ഡല്‍ഹിയില്‍ കനത്ത മഴയില്‍ ആറു നില കെട്ടിടം തകര്‍ന്നു; 3 മരണം, 50 വര്‍ഷം പഴക്കമുള്ള കെട്ടിടം, നിരവധി പേര്‍ കുടുങ്ങിക്കിടക്കുന്നു

ഡല്‍ഹിയില്‍ സത്യ നികേതനില്‍ കനത്ത മഴയെ തുടര്‍ന്ന് ആറു നില കെട്ടിടം തകര്‍ന്നു വീണ് മൂന്നു മരണം. നിരവധി പേര്‍ ഇപ്പോഴും കെട്ടിടത്തിനുള്ളില്‍ കുടുങ്ങിക്കിടക്കുകയാണ്. വിദ്യാര്‍ഥികള്‍ താമസിച്ച പി.ജി കെട്ടിടമാണ് തകര്‍ന്നത്. 50 വര്‍ഷത്തിലേറെ പഴക്കമുള്ള കെട്ടിടമാണ്. 50 ലേറെ വിദ്യാര്‍ഥികള്‍ കെട്ടിടത്തില്‍ അപകട സമയത്ത് ഉണ്ടായിരുന്നുവെന്നാണ് ദൃക്‌സാക്ഷികള്‍ പറയുന്നത്. 11 പേരെ രക്ഷപ്പെടുത്തി. ഇവരെ സമീപത്തെ ആശുപത്രിയില്‍ പ്രവേശിപ്പിച്ചു.

മഴക്കു കാരണം ന്യൂനമര്‍ദം

തെക്കുപടിഞ്ഞാറ് ഉത്തര്‍ പ്രദേശിനു മുകളിലുള്ള ന്യൂനമര്‍ദമാണ് ഡല്‍ഹിയില്‍ കനത്ത മഴയ്ക്കു കാരണമാകുന്നതെന്ന് മെറ്റ്ബീറ്റ് വെതര്‍ പറഞ്ഞു. ഇതു അടുത്ത 24 മണിക്കൂറില്‍ കിഴക്ക് വടക്കു കിഴക്ക് ദിശയില്‍ നീങ്ങും. മണ്‍സൂണ്‍ ട്രഫും ന്യൂനമര്‍ദവും ബന്ധപ്പെട്ടു നില്‍ക്കുന്ന സാഹചര്യമാണ് ഈ മേഖലയില്‍ മഴ ശക്തമാക്കുന്നത്.

മൂന്നു പേരുടെ മരണം സ്ഥിരീകരിച്ചു. രണ്ടു പേരുടെ നില ഗുരുതരമാണ്. ഉച്ചയ്ക്കു 1.30 ഓടെയാണ് കെട്ടിടം തകര്‍ന്നത്. ഗുരുഗ്രാമിലാണ് ഈ കെട്ടിടത്തിന്റെ ഉടമ താമസിക്കുന്നത്. കെട്ടിതത്തില്‍ 75 കിടക്കകളുള്ള ഹോസ്റ്റലായി പ്രവര്‍ത്തിച്ചിരുന്നുവെന്നാണ് റിപ്പോര്‍ട്ടുകള്‍.

#BREAKING: 🇮🇳 PG hostel caves in at Satya Niketan, Delhi, India

Officials say none confirmed dead yet but unconfirmed reports claim three dead, two girls and one boy, with several rescued and three critically hurt at AIIMS#Delhi #SatyaNiketan #BuildingCollapse pic.twitter.com/AZkxrt0YCp
— Twilight (@TwilightDewy) September 6, 2026

ഡല്‍ഹി യൂനിവേഴ്‌സിറ്റിക്ക് സമീപമാണ് സത്യ നികേതന്‍. യൂനിവേഴ്‌സിറ്റിയുടെ സൗത്ത് കാംപസിനു സമീപമായതിനാല്‍ ഈ മേഖലയില്‍ കൂടുതലും താമസിക്കുന്നത് വിദ്യാര്‍ഥികളാണ്. അതിനാല്‍ പഴകിയ കെട്ടിടങ്ങളില്‍ പോലും സുരക്ഷയില്ലാതെ നിരവധി കുട്ടികളെ താമസിപ്പിക്കുന്ന സ്ഥിതിയുണ്ട്.
കെട്ടിടത്തിന്റെ തറ നിലയില്‍ അറ്റകുറ്റപ്പണി നടക്കുകയായിരുന്നുവെന്ന് ഡല്‍ഹി പൊലിസ് പറഞ്ഞു.

🚨A multi-storey building collapsed in #Muradabad, northern #India, tearing through power lines & sending sparks into the street.

📌Local media say it had been evacuated after cracks appeared following days of rain.
📍No casualties were reported.pic.twitter.com/cGDb7hqFZc
— ⚡️🌎 World News 🌐⚡️ (@ferozwala) September 5, 2026

ഡല്‍ഹി പൊലിസ്, ദേശീയ ദുരന്ത നിവാരണ സേന, ഡല്‍ഹി ഫയര്‍ഫോഴ്‌സ്, ഡല്‍ഹി ദുരന്ത നിവാരണ സേന എന്നിവ സംയുക്തമായാണ് തെരച്ചില്‍ നടത്തുന്നത്. ന്യൂ ഡല്‍ഹി റേഞ്ച് പൊലിസ് കമ്മിഷണര്‍, സൗത്ത് വെസ്റ്റ് ജില്ലാ ഡി.സി.പി, അഡീഷനല്‍ ഡി.സി.പി എന്നിവരാണ് മേല്‍നോട്ടം വഹിക്കുന്നത്.

ഗുരുതരമായി പരുക്കേറ്റവരെ എയിംസിലും പ്രവേശിപ്പിച്ചു. ഇവരെ സന്ദര്‍ശിക്കാന്‍ ഡല്‍ഹി മുഖ്യ മന്ത്രി രേഖ ഗുപ്ത ആശുപത്രിയിലേക്ക് പുറപ്പെട്ടു.