കോഴിക്കോട് ജില്ലയിൽ കനത്ത മഴ ; ചുരത്തിൽ മരം വീണ് ഗതാഗതം തടസ്സപ്പെട്ടു

കോഴിക്കോട് ജില്ലയിൽ കിഴക്കൻ മേഖലകളിൽ കനത്ത കാറ്റിലും മഴയിലും വ്യാപകമായ നാശനഷ്ടം. താമരശ്ശേരി ചുരത്തിൽ മരങ്ങൾ വീണ് ഗതാഗതം തടസ്സപ്പെട്ടു.

അവധി കാരണം കഴിഞ്ഞ മൂന്ന് ദിവസമായി രൂക്ഷമായ ഗതാഗത തടസ്സമാണ് ചുരത്തിൽ അനുഭവപ്പെടുന്നത്. ഇതിനിടെ മരം വീണതോടെ ഗതാഗതം പൂർണമായും തടസ്സപ്പെട്ടു. താമരശ്ശേരി ചുരത്തിൽ മരം വീണ് ഗതാഗതം പൂർണ്ണമായി തടസ്സപ്പെട്ടു.

ചുരത്തിൽ പെയ്യുന്ന ശക്തമായ മഴയെത്തുടർന്ന് ഒന്നാം വളവിനും രണ്ടാം വളവിനും ഇടയിൽ റോഡിലേക്ക് വ്യാപകമായി മരങ്ങൾ മുറിഞ്ഞു വീഴുകയായിരുന്നു. ഇതേത്തുടർന്ന് താമരശ്ശേരി ചുരത്തിലൂടെയുള്ള ഗതാഗതം നിലവിൽ പൂർണ്ണമായും സ്തംഭിച്ചിരിക്കുകയാണ്.

ഇരുചക്ര വാഹനങ്ങൾക്ക് പോലും കടന്നുപോകാൻ കഴിയാത്ത വിധം റോഡ് പൂർണ്ണമായി അടഞ്ഞുകിടക്കുകയാണ്.
മരങ്ങൾ മുറിച്ചുമാറ്റാനുള്ള ശ്രമങ്ങൾ നടക്കുകയാണ് ചുരം മേഖലയിൽ ഇപ്പോഴും ശക്തമായ മഴ തുടരുന്നത് രക്ഷാപ്രവർത്തനത്തിന് വെല്ലുവിളി ഉയർത്തുന്നുണ്ട്.

കോഴിക്കോട് വെള്ളിപറമ്പിലെ വെള്ളക്കെട്ട് Photo : Irshad

കോഴിക്കോട് ജില്ലയി ലെ മെഡിക്കൽ കോളേജിന് സമീപം വെള്ളി പറമ്പിൽ മഴയെ തുടർന്ന് റോഡിൽ വെള്ളം കയറി. ഈ മേഖലകളിൽ കനത്ത മഴയാണ് റിപ്പോർട്ട് ചെയ്തത്. രാത്രിയോടെ കോഴിക്കോട് നഗരത്തിലും മഴവിൽ ലഭിച്ചു.