യു.എ.ഇയിൽ കനത്ത മഴ, ചൂട് കുറഞ്ഞു

യു.എ.ഇയിൽ കഴിഞ്ഞ ദിവസങ്ങളിൽ ഉണ്ടായ മഴയെ തുടർന്ന് താപനിലയിൽ കുറവ് രേഖപ്പെടുത്തി. ദുബൈ, ഫുജൈറ തുടങ്ങിയ പ്രദേശങ്ങളിലാണ് ശക്തമായ മഴ ലഭിച്ചത്. അന്തരീക്ഷത്തിന്റെ താഴ്ന്ന ഉയരങ്ങളിലുള്ള ന്യൂനമർദ്ദമാണ് മഴക്ക് കാരണം.

ഞായറാഴ്ചയാണ് യു.എ.ഇയിൽ വ്യാപകമായി മഴ ലഭിച്ചത്. അബുദാബി, ഷാർജ, ദുബൈ, ഫുജൈറ എമിറേറ്റുകളിൽ മഴ ലഭിച്ചു. ശക്തമായ കാറ്റോടു കൂടെയാണ് മഴപെയ്ത്. ദുബൈയിലും ഷാർജയിലും ഇടത്തരം മഴയാണ് പെയ്തത്. എന്നാൽ അബുദാബിയിൽ ശക്തമായ മഴ പെയ്തു.

മഴയെ തുടർന്ന് ഞായറാഴ്ച ഉച്ചയ്ക്ക് അബുദാബിയിലെ Al Shawamekh യിൽ 39.3 ഡിഗ്രി താപനിലയാണ് രേഖപ്പെടുത്തിയത്. റാസൽഖൈമയിലെ ജെയ്സ് പർവ്വത മേഖലയിൽ താപനില പുലർച്ചെ 4.48 ന് 18 ഡിഗ്രിയിൽ എത്തി.

#أمطار_الخير #جريان_الأودية #الساعدي #المركز_الوطني_للأرصاد ⁧⁧#أصدقاء_المركز_الوطني_للأرصاد⁩ #حالة_الطقس #حالة_جوية ⁧#هواة_الطقس⁩ #reel #دبي #الإمارات_العربية_المتحدة #أبوظبي #الشارقة #رأس_الخيمة #الفجيرة #عجمان #أم_القيوين pic.twitter.com/5RXQSm2FL9
— المركز الوطني للأرصاد (@ncmuae) October 12, 2025

ഫുജൈറയില്‍ കനത്ത മഴയെ തുടര്‍ന്ന് പര്‍വതപ്രദേശങ്ങളില്‍ നയന മനോഹരമായ ചെറു വെള്ളച്ചാട്ടങ്ങള്‍ രൂപപ്പെട്ടു. കടുത്ത ചൂടിന് ശേഷം പ്രകൃതിഭംഗിയും മഴയുടെ മാറ്റങ്ങളും ആസ്വദിക്കാന്‍ നിരവധി പേരാണ് എത്തുന്നത്.

യാത്രക്കാരും സഞ്ചാരികളും റോഡരികില്‍ വാഹനങ്ങള്‍ നിര്‍ത്തി കാഴ്ച അസ്വദിക്കുന്നത് കാണാം.

ചൊവ്വാഴ്ച വരെ നേരിയതോ മിതമായതോ ആയ മഴ തുടരുമെന്നും ഇടയ്ക്കിടെ കനത്ത മഴയ്ക്ക് സാധ്യതയുണ്ടെന്നും കാലാവസ്ഥാ വകുപ്പ് മുന്നറിയിപ്പ് നല്‍കി.

Instagram

https://www.instagram.com/p/DPt8H-kj6kd/?igsh=ZWp2c21ic251cWoz

വടക്കന്‍ മേഖലയെയും കിഴക്കന്‍ മേഖലയെയുമാകും മഴ പ്രധാനമായും ബാധിക്കുക. ഇതിനുപുറമേ മഴ ഉള്‍നാടുകളിലേക്കും പടിഞ്ഞാറന്‍ ഭാഗങ്ങളിലേക്കും വ്യാപിക്കാന്‍ ഇടയുണ്ട്. ചില പ്രദേശങ്ങളില്‍ ആലിപ്പഴ വര്‍ഷത്തിനും സാധ്യതയുണ്ടെന്ന് കാലാവസ്ഥാ വകുപ്പ് വ്യക്തമാക്കി.

താപനില കുറയുന്നതിനൊപ്പം കാറ്റിന്റെ വേഗത വര്‍ധിക്കുകയും പൊടിയും മണലും വീശുകയും ചെയ്യും. അറേബി കടലിലും ഒമാന്‍ കടലിലും തിരമാലകള്‍ പ്രക്ഷുബ്ധമാകുമെന്നും അധികൃതര്‍ അറിയിച്ചു.

സുരക്ഷാ നിര്‍ദേശങ്ങള്‍

മഴ പെയ്യുമ്പോൾ വാഹനമോടിക്കുമ്പോള്‍ ജാഗ്രത പാലിക്കുക.

താഴ്‌വരകളില്‍ നിന്നും വെള്ളം കെട്ടിനില്‍ക്കുന്ന പ്രദേശങ്ങളില്‍ നിന്നും മാറിനില്‍ക്കുക.

ഇടിമിന്നലും കാറ്റും ഉള്ളപ്പോള്‍ തുറസ്സായ സ്ഥലങ്ങളിലോ ഉയര്‍ന്ന പ്രദേശങ്ങളിലോ നില്‍ക്കുന്നത് ഒഴിവാക്കുക.

ശക്തമായ കാറ്റിൽ ജാഗ്രത പുലര്‍ത്തുക. പറക്കുന്ന അവശിഷ്ടങ്ങളും ദൃശ്യപരത കുറയുന്നതും അപകടങ്ങള്‍ക്ക് കാരണമാകാം.

കനത്ത മഴയും അസ്ഥിര കാലാവസ്ഥയും തുടരുന്ന സാഹചര്യത്തില്‍, താമസക്കാര്‍ സുരക്ഷാ മുന്‍കരുതലുകള്‍ കര്‍ശനമായി പാലിക്കണമെന്ന് അധികൃതര്‍ ആവശ്യപ്പെട്ടു.

Disclaimer : ഈ വാർത്തയിൽ ഉപയോഗിച്ചത് Metbeat News ൻ്റെ ചിത്രമല്ല. Gulf News ൽ നിന്ന് എടുത്തതാണ്.