നേപ്പാളില്‍ വീണ്ടും കനത്ത മഴ സാധ്യത, മിന്നല്‍ പ്രളയ മുന്നറിയിപ്പ്

ഹിമതടാക ദുരന്തമുണ്ടായ നേപ്പാളില്‍ വീണ്ടും ശക്തമായ മഴ ഭീഷണി. ഇന്നു ദുരന്ത മേഖലയില്‍ മഴയെ തുടര്‍ന്ന് പലപ്പോഴായി രക്ഷാപ്രവര്‍ത്തനം തടസ്സപ്പെട്ടിരുന്നു. ഇന്ന് രാവിലെ 8.40 നാണ് മഴ മൂലം തെരച്ചില്‍ തടസ്സപ്പെട്ടത്. റസുവ, നുവാകോട്ട്, ഡാഡിങ്, ഗോര്‍ഖ മേഖലയിലിയായിരുന്നു കനത്ത മഴ. മഴ രക്ഷാപ്രവര്‍ത്തനത്തെ തടസ്സപ്പെടുത്തിയെന്ന് നേപ്പാള്‍ പ്രധാനമന്ത്രിയുടെ ഓഫിസ് അറിയിച്ചു.

Nepal Flash Floods Cut Electricity Exports to India : നേപ്പാൾ പ്രളയം ഇന്ത്യക്കും തിരിച്ചടി; ഇന്ത്യയിലേക്കുള്ള വൈദ്യുതി വിതരണം പകുതിയായി കുറച്ചു
നേപ്പാളിലുണ്ടായ മിന്നൽ പ്രളയം ഇന്ത്യയ്ക്കും തിരിച്ചടിയാവുകയാണ്. രാജ്യത്തിന്റെ ജലവൈദ്യുതി മേഖലയ്ക്ക് കനത്ത തിരിച്ചടിയാണ് നേപ്പാൾ പ്രളയത്തിലൂടെ
https://metbeatnews.com/nepal-flash-floods-cut-electricity-exports-to-india

സെപ്റ്റംബര്‍ ആദ്യ വാരം വരെ മേഖലയില്‍ കനത്ത മഴയ്ക്കു സാധ്യതയുണ്ടെന്നാണ് കാലാവസ്ഥാ മോഡലുകള്‍ സൂചിപ്പിക്കുന്നതെന്ന് ഞങ്ങളുടെ നിരീക്ഷകര്‍ പറയുന്നു. നേപ്പാള്‍ കാലാവസ്ഥാ വകുപ്പും ഇടിയോടു കൂടെയുള്ള മഴക്ക് മുന്നറിയിപ്പു നല്‍കിയിട്ടുണ്ട്. കോശി, ബാഗ്മടി, ഗന്ധകി പ്രവിശ്യകളില്‍ മഴ മിന്നല്‍ പ്രളയത്തിന് കാരണമായേക്കും. ഹിമാലയന്‍ മേഖലകളില്‍ മണ്ണിടിച്ചിലിനും മലവെള്ളപ്പാച്ചിലിനും ഉരുള്‍പൊട്ടലിനും സാധ്യതയുണ്ട്. ഗന്ധക് , ഉള്‍പ്പെടെയുള്ള നദികളില്‍ മലവെള്ളപ്പാച്ചിലിനും സാധ്യതയുണ്ട്.

Nepal Flash Flood Crisis: നേപ്പാൾ മിന്നൽ പ്രളയം: മരണം 626 ആയി; മൃതദേഹങ്ങൾ ഒഴുകി ഇന്ത്യയിലെത്തി, ആശുപത്രികളിൽ ഇടമില്ല
നേപ്പാളിലെ മിന്നൽ പ്രളയത്തിൽ മരിച്ചവരുടെ എണ്ണം 600 കടന്നു. ഇനിയും മരണസംഖ്യ ഉയരാനാണ് സാധ്യത
https://metbeatnews.com/death-toll-surpasses-600-as-bodies-wash-into-india-and-hospitals-face-capacity-s

നേപ്പാളിലെ സിമാല്‍പാനിയില്‍ ഇന്ന് 111.2 എം.എം, തകുകോട്ട് 105.4 എം.എം, ഷീര്‍ക്കാങ് 89 എം.എം, പാഞ്ചെയ്‌സ് 87 എം.എം, തുശാരെപാനി 90.2 എം.എം, ബംഗാംഗ 97.2 എം.എം, ഫെലേനി 87.6 എം.എം മഴ രേഖപ്പെടുത്തി. കഴിഞ്ഞ 24 മണിക്കൂറില്‍ 120 എം.എം മഴ പെയ്യുമെന്നായിരുന്നു പ്രവചനം.

കഴിഞ്ഞ ദിവസം പ്രളയമുണ്ടായ ഭോട്ടെകോശി, റസുവാഗധി നദികളിലെ സ്‌റ്റേഷനുകളിലെ ജലനിരപ്പ് നിരീക്ഷിക്കുന്നുണ്ടെന്ന് നേപ്പാള്‍ ഹൈഡ്രോളജി, മീറ്റിയോറോളജി വകുപ്പ് അറിയിച്ചു. ഭോട്ടേകോശിയില്‍ കനത്ത മഴ തുടരുമെന്നാണ് വകുപ്പ് നല്‍കിയ മുന്നറിയിപ്പ്.

English Summary : Heavy Rainfall Threat Returns to Nepal; Flash Flood and Landslide Warnings Issued. Heavy rainfall has repeatedly disrupted search and rescue operations in disaster-hit areas of Nepal, including Rasuwa, Nuwakot, Dhading, and Gorkha