കേരള തീരത്ത് കള്ളക്കടൽ ജാഗ്രത; 1.1 മീറ്റർ വരെ ഉയർന്ന തിരമാലയ്ക്ക് സാധ്യത

കള്ളക്കടൽ പ്രതിഭാസത്തിന്റെ ഭാഗമായി കേരള തീരത്ത് കടലാക്രമണത്തിന് സാധ്യതയുള്ളതായി ദേശീയ സമുദ്ര വിവര വിശകലന കേന്ദ്രം (INCOIS) മുന്നറിയിപ്പ് നൽകി. നാളെ രാത്രി 11.30 വരെ കേരള തീരത്ത് 0.3 മുതൽ 1.1 മീറ്റർ വരെ ഉയർന്ന തിരമാലകൾ ഉണ്ടാകാൻ സാധ്യതയുണ്ട്. കന്യാകുമാരി തീരത്ത് 0.9 മുതൽ 1.6 മീറ്റർ വരെ ഉയർന്ന തിരമാലകൾക്കും സാധ്യതയുണ്ട്.

കടലാക്രമണ സാധ്യത കണക്കിലെടുത്ത് മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്ന് അധികൃതർ നിർദേശിച്ചു.

ഇടിമിന്നലിനും ശക്തമായ കാറ്റിനും സാധ്യത

കേരളത്തിൽ സെപ്റ്റംബർ 25, 26, 29 തീയതികളിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ഇടിമിന്നൽ സാധ്യത മനസ്സിലാക്കുന്നതിനായി കേന്ദ്ര കാലാവസ്ഥ വകുപ്പ് തയ്യാറാക്കിയ ‘ദാമിനി’ (Damini) മൊബൈൽ ആപ്ലിക്കേഷൻ ഉപയോഗിക്കാമെന്നും അധികൃതർ അറിയിച്ചു. ശക്തമായ കാറ്റിനെ നേരിടാനുള്ള പൊതുജാഗ്രതാ നിർദേശങ്ങൾ സംസ്ഥാന ദുരന്ത നിവാരണ അതോറിറ്റിയുടെ വെബ്സൈറ്റിൽ ലഭ്യമാണ്.

Kerala Weather : കേരളത്തിൽ അഞ്ച് ദിവസം മഴ തുടരും ; ഇന്ന് 5 ജില്ലകളിൽ യെല്ലോ അലർട്ട്, ശക്തമായ കാറ്റിന് സാധ്യത
സംസ്ഥാനത്ത് അടുത്ത അഞ്ച് ദിവസങ്ങളിലും മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്
https://metbeatnews.com/5-day-rain-forecast-issued-yellow-alert-in-5-districts-today

മത്സ്യബന്ധനത്തിന് വിലക്ക്

സെപ്റ്റംബർ 25ന് കേരള-കർണാടക-ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഈ മേഖലകളിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.

തെക്കൻ ഛത്തീസ്ഗഢിനും സമീപ തെക്കൻ ഒഡിഷയ്ക്കും മുകളിലായി തുടരുന്ന തീവ്ര ന്യൂനമർദ്ദം (Depression) അടുത്ത 12 മണിക്കൂറിൽ വടക്ക്-വടക്കുപടിഞ്ഞാറ് ദിശയിൽ നീങ്ങും. തുടർന്നുള്ള 12 മണിക്കൂറിൽ ഇത് ദുർബലമായി ശക്തി കുറഞ്ഞ ന്യൂനമർദ്ദ മേഖലയായി (Well Marked Low Pressure Area) മാറാൻ സാധ്യതയുണ്ട്.

തമിഴ്നാട് തീരത്തും ജാഗ്രത

ഇന്ന് തമിഴ്നാട് തീരം, ഗൾഫ് ഓഫ് മാന്നാർ, കന്യാകുമാരി തീരം എന്നിവിടങ്ങളിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. വടക്കൻ ആന്ധ്രപ്രദേശ് തീരത്തും സമീപ മധ്യ പടിഞ്ഞാറൻ ബംഗാൾ ഉൾക്കടലിലും സെപ്റ്റംബർ ഇന്ന് ശക്തമായ കാറ്റിന് സാധ്യതയുണ്ട്. തെക്കൻ ആന്ധ്രപ്രദേശ് തീരം, മധ്യ പടിഞ്ഞാറൻ ബംഗാൾ ഉൾക്കടൽ, തെക്കുപടിഞ്ഞാറൻ ബംഗാൾ ഉൾക്കടൽ, സമീപ തെക്കുകിഴക്കൻ ബംഗാൾ കാറ്റിനും മോശം കാലാവസ്ഥയ്ക്കും സാധ്യതയുണ്ട്.

Kerala Weather : മഴ ശക്തമായതിനെ തുടർന്ന് വയനാട്ടിലെ ‘എൻ ഊര്’ ഗോത്ര പൈതൃക ഗ്രാമം ഇന്ന് സന്ദർശകർക്കായി തുറക്കില്ല
മഴ ശക്തമായതിനെ തുടർന്ന് വയനാട്ടിലെ ‘എൻ ഊര്’ ഗോത്ര പൈതൃക ഗ്രാമം ഇന്ന് സന്ദർശകർക്കായി തുറക്കില്ല. പ്രതികൂല കാലാവസ്ഥ കണക്കിലെടുത്താണ് സന്ദർശകർക്ക്
https://metbeatnews.com/en-ooru-closed-as-heavy-rains-lash-northern-districts

അറബിക്കടലിലും മോശം കാലാവസ്ഥ

സെപ്റ്റംബർ 25ന് കേരള തീരം, കർണാടക തീരം, ലക്ഷദ്വീപ് തീരം, മധ്യ കിഴക്കൻ അറബിക്കടൽ എന്നിവിടങ്ങളിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. മുന്നറിയിപ്പ് നൽകിയിരിക്കുന്ന സമുദ്രമേഖലകളിൽ മത്സ്യബന്ധനത്തിന് പോകരുതെന്ന് കേന്ദ്ര കാലാവസ്ഥ വകുപ്പ് നിർദേശിച്ചു. മുന്നറിയിപ്പുള്ള സമുദ്രമേഖലകളുടെ വ്യക്തതയ്ക്കായി അധികൃതർ നൽകിയിട്ടുള്ള ഭൂപടം പരിശോധിക്കണമെന്നും നിർദേശമുണ്ട്.

English Summary : INCOIS has issued a "Kallakkadal" (high swell waves) alert for the Kerala coast, predicting waves between 0.3 to 1.1 meters, with up to 1.6 meters expected off the coast of Kanyakumari.