സെപ്റ്റംബര്‍ മാസത്തില്‍ എല്‍നിനോയെ തുടര്‍ന്ന് ലോകത്ത് ഭക്ഷ്യവിലയില്‍ കനത്ത വര്‍ധനവ്. കഴിഞ്ഞ നാലു വര്‍ഷത്തെ ഏറ്റവും കൂടിയ വിലയാണ് രേഖപ്പെടുത്തിയതെന്ന് യു.എന്‍ ഭക്ഷ്യ, കാര്‍ഷിക സംഘടന (എഫ്.എ.ഒ) പറഞ്ഞു. കടുത്ത എല്‍നിനോ മൂലം പഞ്ചസാരയുടെ വിലയിലാണ് ഏറ്റവും കൂടുതല്‍ വര്‍ധനവുണ്ടായത്. 18 മാസത്തെ ഏറ്റവും ഉയര്‍ന്ന നിരക്കാണ് രേഖപ്പെടുത്തിയത്.

ഉക്രൈനും റഷ്യയും തമ്മിലുള്ള യുദ്ധത്തെ തുടര്‍ന്ന് കരിങ്കടലില്‍ ചരക്കുനീക്കത്തില്‍ കുറവുണ്ടായത് മൂലം ഗോതമ്പിനും മൂന്നു വര്‍ഷത്തെ കൂടിയ നിരക്ക് രേഖപ്പെടുത്തി. 2022 നവംബറില്‍ രേഖപ്പെടുത്തിയ കൂടിയ നിരക്കായ 134 പോയിന്റില്‍ നിന്ന് ഭക്ഷ്യവിലക്കയറ്റം 136 പോയിന്റായി കൂടി.

ധാന്യം, പഞ്ചസാര, ഭക്ഷ്യ എണ്ണ എന്നിവയുടെ വിലയെല്ലാം കഴിഞ്ഞ മാസം കൂടി. എന്നാല്‍ ഇറച്ചിയുടെയും പാലുല്‍പന്നങ്ങളുടെയും വില കുറഞ്ഞതായി എഫ്.എ.ഒ മേധാവിയും എക്‌ണോമിസ്റ്റുമായ മാക്‌സിമോ ടോറെറോ പറഞ്ഞു. ഹോര്‍മുസ് കടലിടുക്കിലും കരിങ്കടലിലുമുണ്ടായ പ്രതിസന്ധിയും ഭക്ഷ്യവിലക്കയറ്റത്തിന് കാരണമാണ്.

English Summary : According to the UN Food and Agriculture Organization (FAO), global food prices rose sharply in September, reaching their highest level in four years with the price index climbing to 136 points. Severe El Niño weather conditions drove sugar prices to an 18-month high