നൂറിലേറെ പേർ കുളിക്കുന്നു, നീന്തുന്നു നാട്ടുകാരുടെ ഇടപെടലിൽ മഴവെള്ളപ്പാച്ചിലിൽ രക്ഷപ്പെട്ടത് ഒട്ടേറെ ജീവനുകൾ

മലപ്പുറം ടികെ കോളനിയിലെ കോട്ടപ്പുഴയിലുണ്ടായ അപ്രതീക്ഷിത മലവെള്ളപ്പാച്ചിലിൽ നാട്ടുകാരുടെ സമയോചിതമായ ഇടപെടലിൽ രക്ഷപ്പെട്ടത് നിരവധി ജീവനുകൾ. അവധി ദിവസമായ ഞായറാഴ്ച പുഴയിൽ നൂറിലേറെപ്പേർ കുളിക്കുകയും നീന്തുകയും ചെയ്യുന്നതിനിടെയാണ് മലവെള്ളം അപ്രതീക്ഷിതമായി കുതിച്ചെത്തിയത്.
റീൽസുകളിലൂടെയും സമൂഹമാധ്യമങ്ങളിലൂടെയും ശ്രദ്ധ നേടിയതോടെ ദൂരത്തു നിന്നുപോലും നിരവധി സഞ്ചാരികളാണ് കോട്ടപ്പുഴയിലെത്തുന്നത്.

കർഷകരുടെ അറിയിപ്പ് തുണയായി

കോഴിപ്രയിലെ കർഷകരാണ് മലമുകളിൽ ശക്തമായ മഴയെ തുടർന്ന് മലവെള്ളപ്പാച്ചിലുണ്ടാകുന്ന വിവരം ടികെ കോളനി അങ്ങാടിയിലുള്ളവരെ ഫോണിൽ വിളിച്ച് അറിയിച്ചത്. തുടർന്ന് നാട്ടുകാർ ഉടൻ രംഗത്തിറങ്ങി പുഴയിലുള്ളവർക്ക് അപായസൂചന നൽകുകയായിരുന്നു.
തുടർന്ന് പുഴയിൽ കുടുങ്ങിയവരെ നാട്ടുകാർ കരയ്ക്കെത്തിച്ചു. ഒഴുക്കിൽ അകപ്പെട്ട ചിലരെ വടവും കയറും ഉപയോഗിച്ചാണ് രക്ഷപ്പെടുത്തിയത്. ഇതിനിടെയാണ് ഏതാനും പേർ ഒഴുക്കിൽപ്പെട്ട് കാണാതായത്. അഞ്ചോളം പേർ മരിക്കുകയും ചെയ്തു.

സഫ്നത്തിന്റെ കുട്ടികൾ❤️ on Instagram: "ഇന്നലെ tk colony"
pathaamm.era on September 20, 2026: "ഇന്നലെ tk colony".
https://www.instagram.com/reel/DdiLPgPsYVB/?stkn=enlvbGQ2a2VlcWVw

ഉടൻ രക്ഷാപ്രവർത്തനം

വിവരമറിഞ്ഞ് നിലമ്പൂരിൽനിന്ന് അഗ്നിരക്ഷാസേനയും പൂക്കോട്ടുംപാടം പൊലീസും വനപാലകരും സ്ഥലത്തെത്തി രക്ഷാപ്രവർത്തനം ആരംഭിക്കുകയായിരുന്നു. മന്ത്രി എ.പി. അനിൽകുമാറും ആര്യാടൻ ഷൗക്കത്ത് എംഎൽഎയും സ്ഥലത്തെത്തി വിവരങ്ങൾ ചോദിച്ചറിഞ്ഞു.

ഒളിഞ്ഞിരുന്ന അപകടം

വശ്യസുന്ദരിയാണ് കോട്ടപ്പുഴ. നീലഗിരിയിൽനിന്ന് ഉത്ഭവിച്ച് പശ്ചിമഘട്ടത്തിലെ വനമേഖലയിലൂടെ ഒഴുകിയെത്തുന്ന കോട്ടപ്പുഴ കാണാൻ നിരവധി ആളുകളാണ് എത്തുന്നത്. പാറക്കെട്ടുകളും വലിയ കല്ലുകളും നിറഞ്ഞതാണ് പുഴയുടെ ടികെ കോളനി മേഖലയിലെ ഭാഗങ്ങൾ. ഇവിടെയാണ് അപകടം ഒളിഞ്ഞിരുന്നത്.

Kerala Weather : മലപ്പുറത്ത് മലവെള്ളപ്പാച്ചിൽ; മരണം അഞ്ചായി, ആറ് ജില്ലകളിൽ ഓറഞ്ച് അലർട്ട് പ്രഖ്യാപിച്ചു
മലപ്പുറം ചോക്കാട് പൂക്കോട്ടുപാടം ടി.കെ നഗറിലുണ്ടായ മലവെള്ളപ്പാച്ചിലിൽ മരിച്ചവരുടെ എണ്ണം അഞ്ചായി. കാണാതായവരിൽ
https://metbeatnews.com/malappuram-tragedy-claims-5-lives-orange-alert-issued-across-6-districts

മലനിരകളിൽ ശക്തമായ മഴയുണ്ടായാൽ പുഴ പെട്ടെന്ന് മലവെള്ളപ്പാച്ചിലിന്റെ രൗദ്രഭാവം കൈക്കൊള്ളും. എന്നാൽ ഇതറിയാതെയാണ് പലരും അവിടേക്കെത്തുന്നത്. ഞായറാഴ്ചയും ഇതാണ് സംഭവിച്ചത്. ഒഴുക്കിന്റെ ശക്തിയിൽ പുഴയിൽ കുടുങ്ങിയ പലർക്കും രക്ഷയായത് പാറക്കെട്ടുകളായിരുന്നു. പാറകളിൽ കയറി നിന്നവരെ രക്ഷാപ്രവർത്തകർ വടിയും കയറും എറിഞ്ഞുനൽകിയാണ് സുരക്ഷിത സ്ഥാനങ്ങളിലേക്ക് എത്തിച്ചത്.

പ്രകൃതിസൗന്ദര്യം ആസ്വദിക്കാൻ ഇവിടേക്ക് സഞ്ചാരികളുടെ ഒഴുക്കാണ്. മലമേഖലകളിലെ മഴയും പെട്ടെന്നുണ്ടാകാവുന്ന മലവെള്ളപ്പാച്ചിലും പലർക്കും അറിയില്ല. കാടിനെയും പുഴയേയും അറിയാതെ ഇവിടേക്കെത്തുന്നവർ ഇത്തരം അപകടങ്ങൾ നേരിടേണ്ടി വരുന്നത് വേദനാജനകമാണ്. ജാഗ്രത അനിവാര്യമാണെന്ന് വ്യക്തമാക്കുകയാണ് കോട്ടപ്പുഴയിലെ ഈ സംഭവം.

English Summary : Discover how quick-thinking locals saved over 100 lives during a sudden flash flood at Kottappuzha River in Nilambur, Malappuram, triggered by heavy upstream rains. Learn about the dangers of unchecked social media tourism in fragile Western Ghats ecosystems.