യുഎഇയിൽ ഇന്നും ചൂട് ഉയർന്നു തന്നെ ; മൂടൽമഞ്ഞിന് റെഡ്, യെല്ലോ അലർട്ട്

യുഎഇയിൽ ഇന്ന് തെളിഞ്ഞ കാലാവസ്ഥയായിരിക്കും. ഭാഗികമായി മേഘാവൃതമായ ആകാശയായിരിക്കുമെന്നും നാഷണൽ സെന്റർ ഓഫ് മെറ്റീരിയോളജി (NCM) അറിയിച്ചു. അതേ സമയം വിവിധ ഭാഗങ്ങളിൽ രാവിലെ കനത്ത മൂടൽ മഞ്ഞ് കാരണം റെഡ്, യെല്ലോ അലർട്ടുകൾ പ്രഖ്യാപിച്ചിട്ടുണ്ട്. രാവിലെ യാത്ര ചെയ്യുന്നവർക്ക് ദൃശ്യപരത കുറയാൻ സാധ്യതയുള്ളതിനാൽ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി.

കാറ്റിന് സാധ്യത

കാറ്റ് മണിക്കൂറിൽ 10 മുതൽ 20 കിലോമീറ്റർ വരെ വേഗതയിൽ വീശും. ചില സമയങ്ങളിൽ കാറ്റിന്റെ വേഗം 30 കിലോമീറ്റർ വരെ ഉയർന്നേക്കും. പകൽ താപനില ഉയരുമെന്നും NCM അറിയിച്ചു. രാജ്യത്ത് പരമാവധി താപനില 44 ഡിഗ്രി സെൽഷ്യസ് വരെ ഉയർന്നേക്കും. അബുദാബിയിൽ 42 ഡിഗ്രിയും ദുബൈയിൽ 41 ഡിഗ്രി സെൽഷ്യസും വരെ ചൂട് രേഖപ്പെടുത്താൻ സാധ്യതയുണ്ട്. അതേസമയം, അബുദാബിയിൽ കുറഞ്ഞ താപനില 31 ഡിഗ്രിയും ദുബൈയിൽ 29 ഡിഗ്രിയും ചില പ്രദേശങ്ങളിൽ 25 ഡിഗ്രി സെൽഷ്യസും ആയിരിക്കും.

UAE Autumn Season: യുഎഇയിൽ കൊടുംചൂടിന് വിട; നാളെ മുതൽ ശരത്കാലം ആരംഭിക്കും
യുഎഇയിൽ കനത്ത ചൂടിന് ആശ്വാസമാവാൻ ശരത്കാല സീസൺ എത്തുന്നു.
https://metbeatnews.com/temperature-drop-fog-and-weather-forecast

രാത്രിയിലും വെള്ളിയാഴ്ച രാവിലെയും ചില തീരപ്രദേശങ്ങളിൽ അന്തരീക്ഷം ഈർപ്പമുള്ളതായിരിക്കും. മൂടൽമഞ്ഞിനുഉള സാധ്യതയുണ്ട്. അബുദാബിയിൽ ഈർപ്പം 40 മുതൽ 90 ശതമാനം വരെയും ദുബൈയിൽ 20 മുതൽ 90 ശതമാനം വരെയും ഉയർന്നേക്കും.

English Summary : The National Center of Meteorology (NCM) reports fair to partly cloudy skies across the UAE today, accompanied by rising daytime temperatures reaching up to 44°C. Morning fog triggered Red and Yellow alerts in various areas, significantly reducing visibility for commuters.