ജപ്പാനിൽ ദുജുവാൻ ചുഴലിക്കാറ്റ്; അഞ്ചു പേര്‍ കൊല്ലപ്പെട്ടു, ശക്തമായ മഴയിൽ വ്യാപക നാശനഷ്ട്ടം

ദുജുവാൻ ചുഴലിക്കാറ്റ് (Typhoon Dujuan) ജപ്പാനിൽ കനത്ത നാശനഷ്ടം വിതച്ചിരിക്കുന്നു. ചുഴലിക്കാറ്റിനെ തുടര്‍ന്ന് അഞ്ചു പേര്‍ കൊല്ലപ്പെട്ടു. വിവിധ നഗരങ്ങളിൽ റെക്കോർഡ് മഴയാണ് ലഭിച്ചത്. വീടിനു മുകളില്‍ മണ്ണിടിഞ്ഞു വീണ് യോകോസുക നഗരത്തില്‍ 60 കാരി മരിച്ചു. ചിബ, കനാഗവ മേഖലയില്‍ കഴിഞ്ഞ ദിവസം മണ്ണിടിച്ചിലുണ്ടായിരുന്നു. തെക്കന്‍ ജപ്പാനിലാണ് ചുഴലിക്കാറ്റ് വ്യാപക നാശനഷ്ടം വിതച്ചത്. ഇവിടെ വൈദ്യുതി വിതരണവും മുടങ്ങി. ഇതോടെ 20 ലക്ഷത്തോളം പേർക്ക് അധികൃതർ ഒഴിപ്പിക്കൽ മുന്നറിയിപ്പ് നൽകിയിരിക്കുകയാണ്.

The typhoon's wind speeds were at 144 kilometres (89 miles) per hour as the storm was approximately 110 kilometres from Hachijojima Image: CSU/CIRA AND KMA/NMSC/Handout/REUTERS

കനത്ത മഴയിലും കാറ്റിലും വൈദ്യുതി വിതരണവും വിമാന സർവ്വീസുമെല്ലാം തടസ്സപ്പെട്ടിരിക്കുകയാണ്. 45,000 ലേറെ വീടുകളിൽ വൈദ്യുതി ഇല്ല. വിമാന സര്‍വിസുകള്‍ മുടങ്ങിയത് കാരണം ആളുകള്‍ വിമാനത്താവളങ്ങളില്‍ കുടുങ്ങി. ജപ്പാന്‍ എയര്‍വൈസ് 135 സര്‍വിസുകളും നിപ്പോണ്‍ എയര്‍വേസ് 140 സര്‍വിസുകളും റദ്ദാക്കി. റെയില്‍ഗതാഗതവും ഭാഗികമായി തടസ്സപ്പെട്ടു. ടോക്യോയും ഓസാകോയും തമ്മില്‍ ബന്ധിപ്പിക്കുന്ന ബുള്ളറ്റ് ട്രെയിന്‍ സര്‍വിസും തടസ്സപ്പെട്ടതായി ജപ്പാന്‍ റെയില്‍വേസ് അറിയിച്ചു. റെയില്‍ഗതാഗതവും ഭാഗികമായി തടസ്സപ്പെട്ടു. ജപ്പാനിലെ ‘സിൽവർ വീക്ക്’ അവധി ദിനങ്ങളെയും ഐച്ചി പ്രവിശ്യയിൽ നടക്കുന്ന ഏഷ്യൻ ഗെയിംസ് മത്സരങ്ങളെയും മോശം കാലാവസ്ഥ ബാധിച്ചു.

[21-09-2026] :: GELOMBANG TINGGI LAUT mencapai > 6 meter dan ANGIN KENCANG dampak Typhoon "DUJUAN" (90W) di Pesisir Timur JEPANG.
===
Post :: @Mas_Annadwi
Source :: #sacred_star_celine
*** pic.twitter.com/V7QDEo3YKe
— Mas Annadwi (@PostMKG) September 22, 2026

കനത്ത മഴയിൽ മണ്ണിടിച്ചിലിൽ

കനഗാവയിൽ മണ്ണിടിച്ചിലിനെ തുടർന്ന് അറുപതുകാരിയായ സ്ത്രീ മണ്ണിനടിയിൽപ്പെട്ടതായി സംശയിക്കുന്നു. മൂന്ന് മണിക്കൂർ നീണ്ട രക്ഷാപ്രവർത്തനത്തിനൊടുവിൽ ചിബയിൽ അവശിഷ്ടങ്ങൾക്കിടയിൽ നിന്ന് ഒരാളെ രക്ഷപ്പെടുത്തി ആശുപത്രിയിൽ പ്രവേശിപ്പിച്ച്ചിരുന്നു
കഴിഞ്ഞ 24 മണിക്കൂറിനിടെ ജപ്പാനിലെ എട്ട് പ്രദേശങ്ങളിൽ ഇതുവരെ രേഖപ്പെടുത്തിയതിൽ ഏറ്റവും ഉയർന്ന മഴയാണ് ലഭിച്ചത്.

കാറ്റിൻ്റെ ശക്തി കുറഞ്ഞു

ഇന്നലെ രാത്രിയോടെ കാറ്റിന്റെ ശക്തി കുറഞ്ഞു. തുടർന്ന് ജപ്പാൻ കാലാവസ്ഥാ ഏജൻസി ജാഗ്രതാ നിർദ്ദേശത്തിന്റെ തീവ്രത കുറച്ചു. ദുജുവാൻ വടക്കുകിഴക്കൻ ദിശയിലേക്ക് നീങ്ങുകയാണെങ്കിലും ചില പ്രദേശങ്ങളിൽ കനത്ത മഴ തുടരാൻ സാധ്യതയുണ്ട്.
മണ്ണിടിച്ചിൽ, മിന്നൽ, കടലാക്രമണം തുടങ്ങിയ അപകടസാധ്യതകൾ നിലനിൽക്കുന്നതിനാൽ ജനങ്ങൾ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി. ഈ വർഷം ഈ പ്രദേശത്ത് രൂപപ്പെടുന്ന 25-ാമത് ചുഴലിക്കാറ്റാണ് ദുജുവാൻ. വേനല്‍ക്കാലത്തിന്റെ അവസാനവും തണുപ്പു കാലത്തിന്റെ തുടക്കത്തിലുമാണ് സാധാരണ ചുഴലിക്കാറ്റുകള്‍ ഉണ്ടാകുന്നത്.

English Summary :Typhoon Dujuan has left a trail of destruction across Japan, resulting in 5 deaths and prompting evacuation warnings for nearly 2 million residents. Triggering record-breaking rainfall and severe landslides, the storm disrupted over 384 flights, halted bullet train services, and left 50,000+ homes without power.