Mumbai Weather 03/07/26 : മതിലിടിഞ്ഞ് മലയാളി വീട്ടമ്മ മരിച്ചു

മുംബൈയിൽ കനത്ത മഴയെ തുടർന്ന് വീടിൻ്റെ മതിലിടിഞ്ഞ് മലയാളി വീട്ടമ്മ മരിച്ചു. പാൽഘാറിൽ കോഴിക്കോട് കടിയങ്ങാട് സ്വദേശിയാണ് മരിച്ചത്. മുംബൈ അഗ്രിപാഡ ചാളിൽ അയ്യപ്പക്ഷേത്രത്തിന് സമീപം താമസിക്കുന്ന കാഴിക്കോട് ചങ്ങരോത്ത് കടിയങ്ങാട് തോട്ടത്തിൽ ഷബീർ സഈദിൻ്റെ ഭാര്യ റാബിയയാണ് (47) മരിച്ചത്.

മഴക്കിടെ ഭിത്തിക്കരികിൽ നിൽക്കുകയായിരുന്നു. ഖബറടക്കം ഇന്നു പനയങ്ങാട് ജുമാ മസ്ജിദ് ഖബർസ്ഥാനിൽ. മക്കൾ : അൽഫിയം, ഇർഫാൻ .

കനത്ത മഴയിൽ മുംബൈയിൽ ദുരിതം തുടരുകയാണ്. കാലവർഷക്കാറ്റ് ശക്തിപ്പെട്ടതാണ് പടിഞ്ഞാറൻ തീരത്ത് ശക്തമായ മഴയ്ക്ക് കാരണം. മാൻഹോളിൽ വീണ് അസ്‌ലം ഷെയ്‌ഖ് (55) മരിച്ചു. അഗ്നി രക്ഷാസേന പ്രത്യേക സുരക്ഷാ സംവിധാനങ്ങൾ ഏർപ്പെടുത്തിയാണ് ഉദ്യോഗസ്ഥർ മാൻഹോളിൽ ഇറങ്ങി മൃതദേഹം പുറത്തെടുത്തത്. മൊബൈലിൽ സംസാരിച്ചു നടക്കാതെ കാൽവഴുതി വീഴുകയായിരുന്നു.

സമീപത്തെ തൊഴിലാളികൾ ഉടൻ ഗോവണി വച്ച് ഇറങ്ങി പരിശോധച്ചെങ്കിലും ചെരുപ്പും കുടയുമാണ് കാണാൻ കഴിഞ്ഞത്. മാൻ ഹോളിന് മൂടി ഇടാത്തതുമായി ബന്ധപ്പെട്ട് വീഴ്ച വരുത്തിയ കോർപ്പറേഷൻ കരാറുകാരൻ എതിരെ കേസെടുത്തിട്ടുണ്ട്.

Photo Courtesy : Manorama Online

English Summary : Heavy Rains Infall in Mumbai: Two Dead, Including a Malayali Woman, in Separate Incidents. A 47-year-old Malayali housewife, Rabia, was killed after a house wall collapsed on her during the heavy downpour. She was the wife of Shabeer Saeed from Kozhikode, Kerala