സംസ്ഥാനത്ത് മഴ ശക്തമാകും; വിവിധ ജില്ലകളിൽ മഞ്ഞ അലർട്ട് പ്രഖ്യാപിച്ചു

സംസ്ഥാനത്ത് സെപ്തംബർ 7 (ഇന്ന്) മുതൽ 11 വരെയുള്ള ദിവസങ്ങളിൽ മഴ ശക്തമാകാൻ സാധ്യതയെന്ന് കേന്ദ്ര കാലാവസ്ഥാ വകുപ്പ്. സെപ്റ്റംബർ 10, 11 തീയതികളിലാണ് മഴ കൂടുതൽ ശക്തമാകാൻ സാധ്യത. ഇതിന്റെ ഭാഗമായി വിവിധ ജില്ലകളിൽ മഞ്ഞ അലർട്ട് പ്രഖ്യാപിച്ചിട്ടുണ്ട്.

സെപ്റ്റംബർ 10ന് ആലപ്പുഴ, എറണാകുളം ജില്ലകളിലാണ് മഞ്ഞ അലർട്ട്. സെപ്റ്റംബർ 11ന് പത്തനംതിട്ട, കോട്ടയം, എറണാകുളം, ഇടുക്കി ജില്ലകളിലും മഞ്ഞ അലർട്ട് പ്രഖ്യാപിച്ചു.

Kerala Weather : മഴ മാറി, ചൂട് കൂടി; കാലവർഷം എവിടെ? കേരളത്തിൽ ആശങ്ക ഉയരുന്നു
ഓരോ ദിവസവും ചൂട് ശക്തമാവുകയാണ്. കാലവർഷം ഇതുവരെ പിൻവാങ്ങിയിട്ടില്ല. മഴ ദുർബലമായതോടെയാണ് കേരളത്തിൽ ചൂട് ദിനം പ്രതി ഉയർന്നു വരുന്നത്
https://metbeatnews.com/southwest-monsoon-fails-temperatures-surge-across-the-state

സെപ്റ്റംബർ 7, 8, 9 തീയതികളിൽ സംസ്ഥാനത്ത് പൊതുവെ നേരിയതോ മിതമായതോ ആയ മഴയ്ക്കാണ് സാധ്യത. സെപ്റ്റംബർ 9 മുതൽ മഴ കൂടുതൽ ശക്തമാകുമെന്നും 10, 11 തീയതികളിൽ ഒറ്റപ്പെട്ടയിടങ്ങളിൽ 64.5 മുതൽ 115.5 മില്ലിമീറ്റർ വരെ ശക്തമായ മഴ ലഭിക്കാമെന്നും കാലാവസ്ഥാ വകുപ്പ് അറിയിച്ചു.

ശക്തമായ മഴയ്ക്ക് സാധ്യതയുള്ള സാഹചര്യത്തിൽ മലയോര, തീരദേശ മേഖലകളിൽ താമസിക്കുന്നവർ ജാഗ്രത പാലിക്കണമെന്ന് മുന്നറിയിപ്പുണ്ട്.

English Summary : The India Meteorological Department (IMD) has issued a heavy rainfall alert for Kerala from September 7 to 11, with intense showers expected on September 10 and 11. Yellow alerts have been declared for Alappuzha and Ernakulam on September 10, and Pathanamthitta, Kottayam, Ernakulam, and Idukki on September 11. Isolated heavy rainfall ranging from 64.5 mm to 115.5 mm is predicted, prompting caution for residents in hilly and coastal regions.