കുരുമുളക് വില കുതിച്ചുയരുന്നു; ഇടുക്കിയിൽ കിലോയ്ക്ക് 760 രൂപ

കുരുമുളക് വിലയിൽ വൻ കുതിപ്പ്. ഇടുക്കിയിൽ പത്ത് വർഷത്തിനിടയിലെ ഏറ്റവും ഉയർന്ന വിലയായ കിലോയ്ക്ക് 750 രൂപയിലെത്തി. ഇന്നലെ പ്രാദേശിക വിപണിയിൽ ചെറുകിട വ്യാപാരികളും സൊസൈറ്റികളും കർഷകരിൽനിന്ന് കിലോയ്ക്ക് 748 രൂപയ്ക്കാണ് കുരുമുളക് സംഭരിച്ചത്. സ്റ്റോക്ക് വ്യാപാരികളും മസാല കമ്പനികളും 760 രൂപ വരെ നൽകി.

ഇറക്കുമതി കുറഞ്ഞു

2014ൽ കിലോയ്ക്ക് 740 രൂപയിലെത്തിയതാണ് ഇതിന് മുമ്പുള്ള ഉയർന്ന വില. അന്താരാഷ്ട്ര, ആഭ്യന്തര വിപണികളിൽ കുരുമുളകിന് ആവശ്യകത വർധിച്ചതാണ് വിലക്കുതിപ്പിന് പ്രധാന കാരണമെന്ന് വ്യാപാരികൾ പറയുന്നു. ഇന്തോനേഷ്യ, ബ്രസീൽ, വിയറ്റ്നാം, മലേഷ്യ, ശ്രീലങ്ക തുടങ്ങിയ രാജ്യങ്ങളിൽനിന്നുള്ള ഇറക്കുമതി കുറഞ്ഞതും ഇന്ത്യയിലെ ആഭ്യന്തര ഉൽപാദനത്തിലുണ്ടായ ഇടിവും വില വർധനയ്ക്ക് കാരണമായി.

India Rice Crisis: മഴ കുറഞ്ഞു, എഥനോൾ ഉത്പാദനം വർധിച്ചു; കേരളത്തിൽ അരി കിട്ടാകനിയാവുമോ? അരി ഉത്പാദനം കുറയുന്നു
രാജ്യത്ത് അരി ഉത്പാദനത്തിൽ കുറവുണ്ടാകുമെന്ന് കേന്ദ്ര കൃഷി മന്ത്രാലയത്തിന്റെ മുന്നറിയിപ്പ്.
https://metbeatnews.com/production-drops-ethanol-surge-rising-prices-ahead

കർഷകർ പ്രതിസന്ധിയിൽ

വില ഉയർന്നതോടെ വിപണിയിൽ കുരുമുളകിന് കടുത്ത ക്ഷാമവും അനുഭവപ്പെടുന്നുണ്ട്. വില ഇനിയും ഉയരുമെന്ന പ്രതീക്ഷയിൽ കർഷകരും വ്യാപാരികളും സ്റ്റോക്ക് വിപണിയിലെത്തിക്കാത്തതാണ് പ്രതിസന്ധി രൂക്ഷമാക്കുന്നത്. നേരത്തെ ഓർഡറുകൾ സ്വീകരിച്ച മൊത്തവ്യാപാരികൾക്ക് ആവശ്യത്തിന് കുരുമുളക് ലഭ്യമാക്കാൻ കഴിയാത്ത സാഹചര്യവുമുണ്ട്.

English Summary : Black pepper prices have experienced a massive spike in Kerala, reaching a 10-year record high of ₹760 per kilogram in Idukki. Local traders and societies procured pepper from farmers at ₹748/kg, while stock traders and spice manufacturing companies paid up to ₹760/kg. The previous record peak was recorded in 2014 at ₹740/kg