കേരളത്തിൽ അഞ്ച് ദിവസം മഴ; 13, 14 തീയതികളിൽ ഒറ്റപ്പെട്ട ശക്തമായ മഴയ്ക്ക് സാധ്യത

സംസ്ഥാനത്ത് അടുത്ത അഞ്ച് ദിവസവും മഴ തുടരുമെന്ന് കേന്ദ്ര കാലാവസ്ഥാ വകുപ്പിന്റെ പുതിയ പ്രവചനം. 6 ജില്ലകളിൽ മഞ്ഞ അലേർട്ട്പ്രഖ്യാപിച്ചു. ഓഗസ്റ്റ് 13 മുതൽ 17 വരെ കേരളത്തിൽ പൊതുവെ നേരിയതോ മിതമായതോ ആയ മഴയ്ക്ക് സാധ്യതയുണ്ട്. അതേസമയം, ഓഗസ്റ്റ് 13, 14 തീയതികളിൽ ചില ജില്ലകളിൽ ഒറ്റപ്പെട്ട ശക്തമായ മഴ ലഭിക്കാനാണ് സാധ്യത.

Bay of Bengal Depression : ബംഗാൾ ഉൾക്കടലിലെ ന്യൂനമർദ്ദം തീവ്ര ന്യൂനമർദ്ദമായി; കേരളത്തിൽ മഴ തുടരും
പശ്ചിമ ബംഗാൾ–ബംഗ്ലാദേശ് തീരത്തിനും വടക്കുപടിഞ്ഞാറൻ ബംഗാൾ ഉൾക്കടലിനും മുകളിലായി രൂപപ്പെട്ട ന്യൂനമർദ്ദം തീവ്ര ന്യൂനമർദ്ദമായി (Depression) ശക്തിപ്രാപിച്ച
https://metbeatnews.com/imd-issues-heavy-rain-alert-for-kerala-west-bengal-jharkhand

13ന് 10 ജില്ലകളിൽ ശക്തമായ മഴയ്ക്ക് സാധ്യത

ഓഗസ്റ്റ് 13ന് തിരുവനന്തപുരം, കൊല്ലം, ആലപ്പുഴ, പാലക്കാട്, മലപ്പുറം ജില്ലകളിലൊഴികെ മറ്റ് ജില്ലകളിൽ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ട്. പത്തനംതിട്ട, കോട്ടയം, എറണാകുളം, ഇടുക്കി, തൃശൂർ, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിലാണ് 13ന് ഒറ്റപ്പെട്ട ശക്തമായ മഴയ്ക്ക് സാധ്യത. ഇതോടൊപ്പം ആലപ്പുഴ, പാലക്കാട്, മലപ്പുറം ഉൾപ്പെടെയുള്ള ജില്ലകളിൽ നേരിയതോ മിതമായതോ ആയ മഴയും പ്രതീക്ഷിക്കുന്നു.

14ന് നാല് ജില്ലകളിൽ കൂടുതൽ മഴ

ഓഗസ്റ്റ് 14ന് പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂർ ജില്ലകളിൽ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ട്. മറ്റ് ജില്ലകളിൽ നേരിയതോ മിതമായതോ ആയ മഴയാണ് പ്രവചിച്ചിരിക്കുന്നത്.

Kerala Weather 13/08/26 : ന്യൂനമർദ്ദം ഇന്ന് ശക്തിപ്പെട്ടേക്കും , കേരളത്തിൽ മഴ കൂടും
കേരളത്തിലെ വിവിധ ജില്ലകളിൽ ഇന്ന് മഴ കൂടും. ന്യൂനമർദ്ദങ്ങൾ ശക്തിപ്പെടുന്നതാണ് കാരണം.
https://metbeatnews.com/isolated-heavy-rain-forecasted-today-kerala-metbeat

15 മുതൽ മഴയുടെ ശക്തി കുറയും

ഓഗസ്റ്റ് 15 മുതൽ 17 വരെ സംസ്ഥാനത്തെ എല്ലാ ജില്ലകളിലും പൊതുവെ നേരിയതോ മിതമായതോ ആയ മഴ മാത്രമാണ് പ്രവചിച്ചിരിക്കുന്നത്. ഈ ദിവസങ്ങളിൽ ഒറ്റപ്പെട്ട ശക്തമായ മഴയ്ക്കുള്ള പ്രത്യേക സാധ്യത പ്രവചനത്തിൽ ഉൾപ്പെടുത്തിയിട്ടില്ല.

ജാഗ്രത വേണം

13, 14 തീയതികളിൽ ചില ജില്ലകളിൽ മഴ പെട്ടെന്ന് ശക്തമാകാൻ സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണം. താഴ്ന്ന പ്രദേശങ്ങളിലും വെള്ളക്കെട്ട് സാധ്യതയുള്ള മേഖലകളിലും മലയോര മേഖലകളിലും പ്രത്യേക ശ്രദ്ധ വേണം. കാലാവസ്ഥാ വകുപ്പിന്റെയും ദുരന്തനിവാരണ അതോറിറ്റിയുടെയും പുതിയ മുന്നറിയിപ്പുകൾ ശ്രദ്ധിക്കണമെന്നും നിർദേശമുണ്ട്.

English Summary : The India Meteorological Department (IMD) has issued a rain forecast for Kerala, predicting light to moderate rainfall across the state from August 13 to August 17. However, isolated heavy rainfall is expected in multiple districts on August 13 and 14, triggering alert advisories.