മുല്ലപെരിയാർ അണക്കെട്ടിൽ പരിശോധന നടത്തേണ്ടത് പുതിയ സാങ്കേതിക വിദ്യ ഉപയോഗിച്ചെന്ന് കേരളം; പറഞ്ഞതിൽ ഉറച്ച് തമിഴ്‌നാട്

മുല്ലപ്പെരിയാർ അണക്കെട്ടിന്റെ സുരക്ഷ വിലയിരുത്തുന്ന ചർച്ചകൾ നടന്നുകൊണ്ടേയിരിക്കുകയാണ്. തേക്കടിയിൽ ചേർന്ന സമഗ്ര സുരക്ഷാ വിലയിരുത്തൽ സമിതി യോഗത്തിൽ പുതിയ സാങ്കേതിക സംവിധാനങ്ങൾ ഉപയോഗിച്ചുള്ള വിശദമായ പരിശോധന നടത്തണമെന്നതാണ് കേരളം പ്രധാന ആവശ്യമായി ഉന്നയിച്ചത്.
നാല് പ്രധാനമേഖലകളിലാണ് സുരക്ഷയുമായി ബന്ധപ്പെട്ട വിശദമായ പരിശോധന വേണമെന്ന് കേരളം ആവശ്യപ്പെട്ടത്. ആ നാല് കാര്യങ്ങൾ പ്രളയസുരക്ഷ, അണക്കെട്ടിന്റെ ഘടനാപരമായ സുരക്ഷ, ഭൂകമ്പസുരക്ഷ, ജലചോർച്ച എന്നിവയാണ്. ഇതുമായി ബന്ധപ്പെട്ട പരിശോധന നടത്തമെന്നാണ് കേരളത്തിൻ്റെ പ്രധാന ആവശ്യം.

പോരായ്മകൾ ശ്രദ്ധയിൽപ്പെടുത്തി കേരളം

പഴയ പഠനങ്ങളിലെ പോരായ്മകളാണ് പ്രധാനമായും കേരളം സമിതിയുടെ ശ്രദ്ധയിൽപ്പെടുത്തിയത്. അതായത് ഒരു ദിവസം മാത്രം നടത്തുന്ന പരിശോധനയിൽ കേരളം തൃപ്തരല്ല എന്നാണ് പറയുന്നത്. മാത്രമല്ല അണക്കെട്ടിന്റെ സുരക്ഷ സംബന്ധിച്ച അന്തിമ റിപ്പോർട്ട് തയ്യാറാക്കുന്നതിലുള്ള ആശങ്കയും യോഗത്തിൽ കേരളം അറിയിച്ചു.

നിലപാടിൽ മാറ്റമില്ലാതെ തമിഴ്‌നാട്

2022ൽ മുല്ലപ്പെരിയാർ അണക്കെട്ടിൽ സമഗ്ര സുരക്ഷാ പരിശോധന നടത്താൻ സുപ്രീം കോടതി നിർദേശിച്ചിരുന്നു. പരിശോധനയുടെ പരിഗണനാ വിഷയങ്ങൾ സംബന്ധിച്ച റിപ്പോർട്ട് കേരളം 2025 ഓഗസ്റ്റിൽ സമർപ്പിച്ചിരുന്നു. ഈ റിപ്പോർട്ടിലെ നിർദേശങ്ങളും വിവരങ്ങളും അടിസ്ഥാനമാക്കിയാണ് സുരക്ഷാ വിലയിരുത്തൽ നടത്തേണ്ടതെന്നാണ് കേരളത്തിന്റെ നിലപാട്. അതേസമയം അണക്കെട്ട് സുരക്ഷിതമാണെന്ന മുൻ നിലപാടിൽ മാറ്റമില്ലാതെ ഉറച്ചുനിൽക്കുകയാണ് തമിഴ്‌നാട്.

Mullaperiyar Dam : മുല്ലപ്പെരിയാർ ഉന്നയിച്ച് കേരളം, പുതിയ ഡാം വേണമെന്ന് മുഖ്യമന്ത്രി; സ്ഥലം തമിഴ്നാടിന് തീരുമാനിക്കാം
മുല്ലപ്പെരിയാറിൽ പുതിയ ഡാം നിർമിക്കണമെന്ന കേരളത്തിൻ്റെ ആവശ്യം വീണ്ടും ഉന്നയിച്ച് മുഖ്യമന്ത്രി വി. ഡി സതീശൻ.
https://metbeatnews.com/kerala-offers-free-new-dam-construction

ഏതായാലും അഞ്ചംഗ സമിതി ഇന്ന് വീണ്ടും യോഗം ചേർന്ന് കൂടുതൽ വിവരങ്ങൾ വിലയിരുത്തും. തുടർന്ന് ഡൽഹിയിൽ ചേരുന്ന യോഗത്തിന് ശേഷം അന്തിമ റിപ്പോർട്ട് കേന്ദ്ര സർക്കാരിന് സമർപ്പിക്കും.

English Summary : Discussions regarding the safety of the Mullaperiyar Dam remain ongoing following a comprehensive safety review committee meeting in Thekkady. Kerala has strongly advocated for detailed inspections using modern technology, raising concerns over the limitations of single-day reviews and previous studies.