യുഎഇയിൽ വ്യാഴാഴ്ച്ചവരെ മഴ; കിഴക്കൻ മേഖലയിൽ ശക്തമായ മഴ സാധ്യത

യു എ ഇയുടെ വിവിധ ഭാഗങ്ങളിൽ മൂന്നു ദിവസങ്ങളായി മഴ തുടരുന്നു. ഇതിനിടെ ഈ കാലാവസ്ഥ വ്യാഴാഴ്ച്ച വരെ തുടരുമെന്ന് ദേശീയ കാലാവസ്ഥാ കേന്ദ്രമായ നാഷണൽ സെന്റർ ഓഫ് മെറ്റീരിയോളജി (എൻസിഎം) അറിയിച്ചിരിക്കുകയാണ്. അതേസമയം അൽ ഐനിൽ ശക്തമായ മഴയാണ് പെയ്തത്. ഇതിനെ തുടർന്ന് റോഡുകളിൽ വെള്ളക്കെട്ട് രൂപപ്പെട്ടു.

ചൊവ്വ: രാത്രിയിലും മൂടൽ മഞ്ഞിന് സാധ്യത. കൂടുതൽ പ്രദേശങ്ങളിലേക്ക് മഴ സാധ്യത വ്യാപിക്കും. കിഴക്കൻ, തെക്കൻ മേഖലകളിൽ ഉച്ചയ്ക്ക് ശേഷം മഴമേഘങ്ങൾ രൂപപ്പെടാം. കാറ്റിൻ്റെ വേഗത മണിക്കൂറിൽ 40 കിലോമീറ്റർ ഉയരാനും പൊടിപടലത്തിനും സാധ്യതയുണ്ട്.

The rise of the Suhail star : പ്രവാസികൾക്ക് ചൂടിന് ആശ്വാസം; സുഹൈൽ നക്ഷത്രം ഉദിക്കുന്നു
വെന്തുരുന്ന മരുഭൂമിയിലേക്ക് സുഹൈൽ സക്ഷത്രമെത്തുന്നു. വെന്തുരുകുന്ന അറേബ്യൻ ചൂടിന് ശമനമാകാൻ സുഹൈൽ നക്ഷത്രം ഇന്ന് രാത്രി ഉദിക്കുമെന്ന് ഖത്തർ കലണ്ടർ ഹൗസ്
https://metbeatnews.com/daytime-temperatures-remain-high-but-nights-begin-to-cool-slightly

ബുധൻ: കിഴക്കൻ, തെക്കൻ മേഖലകളിൽ ഉച്ചയ്ക്ക് ശേഷം മഴമേഘങ്ങൾ രൂപപ്പെട്ട് രാജ്യത്തിൻ്റെ വിവിധ ഭാഗങ്ങളിൽ പ്രത്യേകിച്ച് ഉൾ പ്രദേശങ്ങളിൽ മഴ വ്യാപിക്കാൻ സാധ്യത ഉണ്ട്. മണിക്കൂറിൽ 15 മുതൽ 30 കിലോമീറ്റർ വരെ കാറ്റും ശക്തമാകാം. ഒപ്പം പൊടിപടലങ്ങൾ ഉയരാനും സാധ്യത ഉണ്ട്

വ്യാഴം: ഉച്ചയ്ക്ക് ശേഷം കിഴക്കൻ മേഖലകളിൽ മഴമേഘങ്ങൾ രൂപപ്പെട്ട് പല ഭാഗങ്ങളിലും മഴ പെയ്യാൻ സാധ്യതയുണ്ട്. പൊതുവേ തെളിഞ്ഞതോ ഭാഗികമായ മേഘാവൃതമായ കാലാവസ്ഥയായിരിക്കും ഉണ്ടാവുക. ഇതിനിടയിൽ മണിക്കൂറിൽ 40 കിലോമീറ്റർ വരെ കാറ്റ് ശക്തമാകാനും സാധ്യത ഉണ്ട്. പൊടിപടലം ഉയരാനും ഇത് കാരണമാകും.

അതേസമയം വെള്ളിയാഴ്ച രാവിലെയും രാത്രിയിലും തീര പ്രദേശങ്ങളിൽ ഈർപ്പം വർധിച്ചേക്കാം. തുടർന്ന് നേരിയ മൂടൽ മത്തിനുള്ള സാധ്യതയും ഉണ്ടെന്ന് NCM അറിയിച്ചു. അതേസമയം കടൽ പൊതുവെ ശാന്തമായിരിക്കുമെന്നും അധികൃതർ അറിയിച്ചു. പ്രത്യേകിച്ച് അറേബ്യൻ ഗൾഫിലും ഒമാൻ കടലിലും.

English Summary : The National Center of Meteorology (NCM) has issued a weather warning predicting continued rainfall across various parts of the UAE until Thursday. Following three consecutive days of precipitation—which triggered severe localized road flooding in Al Ain—unstable weather conditions are expected to persist, featuring rain, reduced visibility from dust storms, and fog across key regions.