തലമുടി വളമായി ഉപയോഗിച്ചാൽ മികച്ച വിളവെന്ന് കർഷക കൂട്ടായ്മ

തലമുടി വളമായി ഉപയോഗിച്ചാൽ തെങ്ങ്, റബർ തുടങ്ങിയ കാർഷിക വിളകളിൽ മികച്ച ഉൽപാദനം ലഭിക്കുമെന്ന് കർഷക കൂട്ടായ്മ. കർഷകനായ എബി ഐപ്പിന്റെ നേതൃത്വത്തിലാണ് ഒരു വിഭാഗം കർഷകർ പരീക്ഷണാടിസ്ഥാനത്തിൽ ബാർബർ ഷോപ്പുകളിലും മറ്റും മാലിന്യമായി പുറന്തള്ളപ്പെടുന്ന മുടി വളമായി ഉപയോഗിക്കുന്ന പരീക്ഷണം നടത്തിയത്.

ബാർബർ ഷോപ്പുകളിൽ നിന്ന് ശേഖരിക്കുന്ന തലമുടി കൃഷിയിടങ്ങളിൽ വളമായി ഉപയോഗിക്കാമെന്നാണ് ഇവർ തെളിയിക്കുന്നത്.

അടുത്ത കാലത്തായി ബാർബർ ഷോപ്പുകളിൽ നിന്ന് തലമുടി ശേഖരിക്കാൻ അയൽ സംസ്ഥാനങ്ങളിൽ നിന്നുൾപ്പെടെ ആളുകളെത്തുന്നത് കുറഞ്ഞി രുന്നു. ഇത് ബാർബർ ഷോപ്പുകളും ബ്യൂട്ടിപാർലറുകളും നടത്തുന്നവർക്ക് മാലിന്യ സംസ്‌കരണവുമായി ബന്ധപ്പെട്ട് പ്രതിസന്ധിയുണ്ടാക്കിയിരുന്നു.

ഇതോടെ വൻതോതിൽ പല സ്ഥലങ്ങളിലും മുടി നീക്കം ചെയ്യാതെ കെട്ടിക്കിടക്കുന്ന സാഹചര്യമുണ്ട്. അതേസമയം, മാലിന്യമായി തള്ളപ്പെടുന്ന ഈ തലമുടി കൃഷിയിടങ്ങളിൽ പ്രയോജനപ്പെടുത്താമെന്നാണ് കർഷക കൂട്ടായ്മ പറയുന്നത്.

തെങ്ങിന്റെ തടത്തിൽ തലമുടിയിട്ട് മണ്ണുകൊണ്ട് മൂടിയാൽ മണ്ണ് ഉറച്ചുപോകാതെ വേരുകൾക്ക് മികച്ച വളർച്ച ലഭിക്കുമെന്നും ഇതുവഴി ഉൽപാദനം വർധിക്കുമെന്നും കർഷകർ പറയുന്നു.

തെങ്ങിനെ കൂടാതെ റബർ, കവുങ്ങ്, ജാതി തുടങ്ങിയവയുമായി ഉപയോഗിക്കാം.

നാല് റബർ മരങ്ങൾക്കിടയിൽ ഒരു കുഴിയെടുത്ത് അതിൽ തലമുടി നിക്ഷേപിച്ച് മൂടിയാൽ ഉൽപാദനത്തിൽ വർധനയുണ്ടാകുമെന്നും കായ്ക്കാത്ത ഫലവൃക്ഷങ്ങ ൾക്കും തലമുടി വളമായി ഉപയോഗിച്ചാൽ ഫലം ലഭിക്കുമെന്നും കർഷക കോൺഗ്രസ് നേതാവ് കൂടിയായ എബി ഐപ്പ് പറയുന്നു.

കൂടാതെ തലമുടി വളമായി ഉപയോഗിക്കുന്ന പറമ്പുകളിൽ
കാട്ടുപന്നിയുടെ ശല്യം കുറവായും കാണുന്നു.

തലമുടി വളമായി ഉപയോഗിക്കു ന്നതിലൂടെ വിളവ് വർധിക്കുന്നതായി ശാസ്ത്രീയമായ സ്ഥിരീകരണം ആവശ്യമാണ്.

സംസ്ഥാനത്തെ കാർഷിക സർവകലാശാലകളിൽ നിന്നു ൾപ്പെടെയുള്ള വിദഗ്ധർ വിഷയത്തിൽ പഠനം നടത്തി ഇതിന് സ്ഥിരീകരണം നൽകണമെന്നാണ് അദ്ദേഹം ആവശ്യപെടുന്നത്.

English Summary : A group of farmers led by Abi Aippu has found that using discarded human hair from barber shops and beauty parlors as fertilizer significantly improves the yield of crops like coconut, rubber, arecanut, and nutmeg.