗുല്‍മാര്‍ഗിൽഡിസംബര്‍ മുതല്‍ ഫെബ്രുവരി വരെ മഞ്ഞുവീഴ്ചയുണ്ടാകും. ക്രിസ്‌തുമസ് അവധി കഴിഞ്ഞ് ഇവിടെ നിന്ന് തിരിച്ചുപോകാൻ മനസ്സ് അനുവദിക്കില്ല. അത്രയ്ക്കും മനോഹരമാണിവിടെ.

ലഡാക്ക് പക്ഷേ ഒരു പരുക്കൻ പ്രദേശമാണ്, എങ്കിലും ഡിസംബറിൽ കാണേണ്ട ഇവിടുത്തെ കാഴ്ച അടിപൊളിയാണ്. ഇവിടുത്തെ ട്രക്കിങ്ങും സന്‍സ്‌കാര്‍ നദിയിലൂടെയുള്ള യാത്രയും സ്വർഗ്ഗതുല്യമാണ്.

സമുദ്രനിരപ്പില്‍ നിന്ന് 8800 അടി ഉയരത്തില്‍ സ്ഥിതിചെയ്യുന്ന സ്ഥലമാണ് വടക്കന്‍ സിക്കിമിലെ യംതാങ്. പൂക്കളുടെ താഴ് വര എന്നാണ് ഇതറിയപ്പെടുന്നത്. തണുത്തുറഞ്ഞ അരുവികൾ, പരന്നു കിടക്കുന്ന മഞ്ഞു മലകൾ, മഞ്ഞുമൂടിയ മരങ്ങൾ ഇതെല്ലാം യംതാങിനെ മനോഹരമാക്കുന്നു. ക്രിസ്‌തുമസിനല്ലാതെ പിന്നെയെപ്പോഴാണ് ഇവിടേക്ക് വരിക.

പ്രകൃതിയിൽ ഒരു സ്വർഗ്ഗമുണ്ടെങ്കിൽ അത് ഇവിടങ്ങളിലാണ്. കുറഞ്ഞ ചിലവിൽ മസസ്സിനെ ഹാപ്പിയാക്കി ഈ അവധിക്കാലം അടിച്ചു പൊളിച്ച് തിരിച്ചു വരാം.

English Summary: Discover the breathtaking beauty of Auli, Uttarakhand, known as India's skiing capital. Experience adventure amidst stunning Himalayan landscapes.