സെപ്റ്റംബര്‍ മാസത്തില്‍ കേരളത്തില്‍ സാധാരണയേക്കാള്‍ കുറവ് മഴ സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ പ്രവചനം. വടക്കന്‍ കേരളത്തില്‍ മറ്റു ജില്ലകളെ അപേക്ഷിച്ച് കൂടുതലായി മഴ കുറയും. രാജ്യത്ത് ആകമാനം സെപ്റ്റംബര്‍ മാസത്തില്‍ സാധാരണയേക്കാള്‍ മഴ കുറയും. ദീര്‍ഘകാല ശരാശരി (LPA) യുടെ 91 ശതമാനത്തില്‍ മഴ കുറയുന്നതിനെയാണ് മഴ കുറയുക എന്നു പറയുന്നത്.

ചൂടു കൂടുന്നു

ദേശീയ തലത്തില്‍ സെപ്റ്റംബറില്‍ മഴ കുറയുന്നതിനൊപ്പം പകല്‍ ചൂടിലും വര്‍ധനവുണ്ടാകും.

എല്‍നിനോ തുടരുന്നു, ഐ.ഒ.ഡി ന്യൂട്രലിൽ തന്നെ

എല്‍നിനോ തുടരുന്നതിനാല്‍ പസഫിക് സമുദ്രത്തിന്റെ ഭൂമധ്യരേഖാ പ്രദേശത്ത് ഉയര്‍ന്ന സമുദ്രോപരി താപനില തുടരുകയാണ്. ഈ സാഹചര്യം തുടര്‍ന്നുള്ള മാസങ്ങളിലും നിലനില്‍ക്കും.

അതേസമയം, ഇന്ത്യന്‍ മഹാസമുദ്രത്തിലെ ഉപരിതല താപനിലയുമായി ബന്ധപ്പെട്ട ഇന്ത്യന്‍ ഓഷ്യന്‍ ഡൈപോള്‍ ന്യട്രലില്‍ തുടരുകയാണ്. സെപ്റ്റംബറിലും ന്യൂട്രലില്‍ തുടരുന്ന ഐ.ഒ.ഡി ഒക്ടോബറോടെ പോസിറ്റീവിലേക്ക് മാറുമെന്നാണ് പ്രവചനം. ഒക്ടോബറില്‍ തുടങ്ങുന്ന തുലാമഴയ്ക്ക് ഇത് അനുകൂലമാകും.

കേരളത്തില്‍ ചൂടു കൂടുന്നു

സെപ്റ്റംബര്‍ മാസത്തില്‍ കേരളത്തില്‍ പകല്‍ താപനിലയും രാത്രി താപനിലയിലും വര്‍ധനവുണ്ടാകും.

English Summary : IMD Forecasts Below-Normal Rainfall and Rising Temperatures for Kerala in September. The India Meteorological Department (IMD) predicts below-normal rainfall for Kerala in September, with Northern Kerala expected to see a more significant drop compared to other districts