പ്രവാസികള്‍ നാട്ടിലേക്ക് പണം അയക്കുന്നത് വർധിക്കുന്നു

യു എ ഇ ദിർഹത്തിനെതിരായ ഇന്ത്യന്‍രൂപയുടെ മൂല്യത്തില്‍ റെക്കോർഡ് ഇടിവ്. 24.41 എന്ന നിലയിലാണ് കഴിഞ്ഞ ദിവസത്തെ യു എ ഇ ദിർഹം-രൂപ വിനിമയ നിരക്ക്.

ഈ സാഹചര്യം മുതലാക്കി നാട്ടിലേക്ക് പണം അയക്കുന്ന ഇന്ത്യന്‍ പ്രാവസികളുടെ എണ്ണത്തിലും വർധനവ് ഉണ്ടായിട്ടുണ്ട്. നേരത്തെ വെള്ളിയാഴ്ച ഡോളറിനെതിരെ രൂപയുടെ മൂല്യം 89.62-ലേക്കും ഇടിഞ്ഞു.

യു എസ് ഡോളറിനുള്ള ഡിമാൻഡ് തുടർച്ചയായി വർധിച്ചതും വിദേശ നിക്ഷേപകർ ഇന്ത്യൻ ആസ്തികൾ വിൽക്കുന്നത് തുടർന്നതുമാണ് രൂപയുടെ ഇടിവിനുള്ള പ്രധാന കാരണങ്ങള്‍. യു എസ് ഡോളർ സൂചിക ഉയർന്ന നിലയിൽ തുടരുകയും ചെയ്തു. നിലവിലെ ഇടിവ് തുടരാനോ അല്ലെങ്കില്‍ സ്ഥിരത കൈവരിക്കാനോ സാധ്യതയുണ്ടെന്നുമാണ് വിദഗ്ധർ വിലയിരുത്തുന്നത്. യു എസിലെ ഉയർന്ന പലിശ നിരക്കുകൾ ഡോളറിനെ ശക്തമാക്കുന്നത് തുടർന്നാല്‍ രൂപയുടെ മൂല്യം വീണ്ടും കുറയാനുള്ള സാധ്യത കൂടുതലാണ്.

വീട്ടിലേക്ക് പണമയക്കാൻ ആഗ്രഹിക്കുന്ന പ്രവാസികൾ ഇപ്പോളയച്ചോളൂ

വിദേശ നിക്ഷേപകർ ഇന്ത്യൻ ഷെയറുകളും ബോണ്ടുകളും വിൽക്കുന്നതും തുടരുന്നു. ആഗോള വിപണികളിൽ അടുത്ത ദിവസങ്ങളിൽ വലിയ മാറ്റമില്ലെങ്കിലും സ്ഥിതിയില്‍ മാറ്റമുണ്ടാകില്ല. അതായത് വീട്ടിലേക്ക് പണം അയക്കാൻ പദ്ധതിയിട്ടുണ്ടെങ്കിൽ ഈ ആഴ്ച അവസാനത്തോടെ അയച്ചാല്‍ മതി.

English Summary: Explore the rise in Indian expatriates sending money home as the rupee weakens against the dollar. Discover the factors driving this economic shift.