സംസ്ഥാനത്ത് ചൂട് കൂടുന്നു; UV ഇൻഡക്സ് ഉയരുന്നു, സെപ്റ്റംബർ 9 വരെ ജാഗ്രത നിർദേശം

ദിവസങ്ങളായി സംസ്ഥാനത്ത് ചൂട് കൂടുകയാണ്. ഇതിനൊപ്പം അൾട്രാവയലറ്റ് (UV) വികിരണത്തിന്റെ തോതും ഉയരുന്നു. സെപ്റ്റംബർ 9 വരെ സംസ്ഥാനത്തെ ഒറ്റപ്പെട്ടയിടങ്ങളിൽ സാധാരണയേക്കാൾ 3 മുതൽ 4 ഡിഗ്രി സെൽഷ്യസ് വരെ ഉയർന്ന താപനില അനുഭവപ്പെടാൻ സാധ്യതയുണ്ടെന്നാണ് അധികൃതരുടെ മുന്നറിയിപ്പ്.
ഇന്ന് ഉച്ചയ്ക്ക് ഒരു മണിവരെയുള്ള കണക്കുകൾ പ്രകാരം സംസ്ഥാനത്തെ വിവിധ പ്രദേശങ്ങളിൽ UV ഇൻഡക്സ് അപകടകരമായ നിലയിലാണ്.

Keralam Weather Update: രാത്രിയിലും പകലിലും ചൂട്, ഉഷ്ണം അസ്വസ്ഥകരമായ അന്തരീക്ഷം തുടരും, കാരണം അറിയാം
Keralam Weather Update: High Heat and Humidity Trigger Yellow Alert; Daytime and Nighttime Temperatures to Soar
https://metbeatnews.com/keralam-weather-update-high-heat-and-humidity-trigger-yellow-alert

ഇടുക്കി മൂന്നാറിലാണ് ഏറ്റവും ഉയർന്ന UV ഇൻഡക്സ് രേഖപ്പെടുത്തിയത്. ഇവിടെ UV ഇൻഡക്സ് 10 ആണ്. ചേർത്തല, ചെങ്ങന്നൂർ, ചങ്ങനാശ്ശേരി, തൃത്താല എന്നിവിടങ്ങളിൽ 9 വരെയും കൊട്ടാരക്കര, കോന്നി, ഒല്ലൂർ, പൊന്നാനി എന്നിവിടങ്ങളിൽ 8 വരെയും UV ഇൻഡക്സ് രേഖപ്പെടുത്തി.
കളമശ്ശേരി, ബേപ്പൂർ, മാനന്തവാടി എന്നിവിടങ്ങളിൽ UV ഇൻഡക്സ് 7 ആണ്. തിരുവനന്തപുരം കിഴക്കേക്കോട്ട, കണ്ണൂർ ധർമ്മടം എന്നിവിടങ്ങളിൽ 6 വരെയും കാസർഗോഡ് ഉദുമയിൽ 4 വരെയും രേഖപ്പെടുത്തി.

ജാഗ്രത വേണം

ഉയർന്ന ചൂടും UV വികിരണവും സൂര്യാഘാതം, നിർജലീകരണം, ചർമ്മ-നേത്ര പ്രശ്നങ്ങൾ എന്നിവയ്ക്ക് കാരണമാകുന്നതിനാൽ ജാഗ്രത വേണം. രാവിലെ 11 മുതൽ വൈകിട്ട് 3 വരെ നേരിട്ട് വെയിൽ ഏൽക്കുന്നത് ഒഴിവാക്കണം. ആവശ്യത്തിന് വെള്ളം കുടിക്കണമെന്നും നിർദേശമുണ്ട്.

പുറത്തിറങ്ങുമ്പോൾ കുട, തൊപ്പി, സൺഗ്ലാസ് എന്നിവ ഉപയോഗിക്കുന്നതിനൊപ്പം അയഞ്ഞതും ഇളംനിറത്തിലുള്ളതുമായ കോട്ടൺ വസ്ത്രങ്ങൾ ധരിക്കണമെന്നും നിർദേശമുണ്ട്. കുട്ടികൾ, പ്രായമായവർ, ഗർഭിണികൾ, പുറംപണി ചെയ്യുന്ന തൊഴിലാളികൾ, ഇരുചക്രവാഹന യാത്രക്കാർ എന്നിവർക്ക് പ്രത്യേക മുൻകരുതൽ സ്വീകരിക്കണം. അതേസമയം ചൂട് കൂടാൻ പ്രധാന കാരണം ദുർബലമായ തെക്കുപടിഞ്ഞാറൻ മൺസൂണാണ്.

English Summary : Kerala is experiencing a sharp rise in temperature along with dangerously high Ultraviolet (UV) radiation levels. Weather authorities warn that isolated regions across the state may face temperatures 3°C to 4°C above normal. Munnar recorded the highest UV index at a severe level of 10, while several other towns like Cherthala, Chengannur, and Changanassery touched critical UV levels of 9.