യുഎഇയിൽ ചൂട് തുടരുന്നു; മൂന്ന് ദിവസം ചൂടിനൊപ്പം മഴയ്ക്കും സാധ്യത

യുഎഇയിൽ ശക്തമായ ചൂടാണ് ഇപ്പോൾ അനുഭവപ്പെടുന്നത്. കൂടാതെ ഉയർന്ന ഈർപ്പവും വർധിച്ചിരിക്കുകയാണ്. ഈ ഈർപ്പത്തിനൊപ്പം മഴയ്ക്ക് സാധ്യതയുണ്ടെന്നാണ് കാലാവസ്ഥാ പ്രവചനം. ഇന്ന് മുതൽ മൂന്ന് ദിവസം ഈ കാലാവസ്ഥ തുടരും. കിഴക്കൻ, തെക്കൻ മേഖലകളിൽ ഉച്ചയ്ക്കുശേഷം ഇടിമിന്നലോടുകൂടിയ മഴയ്ക്കുള്ള സാധ്യതയും പ്രവചിക്കുന്നുണ്ട്.

Weather In Uae : യുഎഇയിൽ കനത്ത ചൂട്; സുഹൈലിനെ കാത്ത് പ്രവാസികൾ
തണുപ്പിന്റെ വരവറിയിക്കുന്ന സുഹൈൽ നക്ഷത്രം ഉദിക്കാൻ ദിവസങ്ങൾ മാത്രം ശേഷിക്കെ യുഎഇയിൽ വേനൽച്ചൂടിന്റെ കാഠിന്യം തുടരുന്നു.
https://metbeatnews.com/suhail-star-rising-soon-as-temperatures-hit

ഇന്ന് രാവിലെ തെളിഞ്ഞ കാലാവസ്ഥ

ഇന്ന് ഉച്ചവരെ തെളിഞ്ഞ കാലാവസ്ഥയായിരിക്കും. എന്നാൽ ഉച്ചയ്ക്കുശേഷം സ്ഥിതി മാറും. കിഴക്കൻ, തെക്കൻ മേഖലകളിൽ മഴയ്ക്ക് കാരണമാകുന്ന മേഘങ്ങൾ വർദ്ധിക്കാൻ സാഹചര്യം ഉണ്ടാകും.

അതേസമയം യുഎഇയിലെ ഉൾപ്രദേശങ്ങളിൽ താപനില 47 ഡിഗ്രി സെൽഷ്യസ് വരെ ഉയർന്നേക്കുമെന്നാണ് നിലവിലെ പ്രവചനം.

. തീരപ്രദേശങ്ങളിലും ദ്വീപുകളിലും 37 മുതൽ 42 ഡിഗ്രി

. മലനിരകളിൽ 37 ഡിഗ്രി വരെ ചൂട്.

ഈർപ്പം വർധിക്കുന്നത് ചൂട് കൂടുവാനുള്ള സാധ്യത കൂട്ടുന്നു. മാത്രമല്ല humidity വധിക്കുവാനുള്ള സാധ്യതയുമുണ്ടാകുന്നു. ഇന്ന് രാത്രിയും നാളെ രാവിലെയും ഈർപ്പം വർധിക്കും. മാത്രമല്ല പടിഞ്ഞാറൻ മേഖലകളിൽ മൂടൽമഞ്ഞിനുഉള സാധ്യതയുമുണ്ട്.

കാറ്റിനുള്ള സാധ്യത

നേരിയ കാറ്റിനുള്ള സാധ്യതയാണെങ്കിലും ചില സമയങ്ങളിൽ മണിക്കൂറിൽ 45 കിലോമീറ്റർ വരെ വേഗത കാറ്റിനുണ്ടാകും.

ഇനിയുള്ള ദിവസങ്ങളിലും മഴയ്ക്ക് സാധ്യത

ഉച്ചയ്ക്കു ശേഷം നാളെ കിഴക്കൻ, തെക്കൻ മേഖലകളിൽ മഴ മേഘങ്ങൾ രൂപപ്പെട്ട് നേരിയ മഴ ലഭിക്കാൻ സാധ്യതയുണ്ട്. ഞായറാഴ്ചയും ഉച്ചയ്ക്കുശേഷം മേഘങ്ങൾ രൂപപ്പെടും. തിങ്കളാഴ്ച ഇവ കൂടുതൽ ശക്തമാകാനാണ് സാധ്യത. ചൊവ്വാഴ്ച പുലർച്ചെ ചില തീരപ്രദേശങ്ങളിൽ മൂടൽമഞ്ഞിനുഉള സാധ്യതയുണ്ട്. ഉച്ചയ്ക്കുശേഷം കിഴക്കൻ യുഎഇയിൽ മഴമേഘങ്ങൾ രൂപപ്പെട്ട് മഴ ലഭിക്കാനുള്ള സാധ്യതയുണ്ട്.

കടൽ പൊതുവേ ശാന്തമായിരിക്കും

അറേബ്യൻ ഗൾഫിലും ഒമാൻ കടലിലും കടൽ ശാന്തമായിരിക്കുമെന്നാണ് മറ്റൊരു പ്രവചനം. ഏതായാലും മാറി മാറി വരുന്ന കാലാവസ്ഥയായതിനാൽ യാത്ര ചെയ്യുന്നവർ ഔദ്യോഗിക കാലാവസ്ഥാ മുന്നറിയിപ്പുകൾ ശ്രദ്ധിക്കണമെന്ന് അധികൃതർ നിർദേശിച്ചു.

English Summary : The United Arab Emirates (UAE) is set to experience intense summer heat alongside a significant rise in humidity levels, with inland temperatures expected to peak at 47°C. The National Center of Meteorology (NCM) has issued a weather alert predicting convective cloud formations that could bring localized rain, convective showers, and potential thunderstorms to eastern and southern regions during the afternoons over the next three days.