മഴക്കുറവ് വില്ലനാവുന്നു; ഇന്ത്യയിൽ അരി ഉത്പാദനത്തിൽ വൻ ഇടിവിന് സാധ്യത

മഴക്കുറവ് എല്ലാ മേഖലകളെയും കാര്യമായ രീതിയിൽ ബാധിച്ചിട്ടുണ്ട്. കാർഷിക മേഖലകളെയാണ് മഴക്കുറവ് കൂടുതലായും ബാധിച്ചിരിക്കുന്നത്. ഇപ്പോഴിതാ അരി ഉത്പാദനത്തിൽ വൻ ഇടിവ് സംഭവിക്കുമെന്ന് പുതിയ റിപ്പോർട്ട് ചൂണ്ടികാട്ടുന്നു. ചരിത്രത്തിലെ ഏറ്റവും വലിയ ഇടിവിനാണ് രാജ്യം സാക്ഷ്യം വഹിക്കുകയെന്നാണ് വ്യവസായ രംഗത്തെ വിലയിരുത്തൽ. വിളവെടുപ്പ് കാലത്തെ മഴക്കുറവ് കാർഷിക വിളകളുടെ ഉൽപാദനത്തെ സാരമായി ബാധിക്കുമെന്നാണ് റൈസ് എക്സ്പോർട്ടേഴ്സ് അസോസിയേഷൻ (Rice Exporters Association)ഉൾപ്പെടെയുള്ളവർ പറയുന്നത്.

ഇത്തവണ 10 ദശലക്ഷം ടണ്ണിൻ്റെ കുറവ്

154 ദശലക്ഷം ടൺ ഉള്ളിടത്ത് ഇന്ന് ഇന്ത്യയുടെ റെക്കോഡ് അരി ഉത്പാദനം വെറും 10 ദശലക്ഷം ടണ്ണായി കുറയാനാണ് സാധ്യത. 2009-10ലെ വരൾച്ചയ്ക്ക് ശേഷമുള്ള ഏറ്റവും വലിയ ഉത്പാദന ഇടിവായിരിക്കുമിതെന്നും റൈസ് എക്സ്പോർട്ടേഴ്സ് അസോസിയേഷൻ പറയുന്നു.

മൺസൂൺ കാലത്ത് രാജ്യത്ത് സാധാരണയേക്കാൾ 15 ശതമാനം മഴക്കുറവാണ് രേഖപ്പെടുത്തിയിരിക്കുന്നത്. പ്രധാന അരി ഉത്പാദക സംസ്ഥാനങ്ങളിൽ ചിലയിടങ്ങളിൽ മഴക്കുറവ് 42 ശതമാനം വരെയാണെന്നും കണക്കുകൾ വ്യക്തമാക്കുന്നു.

അതി തീവ്ര ന്യൂനമർദ്ദം തീരത്തുനിന്ന് 100 കി.മി അകലെ , ഇന്ന് രാത്രി കരകയറും, മഴമേഘങ്ങൾ കേരളത്തിൽ എത്തും
Deep Depression Over Bay of Bengal to Make Landfall Tonight; Rainfall Expected in Kerala
https://metbeatnews.com/deep-depression-over-bay-of-bengal-to-make-landfall-tonight-rainfall-expected-in

അരിവില ഉയരുന്നു

ഉത്പാദന കുറവ് ഭയന്ന് ആഭ്യന്തര വിപണിയിൽ അരിവില ഉയർന്നു. അതേസമയം മുൻ വർഷങ്ങളിലെ റെക്കോഡ് ഉത്പാദനത്തിലൂടെ സമാഹരിച്ച വൻ കരുതൽ ശേഖരം ഇന്ത്യയ്ക്ക് ആശ്വാസമാകുമെന്നാണ് വിലയിരുത്തൽ.

ലോകത്തെ ഏറ്റവും വലിയ അരി ഉത്പാദക-കയറ്റുമതി രാജ്യമായ ഇന്ത്യയിലെ ഉത്പാദന ഇടിവ് ആഗോള അരിവിപണിയിലും പ്രതിഫലിക്കാനിടയുണ്ട്. തായ്‌ലൻഡ്, വിയറ്റ്നാം തുടങ്ങിയ പ്രധാന കയറ്റുമതി രാജ്യങ്ങളിലും വില ഉയരുന്ന സാഹചര്യത്തിൽ ഇന്ത്യൻ അരിയുടെ കയറ്റുമതി ചെലവും വർധിച്ചേക്കും.

English Summary : India, the world's largest rice producer and exporter, is bracing for a historic decline in rice production due to a severe 15% monsoon rainfall deficit with key agricultural states experiencing up to a 42% shortfall.