യുഎഇയിൽ ഇന്ന് കനത്ത മഴയ്ക്ക് സാധ്യത; ശക്തമായ കാറ്റും പൊടിക്കാറ്റും മുന്നറിയിപ്പ്

യുഎഇയിൽ ഇന്ന് (നവംബർ 12, വ്യാഴാഴ്ച) ചില പ്രദേശങ്ങളിൽ കനത്ത മഴയ്ക്ക് സാധ്യതയെന്ന് ദേശീയ കാലാവസ്ഥാ നിരീക്ഷണ കേന്ദ്രം (NCM). ആകാശം ഭാഗികമായി മേഘാവൃതമായിരിക്കുമെന്നും ഇടവിട്ട് മേഘാവൃതം ശക്തമാകുമെന്നും കാലാവസ്ഥാ കേന്ദ്രം അറിയിച്ചു.

ശക്തമായ കാറ്റിന് സാധ്യത

മഴ മേഘങ്ങളുടെ രൂപീകരണത്തെ തുടർന്നാണ് വിവിധ പ്രദേശങ്ങളിൽ ഇടവിട്ട് മഴ ലഭിക്കുക. ചിലയിടങ്ങളിൽ മഴ ശക്തമായേക്കും. താപനിലയിൽ നേരിയ കുറവുണ്ടാകാനും സാധ്യതയുണ്ട്. തെക്കുപടിഞ്ഞാറൻ ദിശയിൽനിന്ന് വടക്കുപടിഞ്ഞാറൻ ദിശയിലേക്ക് മണിക്കൂറിൽ 15 മുതൽ 30 കിലോമീറ്റർ വരെ വേഗത്തിൽ കാറ്റ് വീശും. ചില സമയങ്ങളിൽ കാറ്റിന്റെ വേഗം മണിക്കൂറിൽ 55 കിലോമീറ്റർ വരെയാകാം. ശക്തമായ കാറ്റിൽ പൊടിപടലങ്ങൾ ഉയരാനും സാധ്യതയുണ്ട്.

UAE Weather : യുഎഇയിൽ ശക്തമായ മഴയ്ക്കും കാറ്റിനും സാധ്യത; രാജ്യവ്യാപക ജാഗ്രതാ നിർദേശവുമായി ആഭ്യന്തര മന്ത്രാലയം
യുഎഇയിൽ വരും മണിക്കൂറുകളിൽ ശക്തമായ മഴയ്ക്കും കാറ്റിനും ഇടിമിന്നലിനും സാധ്യതയുള്ളതായി ആഭ്യന്തര മന്ത്രാലയത്തിന്റെ മുന്നറിയിപ്പ് നൽകി.
https://metbeatnews.com/ministry-issues-nationwide-alert-for-heavy-rain

അറേബ്യൻ ഗൾഫിൽ കടൽ പ്രക്ഷുബ്ധമാകുമെന്നും ഒമാൻ കടലിൽ മിതമായതോ പ്രക്ഷുബ്ധമോ ആയ അവസ്ഥയുണ്ടാകുമെന്നും മുന്നറിയിപ്പുണ്ട്. ദുബൈ, അബുദാബി, ഷാർജ എന്നിവിടങ്ങളിൽ പരമാവധി താപനില യഥാക്രമം 31, 30, 32 ഡിഗ്രി സെൽഷ്യസായിരിക്കും. കുറഞ്ഞ താപനില 26, 25, 25 ഡിഗ്രി സെൽഷ്യസായിരിക്കുമെന്നും NCM വ്യക്തമാക്കി.

English Summary : The UAE National Center of Meteorology (NCM) has issued a weather alert for Thursday, November 12, forecasting heavy rainfall, dust storms, and strong winds reaching up to 55 km/h across parts of the Emirates. Partly cloudy skies will bring intermittent showers and a slight drop in temperatures, with highs reaching 31°C in Dubai, 30°C in Abu Dhabi, and 32°C in Sharjah.