മൂന്നാർ തണുത്തു വിറയ്ക്കുന്നു; താപനില ആറ് ഡിഗ്രിയിലേക്ക്

മൂന്നാറിൽ ശൈത്യകാലത്തിന് തുടക്കമായി. ഈ സീസണിലെ ഏറ്റവും കുറഞ്ഞ താപനിലയായ ആറ് ഡിഗ്രി സെൽഷ്യസ് രേഖപ്പെടുത്തി. മൂന്നാർ ടൗൺ, നല്ലതണ്ണി മേഖലകളിലാണ് താപനില ആറ് ഡിഗ്രിയിലേക്ക് താഴ്ന്നത്. കുണ്ടള, മാട്ടുപ്പെട്ടി എന്നിവിടങ്ങളിൽ എട്ട് ഡിഗ്രി സെൽഷ്യസായിരുന്നു കുറഞ്ഞ താപനില.

ശൈത്യത്തിന്റെ വരവറിയിച്ച് പുൽമേടുകളിലും തേയിലച്ചെടികളിലും മഞ്ഞുകണങ്ങൾ പ്രത്യക്ഷപ്പെട്ടു തുടങ്ങി. ലാക്കാട്, ചെണ്ടുവര, ചിറ്റുവര, തെന്മല, ലക്ഷ്മി തുടങ്ങിയ എസ്റ്റേറ്റ് മേഖലകളിലും ശക്തമായ തണുപ്പാണ് അനുഭവപ്പെടുന്നത്.

പകൽ ചൂട് വധിക്കുന്നു

പകൽ ചൂട് വർധിക്കുമ്പോഴും രാത്രിയിലും പുലർച്ചെയുമാണ് തണുപ്പ് കഠിനമാകുന്നത്. വരും ദിവസങ്ങളിൽ മൂന്നാർ മേഖലയിൽ തണുപ്പ് ഇനിയും ശക്തമാകുമെന്നാണ് പ്രതീക്ഷ. ഒരാഴ്ചയ്ക്കുള്ളിൽ താപനില വീണ്ടും തഴാനാണ് സാധ്യത. ശൈത്യകാലം ആരംഭിച്ചതോടെ മൂന്നാറിന്റെ തണുത്ത കാലാവസ്ഥ ആസ്വദിക്കാനെത്തുന്ന വിനോദസഞ്ചാരികൾക്കും ഇത് ആവേശമാകുകയാണ്.

English Summary : Munnar has officially recorded its lowest temperature of the current winter season, dipping to 6°C in Munnar Town and Nallathanni. Neighboring areas like Kundala and Mattupetty recorded lows around 8°C.