തിരുവനന്തപുരം മുതൽ മലപ്പുറം കോഴിക്കോട് ജില്ലകളിൽ ഇന്ന് മഴയ്ക്ക് സാധ്യത

ഇന്നും നാളെയും മഴ ലഭിക്കാനുള്ള സാധ്യത കൂടുതൽ. മഴ ലഭിക്കുന്ന പ്രദേശങ്ങളുടെ എണ്ണത്തിലും വൻ വർദ്ധനവാണ് കാണിക്കുന്നത്. എല്ലാ ജില്ലകളിലും മഴ പ്രതീക്ഷിക്കാം. തിരുവനന്തപുരം മുതൽ മലപ്പുറം,കോഴിക്കോട് വരെയുള്ള ജില്ലകളിൽ ആണ് കൂടുതൽ മഴ ലഭിക്കാൻ സാധ്യത. മഴയോടൊപ്പം ശക്തമായ ഇടിമിന്നലിനും ശക്തമായ കാറ്റിനും സാധ്യതയുണ്ട്. അതിനാൽ ജാഗ്രത വേണമെന്ന് അധികൃതർ അറിയിച്ചു. ഉച്ചയോടെ അല്ലെങ്കിൽ ഉച്ച കഴിഞ്ഞ് പുലർച്ചെവരെയുള്ള സമയങ്ങളിൽ ആണ് മഴ ലഭിക്കാൻ സാധ്യത. ചില പ്രദേശങ്ങളിൽ ഒറ്റപെട്ട ശക്തമായ മഴയും കുറഞ്ഞ സമയം കൊണ്ട് രേഖപ്പെടുത്താൻ സാധ്യതയുണ്ട്.

ചൂട് കനക്കുന്നു

മഴ അറിയിപ്പ് ദിവസങ്ങളായി ഉണ്ടെങ്കിലും ചൂടിന് കുറവ് കാണുന്നില്ല. ഔദ്യോഗികമായി രാജ്യത്തു ഇന്ന് ഏറ്റവും ഉയർന്ന ചൂട് രേഖപെടുത്തിയത്
കോട്ടയം ജില്ലയിലാണ്. 37.5°c.
സാധാരണ യിൽ നിന്ന് 3.1°c കൂടുതൽ ആണിതെന്ന് കാലാവസ്ഥാ നിരീക്ഷകൻ രാജീവൻ എരിക്കുളം ഫെയ്‌സ്ബുക്കിൽ കുറിച്ചു.

പുനലൂർ ( 36.6°c),
കണ്ണൂർ എയർപോർട്ട് ( 36.8)
വെള്ളാനിക്കര ( 36.2°c)
നെടുമ്പാശ്ശേരി (36.1°c),
പുനലൂരിൽ 1°c വെള്ളാനിക്കര 0.8°c കൂടുതൽ, എന്നിങ്ങനെയായിരുന്നു കഴിഞ്ഞ ദിവസത്തെ കൂടിയ താപനില.

English Summary : Rainfall is expected to increase today and tomorrow across Kerala, with a higher chance of rain in districts from Thiruvananthapuram to Malappuram and Kozhikode. While all districts may receive rainfall, these regions are likely to experience rain in more areas. Thunderstorms and occasionally strong winds are also possible. Authorities have advised the public to remain cautious.