യു.എ.ഇയില്‍ കനത്ത മഴ; മരങ്ങള്‍ കടപുഴകി, എയര്‍പോര്‍ട്ടില്‍ നേരത്തെ എത്തണം

യു.എ.ഇയില്‍ ഇന്ന് വിവിധ മേഖലകളില്‍ കനത്ത മഴ ലഭിച്ചു. സുഹൈല്‍ നക്ഷത്രം ഉദിച്ചതോടെ കാലാവസ്ഥയില്‍ മാറ്റമുണ്ടാകുമെന്ന പ്രതീക്ഷയിലാണ് വേനല്‍ച്ചൂടില്‍ വലഞ്ഞ പ്രവാസികള്‍. അല്‍ഐനില്‍ പരക്കെ മഴ ലഭിച്ചു. സആ , ഖതമുല്‍ ഷക്‌ല റോഡുകളില്‍ കനത്ത മഴ ലഭിച്ചു. ഞായറാഴ്ചയിലും യു.എ.ഇയില്‍ കനത്ത മഴ പെയ്തിരുന്നു.

ഓറഞ്ച് അലര്‍ട്ടാണ് ദേശീയ കാലാവസ്ഥാ ഏജന്‍സി (എന്‍.സി.എം) ഞായറാഴ്ച നല്‍കിയിരുന്നത്. അബൂദബി മുന്‍സിപാലിറ്റിയും സിവില്‍ ഡിഫന്‍സും മഴയെ തുടര്‍ന്ന് ജാഗ്രതാ നിര്‍ദേശം നല്‍കി. വേനല്‍ക്കാലത്ത് യു.എ.ഇയില്‍ മഴ പതിവുള്ളതാണ്. കടുത്ത ചൂടിനെ തുടര്‍ന്ന് താപസംവഹന മേഘങ്ങള്‍ രൂപപ്പെട്ടതാണ് മഴക്കു കാരണം. മാര്‍ച്ച് 25 ന് ശേഷം ശക്തമായ മഴ ലഭിക്കുന്നത് ഇപ്പോഴാണ്.

ഏറ്റവും ഉയര്‍ന്ന മഴ രേഖപ്പെടുത്തിയത് അല്‍ തവിയീനിലാണ് (47.9 മില്ലീമീറ്റര്‍); അല്‍ മര്‍ജാനില്‍ 39.7 മില്ലീമീറ്ററും മഴ ലഭിച്ചു. ഖോര്‍ഫക്കാനില്‍ 33.3 മില്ലീമീറ്ററും, ഖതം അല്‍ ശക്‌ലയില്‍ 31.6 മില്ലീമീറ്ററും, ഖോര്‍ഫക്കാന്‍ പോര്‍ട്ടില്‍ 28.3 മില്ലീമീറ്ററും മഴ രേഖപ്പെടുത്തി.

കാറ്റില്‍ മരങ്ങള്‍ കടപുഴകി

ശക്തമായ കാറ്റിനെ തുടര്‍ന്ന് യു.എ.ഇയില്‍ ചില പ്രദേശങ്ങളില്‍ നാശനഷ്ടങ്ങളുണ്ടായി. അജ്മാനില്‍ മരങ്ങള്‍ കടപുഴകി കാറുകള്‍ക്ക് മുകളിലേക്ക് വീണു. പെട്ടെന്നുണ്ടായ പ്രളയസമാനമായ സാഹചര്യത്തില്‍ സുരക്ഷ ഉറപ്പാക്കാനും റോഡുകള്‍ വൃത്തിയാക്കാനും ജനങ്ങളും ശുചീകരണ തൊഴിലാളികളും ഒന്നിച്ചിറങ്ങി.

Heroes often rise amid a storm. In Al Ain, that's exactly what happened. A cafe employee braved the raging winds and rain to rescue a fallen UAE flag. An act of courage honoured by her employer.#EmiratesNews #DubaiOneTv #Dubai #News pic.twitter.com/KxwHGUVdIS
— Emirates News (@Emirates_News) August 24, 2026

യാത്രക്കാര്‍ നേരത്തെ വിമാനത്താവളത്തിലെത്തണം

മാര്‍ച്ച് 26, 27 തീയതികളില്‍ ദുബൈയില്‍ മോശം കാലാവസ്ഥ തുടരുന്നതിനാല്‍ യാത്രക്കാര്‍ കുറഞ്ഞത് രണ്ട് മണിക്കൂര്‍ മുമ്പെങ്കിലും എയര്‍പോര്‍ട്ടില്‍ എത്തണമെന്ന് എമിറേറ്റ്‌സ് എയര്‍ലൈന്‍സ് നിര്‍ദ്ദേശിച്ചു.

യു.എ.ഇയിലെ കടുത്ത വേനലിന് ആശ്വാസമാകുമോ?

സുഹൈല്‍ (Suhail) നക്ഷത്രത്തിന്റെ ഉദയത്തോടെ കൂടുതല്‍ തണുപ്പുള്ള കാലാവസ്ഥയിലേക്കുള്ള മാറ്റമായാണ് എമിറാത്തികള്‍ കാണുന്നത്.

പരമ്പരാഗത വിശ്വാസമനുസരിച്ച്, സുഹൈല്‍ നക്ഷത്രത്തിന്റെ ഉദയം 'സുഫ്രിയ' (Sufriya) എന്നറിയപ്പെടുന്ന 40 ദിവസത്തെ പരിവര്‍ത്തന കാലഘട്ടവുമായി ബന്ധപ്പെട്ടിരിക്കുന്നു. ഈ സമയത്ത് കടുത്ത വേനല്‍ച്ചൂടില്‍ നിന്ന് താപനില ക്രമേണ കുറയുമെന്നാണ് പ്രതീക്ഷിക്കുന്നത്.

GCC Weather WhatsApp Group ൽ ചേരാൻ ഇവിടെ ക്ലിക്ക് ചെയ്യുക

Summary: Heavy Rain and Strong Winds Strike UAE; Uprooted Trees and Airport Travel Advisory Issued. Emirates Airlines advised passengers to arrive at Dubai International Airport at least two hours prior to departure due to adverse weather disruptions on March 26–27.