ചാലിയാറിൽ വെള്ളം ഉയർന്നു; തുരുത്തിൽ കുടുങ്ങിയ മൂന്നുപേരെ രക്ഷപ്പെടുത്തി

ശക്തമായ മഴയിൽ ചാലിയാർ പുഴയിൽ വെള്ളം ഉയർന്നതോടെ കഴിഞ്ഞ ദിവസം രാത്രി അക്കരെ തുരുത്തിൽ കുടുങ്ങിയ മൂന്നുപേരെ നിലമ്പൂർ അഗ്നിരക്ഷാസേന രക്ഷപ്പെടുത്തി.

ഇന്നലെ രാത്രി 7 മണിക്കാണ് സംഭവം. ജോലി ആവശ്യത്തിനായിട്ടാണ് മൂന്നുപേരും അക്കരെയെത്തിയത്. ആലിപൊയിൽ ഫാസിൽ, ഓടായിക്കൽ പുലവഴി ഫിറോസ്, എരുമത്തടത്തിൽ ജിതേഷ് എന്നിവരാണ് തുരുത്തിൽ കുടുങ്ങിയത്. ഇന്നലെ വൈകീട്ട് തുടങ്ങിയ ശക്തമായ മഴയാണ് പുഴയിൽ ജലനിരപ്പ് ഉയരാൻ കാരണമായതും മൂവർക്കും അക്കരെ നിന്ന് തിരികെ കരയിലെത്താൻ കഴിയാതെ വന്നതും.

ഉടൻ രക്ഷാപ്രവർത്തനം

വിവരമറിഞ്ഞ് നിലമ്പൂർ അഗ്നിരക്ഷാസേന സ്റ്റേഷൻ ഓഫീസർ കെ.പി. ബാബുരാജിന്റെ നേതൃത്വത്തിൽ രക്ഷാപ്രവർത്തനം നടത്തുകയായിരുന്നു.

കേരളത്തിൽ ശക്തമായ മഴ

അതേസമയം ഉത്രാടം ദിനമായ ഇന്ന് കേരളത്തിൽ ശക്തമായ മഴ സാധ്യതയാണുള്ളത്. നബിദിനാഘോഷത്തിന്റെ ഭാഗമായി രാവിലെയുള്ള റാലികളും മഴയിൽ കുതിർന്നു. വടക്കൻ ജില്ലകളിൽ ഇന്നലെ രാത്രി മുതൽ മഴ ശക്തമായി തുടരുകയാണ്. മധ്യ കേരളത്തിൽ ഇന്നലെ രാവിലെ തുടങ്ങിയ മഴ ശക്തി കുറഞ്ഞും കൂടിയും ഇന്ന് രാവിലെയും തുടരുന്നു.

മഴയിൽ കുതിർന്ന് നബിദിനാഘോഷവും ഉത്രാടപാച്ചിലും
Heavy Rain Dampens Nabi Dinam and Uthrada Pachil Across Kerala
https://metbeatnews.com/heavy-rain-dampens-nabi-dinam-and-uthrada-pachil-across-kerala

ഇന്നലെ വടക്കൻ കേരളം തീരത്ത് രൂപപ്പെട്ട ചക്രവാത ചുഴി (cyclonic circulation) ദുർബലമായി എങ്കിലും പശ്ചിമബംഗാളിന് മുകളിൽ ഗംഗാസമതല പ്രദേശത്തെ ന്യൂനമർദ്ദം ( low pressure area) പടിഞ്ഞാറൻ തീരത്ത് അറബിക്കടലിലെ കാറ്റിനെ ശക്തിപ്പെടുത്തുന്നതാണ് മഴക്ക് കാരണം. ഇതോടൊപ്പം പസഫിക് സമുദ്രത്തിലെ ചുഴലിക്കാറ്റുകളുടെ സാന്നിധ്യവും നേരിയതോതിൽ എങ്കിലും നമ്മുടെ കാലാവസ്ഥയെ സ്വാധീനിക്കുന്നു.

English Summary : Three individuals trapped on an island in the Chaliyar River due to a sudden rise in water levels following heavy rainfall were safely rescued by the Nilambur Fire and Rescue Services on Sunday night.