യുഎഇയിൽ ചൂട് തുടരും; മൂടൽമഞ്ഞിനും കാറ്റിനും സാധ്യത

യുഎഇUAE)(യിൽ ചൂട് തുടരും. താപനില 27 മുതൽ 44 ഡിഗ്രി സെൽഷ്യസ് വരെയായിരിക്കും. അബുദാബിയിൽ പരമാവധി 42 ഡിഗ്രിയും കുറഞ്ഞ താപനില 30 ഡിഗ്രിയുമായിരിക്കും. ദുബായിൽ പരമാവധി 41 ഡിഗ്രിയും കുറഞ്ഞ താപനില 31 ഡിഗ്രിയുമായിരിക്കും. അതേസമയം യുഎഇയിൽ ഇന്ന് തെളിഞ്ഞതോ ഭാഗികമായി മേഘാവൃതമായതോ ആയ കാലാവസ്ഥയായിരിക്കുമെന്ന് ദേശീയ കാലാവസ്ഥാ കേന്ദ്രമായ NCM അറിയിച്ചു. രാജ്യത്തിന്റെ കിഴക്കൻ മേഖലകളിൽ മേഘങ്ങൾ രൂപപ്പെടാനും സാധ്യതയുണ്ട്.

രാത്രിയിലും ചൊവ്വാഴ്ച രാവിലെയും അന്തരീക്ഷത്തിൽ ഈർപ്പം വർധിക്കാൻ സാധ്യതയുണ്ട്. പ്രത്യേകിച്ച് തീരമേഖലകളിൽ മൂടൽമഞ്ഞിനും നേരിയ മഞ്ഞിനും സാധ്യതയുണ്ടെന്ന് NCM മുന്നറിയിപ്പ് നൽകി.

കാറ്റിന് സാധ്യത

തെക്കുകിഴക്കൻ ദിശയിൽ നിന്ന് വടക്കുകിഴക്കൻ ദിശയിലേക്ക് നേരിയതോ മിതമായതോ ആയ കാറ്റ് വീശും. മണിക്കൂറിൽ 10 മുതൽ 25 കിലോമീറ്റർ വരെയായിരിക്കും കാറ്റിന്റെ വേഗത. ചില സമയങ്ങളിൽ ഇത് മണിക്കൂറിൽ 35 കിലോമീറ്റർ വരെ ശക്തിപ്പെടാനും സാധ്യതയുണ്ട്.

English Summary : The United Arab Emirates will continue to experience hot weather, with temperatures ranging between 27°C and 44°C across the country. According to the National Centre of Meteorology (NCM), conditions will remain generally fair to partly cloudy, with a chance of cloud formation over eastern areas. High humidity levels overnight and into Tuesday morning may lead to fog or mist formation, particularly in coastal regions.