എൽനിനോ ശക്തം; ലോകത്ത് ഇപ്പോഴത്തെ കാലാവസ്ഥാ മാറ്റം അറിയാം

പസഫിക് സമുദ്രത്തിലെ ഭൂമധ്യരേഖാ പ്രദേശത്ത് സമുദ്രോപരിതാപനിലയുമായി ബന്ധപ്പെട്ട എല്‍നിനോ പ്രതിഭാസം ശക്തിപ്പെട്ടതോടെ ലോകത്തിന്റെ വിവിധ ഭാഗങ്ങളില്‍ കാലാവസ്ഥാ പ്രതിസന്ധി രൂക്ഷമായി. വിവിധ ഭൂഖണ്ഡങ്ങളില്‍ വ്യത്യസ്ത കാലാവസ്ഥാ പ്രശ്‌നങ്ങളാണുള്ളത്. ലോകം മുഴുവന്‍ വിവിധ കാലാവസ്ഥാ സംഭവങ്ങളിലൂടെ കടന്നുപോവുകയാണ്.

വടക്കേ അമേരിക്കയിലെയും യൂറോപ്പിലെയും ഉഷ്ണ തരംഗങ്ങളും ഏഷ്യയിലെ പ്രവചനാതീതമായ മണ്‍സൂണ്‍ വ്യതിയാനങ്ങളും ആണ് പ്രധാനമായും ഇപ്പോള്‍ ലോകം എല്‍നിനോയെ തുടര്‍ന്ന് അനുഭവിക്കുന്നത്.

പസഫിക് സമുദ്രം

'സൂപ്പര്‍ എല്‍ നിനോ' ഭീതിയില്‍ ലോകംലോക കാലാവസ്ഥാ സംഘടനയുടെ (WMO) ഏറ്റവും പുതിയ അപ്‌ഡേറ്റ് പ്രകാരം പസഫിക് സമുദ്രത്തില്‍ എല്‍ നിനോ പ്രതിഭാസം അതിവേഗം ശക്തിപ്രാപിച്ചുകൊണ്ടിരിക്കുകയാണ്. വരും മാസങ്ങളില്‍ സമുദ്രോപരിതല താപനില സാധാരണയേക്കാള്‍ 2 ഡിഗ്രി സെല്‍ഷ്യസ് വരെ ഉയരാന്‍ സാധ്യതയുണ്ടെന്നാണ് പ്രവചനം. 1950ന് ശേഷമുള്ള ഏറ്റവും ശക്തമായ അഞ്ചാമത്തെ എല്‍ നിനോ ആയി ഇത് മാറിയേക്കാം. ഇത് ആഗോള താപനില റെക്കോര്‍ഡ് നിലവാരത്തിലേക്ക് ഉയര്‍ത്താന്‍ കാരണമാകുന്നു.

🫠🥵Media Europa se achicharra: continúa la histórica ola de calor. El sector occidental del continente lidia con temperaturas hasta 7 grados por encima de la media habitual tras el mes de junio más cálido registrado hasta la fecha. Chema Ruiz lo cuenta desde Roma.

📲Más… pic.twitter.com/uEqe5ZCNQ1
— 101tv.es (@101tvandalucia) July 10, 2026

വടക്കേ അമേരിക്കയിൽ കടുത്ത ഉഷ്ണതരംഗവും 'ഹീറ്റ് ഡോമും'

യുണൈറ്റഡ് സ്റ്റേറ്റ്‌സിന്റെ മധ്യകിഴക്കൻ മേഖലകൾ കടുത്ത വേനൽച്ചൂടിലാണ്. അന്തരീക്ഷത്തിൽ ഉയർന്ന മർദ്ദം രൂപപ്പെട്ട് ചൂടുവായു പുറത്തുപോകാതെ തങ്ങിനിൽക്കുന്ന ഹീറ്റ് ഡോം (Heat Dome) പ്രതിഭാസമാണ് ഇവിടെ അനുഭവപ്പെടുന്നത്. പല പ്രവിശ്യകളിലും താപനില 38 ഡിഗ്രി സെൽഷ്യസ് കടന്നു. ഈർപ്പത്തിന്റെ സാന്നിധ്യം കാരണം അനുഭവപ്പെടുന്ന ചൂട് (Heat Index) ചിലയിടങ്ങളിൽ 41 ഡിഗ്രി സെല്‍ഷ്യസ് മുതൽ 46 ഡിഗ്രി സെല്‍ഷ്യസ് വരെയാണ്.

ആഘാതം

നൂറിലധികം ദശലക്ഷം ആളുകൾ കടുത്ത ചൂടിന്റെ ജാഗ്രതാ നിർദേശത്തിലാണ്. കടുത്ത ചൂട് ജനജീവിതത്തെയും കൃഷിയെയും വന്‍തോതില്‍ ബാധിച്ചിരിക്കുന്നു.

യൂറോപ്പ്: കാട്ടുതീയും വരൾച്ചയും

യൂറോപ്പിലെ സ്ഥിതിയും ഒട്ടും വ്യത്യസ്തമല്ല. ഫ്രാൻസ്, പോർച്ചുഗൽ, സ്‌പെയിൻ തുടങ്ങിയ തെക്കൻ യൂറോപ്യൻ രാജ്യങ്ങളിൽ താപനില 40 ഡിഗ്രി സെൽഷ്യസിലേക്ക് ഉയർന്നു. ഉയർന്ന താപനിലയോടൊപ്പം വരണ്ട കാറ്റും വീശുന്നത് വൻതോതിലുള്ള കാട്ടുതീക്ക് (Wildfires) കാരണമാകുന്നുണ്ട്. കഠിനമായ ചൂട് മൂലം ആരോഗ്യ അടിയന്തരാവസ്ഥയ്ക്ക് സമാനമായ സാഹചര്യമാണ് പലയിടത്തും.

Spain: Hundreds of firefighters are still battling to contain pockets of flames in the south east after one of the country's worst-ever wildfires.

Emergency services have been deployed around the village of Bedar, where 12 people have been killed - among them four Britons.… pic.twitter.com/00jVWAw5AW
— All India Radio News (@airnewsalerts) July 11, 2026

ഏഷ്യയും ഇന്ത്യൻ ഉപഭൂഖണ്ഡവും: മൺസൂൻ വ്യതിയാനങ്ങൾ

ഇന്ത്യയുൾപെടെയുള്ള തെക്കേ ഏഷ്യൻ രാജ്യങ്ങളിൽ തെക്കുപടിഞ്ഞാറൻ മൺസൂണ്‍ (Southwest Monsoon) സജീവമാണെങ്കിലും എൽനിനോയുടെ സ്വാധീനം പ്രകടമാണ്. ഇന്ത്യയിൽ വടക്ക്, വടക്കുകിഴക്കൻ സംസ്ഥാനങ്ങളിൽ ശക്തമായ മഴ ലഭിക്കുമ്പോൾ, മധ്യദക്ഷിണ ഉപദ്വീപുകളിൽ മഴയുടെ അളവിൽ താല്‍ക്കാലിക കുറവ് രേഖപ്പെടുത്തുന്നുണ്ട്. പസഫിക്കിലെ എൽ നിനോയും ഇന്ത്യൻ മഹാസമുദ്രത്തിലെ വ്യതിയാനങ്ങളും (Indian Ocean Dipole) പരസ്പരം മത്സരിക്കുന്നതിനാൽ വരും ആഴ്ചകളിൽ മഴയുടെ വിന്യാസം പ്രവചനാതീതമായി തുടരും.

കാലാവസ്ഥാ ശാസ്ത്രജ്ഞരുടെ വിലയിരുത്തൽ

'മനുഷ്യനിർമ്മിത ആഗോളതാപനമില്ലായിരുന്നെങ്കിൽ ഈ രീതിയിലുള്ള കടുത്ത ചൂടും ഹീറ്റ് ഇൻഡക്‌സും പ്രായോഗികമായി അസാധ്യമാകുമായിരുന്നു. ഹരിതഗൃഹ വാതകങ്ങളുടെ പുറന്തള്ളൽ അടിയന്തിരമായി കുറച്ചില്ലെങ്കിൽ വരും വർഷങ്ങളിൽ കാലാവസ്ഥാ വ്യതിയാനം കൂടുതൽ തീവ്രമാകുമെന്നാണ് വേൾഡ് വെതർ ആട്രിബ്യൂഷൽ (WWA) റിപ്പോർട്ട് പറയുന്നത്.

വരും മാസങ്ങളിൽ എൽ നിനോ അതിന്റെ പരമാവധി തീവ്രത കൈവരിക്കുമെന്നതിനാൽ, ലോകമെമ്പാടുമുള്ള ഭരണകൂടങ്ങൾ കൃഷി, ജലസംരക്ഷണം, ആരോഗ്യമേഖല എന്നിവയ്ക്കായി പ്രത്യേക മുൻകരുതലുകൾ എടുത്തുതുടങ്ങിയിട്ടുണ്ട്.

English Summary : The World Meteorological Organization (WMO) warns that the El Niño phenomenon is rapidly intensifying in the equatorial Pacific Ocean. With sea surface temperatures projected to rise up to $2^\circ\text{C}$ above normal, this event could become the fifth strongest El Niño since 1950, pushing global temperatures to record-breaking levels and triggering severe climate disruption across continents.