തെക്കന്‍ ജില്ലകളില്‍ കനത്ത മഴ, നീരൊഴുക്ക് കൂടി

തെക്കന്‍ കേരളത്തില്‍ ഇന്ന് കനത്ത മഴ ലഭിച്ചു. കോട്ടയം, കൊല്ലം, പത്തനംതിട്ട, ഇടുക്കി ജില്ലകളില്‍ വൈകിട്ടു മുതല്‍ ശക്തമായ മഴ റിപ്പോര്‍ട്ടു ചെയ്തു.

രണ്ടു മണിക്കൂറോളം പെയ്ത കനത്ത മഴയില്‍ പലയിടത്തും വെള്ളക്കെട്ടുകളുണ്ടായി. അരുവിച്ചാല്‍ പൂഞ്ഞാര്‍ തെക്കേക്കരയില്‍ വൈകിട്ട് 7.45 ന് 148.6 മില്ലി മീറ്റര്‍ മഴ രേഖപ്പെടുത്തിയതായി മീനച്ചില്‍ നദി സംരക്ഷണ സമിതി അറിയിച്ചു. രാത്രി എട്ടു മണിയോടെ മഴയുടെ അളവ് 155 എം.എം ആയി ഉയര്‍ന്നു.

Error

https://www.facebook.com/reel/1370793247893225/

പൂഞ്ഞാര്‍ തെക്കേക്കര ടൗണിലും കനത്ത മഴ ലഭിച്ചു. ഇവിടെ രണ്ടു മണിക്കൂറില്‍ 146.8 എം.എം മഴ രേഖപ്പെടുത്തി. രാത്രി 8.15 നുള്ള കണക്ക് പ്രകാരമാണിത്. കൂട്ടിക്കലില്‍ വൈകിട്ട് 5.45 മുതല്‍ 8.45 വരെ 17.2 എം.എം മഴ ലഭിച്ചു. മഴക്കൊപ്പം ശക്തമായ മിന്നലും ഉണ്ടായിരുന്നു. മഴയെ തുടര്‍ന്ന് ഈരാറ്റുപേട്ട കോസ് വേയില്‍ ഒഴുക്ക് കൂടി.

വൈകിട്ട് തെക്കൻ ജില്ലകളിൽ ലഭിച്ച മഴയുടെ റഡാർ ചിത്രം

പാലായിലും മുന്നിവല്, തീക്കോയി എന്നിവിടങ്ങളിലും കനത്ത മഴ ലഭിച്ചു. മഴക്കൊപ്പം കാറ്റും ഉണ്ടായിരുന്നു.

ഇടുക്കിയില്‍ ചിയപ്പറ വെള്ളച്ചാട്ടത്തിനു സമീപം ദേശീയപാതയ്ക്കു സമീപം മൂത്രമൊഴിക്കാന്‍ ശ്രമിച്ച യുവാവ് കാലുതെന്നി കൊക്കയിലേക്ക് വീണു. അടിമാലിയില്‍ നിന്ന് എത്തിയ ഫയര്‍ഫോഴ്‌സ് ഇയാളെ രക്ഷപ്പെടുത്തി.