മഴയിൽ കുതിർന്ന് നബിദിനാഘോഷവും ഉത്രാടപാച്ചിലും

ഉത്രാടം ദിനമായ ഇന്ന് കേരളത്തിൽ പരക്കെ മഴ സാധ്യത. നബിദിനാഘോഷത്തിന്റെ ഭാഗമായി രാവിലെയുള്ള റാലികളും മഴയിൽ കുതിർന്നു. വടക്കൻ ജില്ലകളിൽ ഇന്നലെ രാത്രി മുതൽ മഴ ശക്തമായ തുടരുകയാണ്. മധ്യ കേരളത്തിൽ ഇന്നലെ രാവിലെ തുടങ്ങിയ മഴ ശക്തി കുറഞ്ഞും കൂടിയും ഇന്ന് രാവിലെയും തുടരുന്നു. ഇപ്പോഴത്തെ മഴ സാധ്യത ഒരാഴ്ച മുൻപുള്ള നമ്മുടെ പ്രവചനങ്ങളിൽ ചൂണ്ടിക്കാട്ടിരുന്നു. അതേക്കുറിച്ച് അറിയാൻ താഴെയുള്ള വാർത്ത വായിക്കുക.

ചോതി മുതല്‍ ചതയം വരെ മഴ പ്രവചനം, ഓണത്തിന് ശക്തമായ മഴ സാധ്യത
rainfall is expected to intensify starting on Pooradam (August 24). Heavy to very heavy rainfall is predicted across all districts during the peak fes
https://metbeatnews.com/rainfall-forecast-from-chothi-to-chathayam-heavy-rains-expected-during-onam-fest

മഴക്ക് കാരണം ന്യൂനമർദ്ദം

തെക്കൻ ജില്ലകളിലും ഇടവേളകളോടെ ശക്തമായ മഴ ലഭിക്കുന്നുണ്ട്. ഇന്നലെ വടക്കൻ കേരളം തീരത്ത് രൂപപ്പെട്ട ചക്രവാത ചുഴി (cyclonic circulation) ദുർബലമായി എങ്കിലും പശ്ചിമബംഗാളിന് മുകളിൽ ഗംഗാസമതല പ്രദേശത്തെ ന്യൂനമർദ്ദം ( low pressure area) പടിഞ്ഞാറൻ തീരത്ത് അറബിക്കടലിലെ കാറ്റിനെ ശക്തിപ്പെടുത്തുന്നതാണ് മഴക്ക് കാരണം. ഇതോടൊപ്പം പസഫിക് സമുദ്രത്തിലെ ചുഴലിക്കാറ്റുകളുടെ സാന്നിധ്യവും നേരിയതോതിൽ എങ്കിലും നമ്മുടെ കാലാവസ്ഥയെ സ്വാധീനിക്കുന്നു.

മധ്യകേരളത്തിൽ ലഭിച്ചത് കനത്ത മഴ

ഇതു കാരണം ഇന്നലെ ഉച്ചയ്ക്ക് ശേഷം ഇന്ന് രാവിലെ വരെ കോട്ടയം, പത്തനംതിട്ട, എറണാകുളം, ഇടുക്കി , ആലപ്പുഴ തുടങ്ങിയ ജില്ലകളിൽ തുടർച്ചയായ ശക്തമായ മഴ ലഭിച്ചു. ഇന്നും മഴ തുടരാൻ സാധ്യതയുള്ളതിനാൽ ജാഗ്രത പാലിക്കണം. കേന്ദ്ര കാലാവസ്ഥാ വകുപ്പ് ഇന്നലെ 9 ജില്ലകളിൽ ഓറഞ്ച് അലർട്ട് നൽകിയിരുന്നു. ഇന്ന് 9 ജില്ലകളിൽ മഞ്ഞ അലർട്ടുകൾ പ്രഖ്യാപിച്ചിട്ടുണ്ട്.

ജാഗ്രത പാലിക്കണം

മഴ തുടരുകയാണെങ്കിൽ ഈ അലർട്ടുകൾ ഓറഞ്ച് അലർട്ടിലേക്ക് മാറാനുള്ള സാധ്യതയുണ്ട്. അതിനാൽ വെള്ളം കയറാൻ സാധ്യതയുള്ള പ്രദേശത്ത് താമസിക്കുന്നവരും മണ്ണിടിച്ചിൽ ഉരുൾപൊട്ടൽ മേഖലകളിൽ ഉള്ളവരും ജാഗ്രത പാലിക്കണം.

മലയോര മേഖലകളിൽ അനാവശ്യ യാത്ര വേണ്ട

ഇന്നു രാത്രി കിഴക്കൻ മലയോര മേഖലകളിൽ അത്യാവശ്യമല്ലാത്ത യാത്രകൾ ഒഴിവാക്കുക. മലയോര മേഖലകളിലെ ടൂറിസ്റ്റ് കേന്ദ്രങ്ങളിൽ വിനോദസഞ്ചാരവും സുരക്ഷിതമല്ല. ഇന്നലെ കിഴക്കൻ മലയോര മേഖലകളിൽ അതിശക്തമായ മഴയാണ് ലഭിച്ചത്. വനമേഖലകളിലും മറ്റും എത്രത്തോളം മഴ ലഭിച്ചു എന്ന് അറിയാൻ മഴ മാപിനികൾ ലഭ്യമല്ലാത്തതിനാൽ ഉരുൾപൊട്ടൽ മേഖലകളിൽ മുൻകരുതലുകൾ സ്വീകരിക്കുന്നതാണ് ഉചിതം.

രണ്ടുദിവസം മഴ തുടരും

Metbeat Weather ൻ്റെ നിരീക്ഷണപ്രകാരം, മലപ്പുറം മുതൽ തെക്കോട്ടുള്ള ജില്ലകളിലാണ് കൂടുതൽ മഴ സാധ്യത പ്രവചിക്കുന്നത്. മലപ്പുറം, തൃശൂർ, എറണാകുളം, ആലപ്പുഴ, കോട്ടയം , പത്തനംതിട്ട , പാലക്കാട് ഇടുക്കി, കൊല്ലം ജില്ലകളിൽ അടുത്ത 24 മണിക്കൂറിൽ ശക്തമായ മഴ സാധ്യത നിലനിൽക്കുന്നു. മൂന്നാം ഓണത്തിനും ഈ മേഖലകളിൽ മഴ സാധ്യതയുണ്ട്. വ്യാഴാഴ്ച മുതൽ മഴ കുറയാനാണ് സാധ്യത.

വായനക്കാർക്ക് Metbeat News ൻ്റെ ഓണം, നബിദിനാശംസകൾ

English Summary : Heavy Rain Dampens Nabi Dinam and Uthrada Pachil Across Kerala. Continuous heavy rainfall has affected Kerala during both Nabi Dinam celebrations (impacting morning rallies) and Uthrada Pachil (last-minute Onam shopping).