കേരളത്തിൽ 13 വരെ ഇടിമിന്നലോട് കൂടിയ മഴ തുടരും

കേരളത്തിൽ ഇന്ന് വ്യാപക മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. നവംബർ 8ന് കേരളത്തിലും മാഹിയിലും ലക്ഷദ്വീപിലും വ്യാപകമായ മഴ ലഭിക്കുമെന്നാണ് പ്രവചനം. ഒറ്റപ്പെട്ടയിടങ്ങളിൽ ശക്തമായ മഴയ്ക്കും ഇടിമിന്നലോടുകൂടിയ മഴയ്ക്കും സാധ്യതയുണ്ട്. മണിക്കൂറിൽ 30 മുതൽ 40 കിലോമീറ്റർ വരെ വേഗത്തിൽ കാറ്റ് വീശാനും സാധ്യതയുണ്ട്.

നവംബർ 9 മുതൽ 13 വരെ കേരളത്തിലും മാഹിയിലും ലക്ഷദ്വീപിലും ഒറ്റപ്പെട്ട മഴ തുടരുമെന്നാണ് കാലാവസ്ഥാ വകുപ്പിന്റെ മുന്നറിയിപ്പ്. കേരളത്തിൽ 9 മുതൽ 11 വരെ ഇടിമിന്നലിനും സാധ്യതയുണ്ട്. തമിഴ്നാട്, പുതുച്ചേരി, കാരയ്ക്കൽ മേഖലകളിൽ ഇന്ന് മുതൽ 10 വരെ ശക്തമായ മഴയ്ക്ക് സാധ്യതയുണ്ടെന്നും മുന്നറിയിപ്പുണ്ട്.

Kerala Weather 08/11/26 : എറണാകുളം മുതൽ തെക്കോട്ട് മഴ സാധ്യത
Kerala Weather Update (08/11/2026): Rain Expected from Ernakulam to Southern Districts
https://metbeatnews.com/rain-expected-from-ernakulam-to-southern-districts

അതേസമയം, ആന്ധ്രാപ്രദേശ്, റായലസീമ, തെക്കൻ കർണാടക, തമിഴ്നാട് എന്നിവിടങ്ങളിലും അടുത്ത ദിവസങ്ങളിൽ മഴ ലഭിക്കും. ആൻഡമാൻ നിക്കോബാർ ദ്വീപുകളിൽ ഇന്ന് മുതൽ 13 വരെ വ്യാപക മഴയ്ക്കും 9 മുതൽ 13 വരെ ഒറ്റപ്പെട്ട ശക്തമായ മഴയ്ക്കും സാധ്യതയുണ്ട്.

കഴിഞ്ഞ 24 മണിക്കൂറിൽ തമിഴ്നാട്ടിലെ പാമ്പൻ, ചെന്നൈ നുങ്കമ്പാക്കം എന്നിവിടങ്ങളിൽ ആറ് സെന്റിമീറ്റർ വീതം മഴ ലഭിച്ചു. ചെന്നൈ മീനമ്പാക്കത്ത് മൂന്ന് സെന്റിമീറ്ററും തിരുപ്പതിയിൽ രണ്ട് സെന്റിമീറ്ററും മഴ രേഖപ്പെടുത്തി. കേരളത്തിലും മാഹിയിലും ലക്ഷദ്വീപിലും വിവിധയിടങ്ങളിൽ മഴ ലഭിച്ചതായും കാലാവസ്ഥാ വകുപ്പ് വ്യക്തമാക്കി.

English Summary : The India Meteorological Department (IMD) has issued a weather warning for widespread rainfall across Kerala, Mahe, and Lakshadweep on November 8, accompanied by thunderstorms and wind speeds reaching 30–40 km/h. Isolated heavy rain and lightning activity will persist through November 13, with enhanced thunderstorm warnings in effect from November 9 to 11.