പസഫിക്കിൽ നോളോ കൊടുങ്കാറ്റ് രൂപപ്പെട്ടു; ഹവായിയിൽ വൻ ജാഗ്രതാ നിർദ്ദേശം

പസഫിക് സമുദ്രത്തിൽ ‘നോളോ’ ഉഷ്ണമേഖലാ കൊടുങ്കാറ്റ് രൂപപ്പെട്ടു. ഇതിനെ തുടർന്ന് ഹവായിയിലെ ബിഗ് ഐലൻഡിൽ ഹരിക്കേൻ ജാഗ്രത പ്രഖ്യാപിച്ചു. നാഷണൽ ഹരിക്കേൻ സെന്ററാണ് മുന്നറിയിപ്പ് നൽകിയത്.

മേജർ ഹരിക്കേൻ

മണിക്കൂറിൽ കുറഞ്ഞത് 111 മൈൽ അഥവാ ഏകദേശം 178 കിലോമീറ്റർ വേഗതയുള്ള കാറ്റുള്ള കാറ്റഗറി 3 അല്ലെങ്കിൽ അതിന് മുകളിലുള്ള ഹരിക്കേനുകളെയാണ് മേജർ ഹരിക്കേൻ വിഭാഗത്തിൽ ഉൾപ്പെടുത്തുന്നത്.
ബുധനാഴ്ച ഉച്ചയോടെ നോളോയിൽ മണിക്കൂറിൽ 45 മൈൽ വേഗതയിലുള്ള കാറ്റാണ് രേഖപ്പെടുത്തിയത്. പടിഞ്ഞാറ്-വടക്കുപടിഞ്ഞാറ് ദിശയിൽ സഞ്ചരിക്കുന്ന കൊടുങ്കാറ്റ് ഇന്നലെത്തോടെ വടക്കോട്ടും തുടർന്ന് വടക്ക്-വടക്കുകിഴക്കോട്ടും ദിശമാറി.

Tropical Storm Nolo is gradually strengthening as it moves north towards Hawai'i.

Nolo is forecast to make its closest approach to the Big Island this weekend as a major hurricane. pic.twitter.com/o9U3oo28zJ
— CIRA (@CIRA_CSU) September 24, 2026

ഇന്നോ നാളെയോ നോളോ ബിഗ് ഐലൻഡിന് സമീപമെത്തുമെന്നാണ് പ്രതീക്ഷ. ഇതിന്റെ ഭാഗമായി ബിഗ് ഐലൻഡിൽ മഴ ലഭിച്ചേക്കും. ചില പ്രദേശങ്ങളിൽ മഴയുടെ അളവ് ഉയരാനും സാധ്യതയുണ്ട്.

വെള്ളപ്പൊക്കവും മണ്ണിടിച്ചിലും

കനത്ത മഴയെ തുടർന്ന് വെള്ളപ്പൊക്കത്തിനും മണ്ണിടിച്ചിലിനും സാധ്യതയുണ്ടെന്ന് ഹരിക്കേൻ സെന്റർ മുന്നറിയിപ്പ് നൽകി. കുത്തനെയുള്ള ഭൂപ്രദേശങ്ങളിൽ അപകടസാധ്യത കൂടുതലായിരിക്കുമെന്നും അധികൃതർ വ്യക്തമാക്കി.

English Summary: A new tropical storm, Hurricane Nolo, has formed in the Pacific Ocean, prompting immediate hurricane alerts and emergency warnings for Hawaii's Big Island. Moving northwest and expected to shift north-northeast, Nolo brings potential Category 3 "major hurricane" threats, heavy rainfall, flash flooding, and dangerous landslides, particularly in steep terrain. Stay updated on the latest National Hurricane Center advisories for safety precautions and evacuation updates.