അർണബ് ദുർബലമായി; ഒഡിഷയിൽ 17 ജില്ലകളിൽ കനത്ത മഴ, കേരളത്തിൽ മഴ കുറയും, താപനില ഉയരും

ബംഗാൾ ഉൾക്കടലിൽ രൂപംകൊണ്ട അതിശക്തമായ അർണബ് ചുഴലിക്കാറ്റ് ദുർബലമായി അതിതീവ്ര ന്യൂനമർദ്ദം ആയി മാറി. ഇന്ന് (ഒക്ടോബർ 29) രാവിലെ ചുഴലിക്കാറ്റ് ന്യൂനമർദമായി ദുർബലപ്പെടാൻ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.വൈകുന്നേരത്തോടെ ശക്തമായ ന്യൂനമർദ്ദം ആയി മാറാനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് (IMD) ചൂണ്ടികാട്ടി.

ചുഴലിക്കാറ്റിന്റെ സ്വാധീനത്തിൽ ഒഡിഷയുടെ തെക്കൻ മേഖലകളിലെ 17 ജില്ലകളിലെങ്കിലും കനത്ത മഴ ബാധിച്ചതായി മുഖ്യമന്ത്രി മോഹൻ ചരൺ മാജി പറഞ്ഞു. ബുധനാഴ്ച (ഒക്ടോബർ 28) ആന്ധ്രാപ്രദേശ് തീരം മുറിച്ചുകടന്ന അർണബ്, വ്യാഴാഴ്ച രാവിലെ വരെ ശക്തമായ മഴയ്ക്ക് കാരണമാകുകയും തുടർന്ന് ചുഴലിക്കാറ്റിന്റെ തീവ്രത കുറയുമെന്നാണ് പ്രതീക്ഷ.

Kerala Weather : ആൻഡമാൻ കടലിൽ ന്യൂനമർദ സാധ്യത; കേരളത്തിൽ താപനില ഉയരും
തെക്കൻ ആൻഡമാൻ കടലിലും സമീപപ്രദേശങ്ങളിലും രൂപപ്പെട്ട ചക്രവാതച്ചുഴിയുടെ സ്വാധീനത്തിൽ അടുത്ത 24 മണിക്കൂറിനുള്ളിൽ ന്യൂനമർദം രൂപപ്പെടാൻ സാധ്യത.
https://metbeatnews.com/andaman-sea-low-pressure-system-forms-kerala-braces-for-temperature-rise

ആന്ധ്രയിൽ അഞ്ച് മരണം; ദുരിതാശ്വാസ പാക്കേജ് പ്രഖ്യാപിച്ചു

അർണബിനെ തുടർന്നുണ്ടായ ദുരന്തങ്ങളിൽ ആന്ധ്രാപ്രദേശിൽ അഞ്ച് പേർ മരിച്ചതായാണ് റിപ്പോർട്ട്. ദുരിതബാധിത കുടുംബങ്ങൾക്കും കർഷകർക്കും മത്സ്യത്തൊഴിലാളികൾക്കും വ്യാപാരികൾക്കുമായി മുഖ്യമന്ത്രി എൻ. ചന്ദ്രബാബു നായിഡു ദുരിതാശ്വാസ–നഷ്ടപരിഹാര പാക്കേജ് പ്രഖ്യാപിച്ചു.

ചുഴലിക്കാറ്റിനെ തുടർന്ന് തീരദേശ ജില്ലകളിൽ കൃഷിനാശവും വീടുകൾക്കും റോഡുകൾക്കും വൈദ്യുതി അടിസ്ഥാനസൗകര്യങ്ങൾക്കും വ്യാപകമായ നാശനഷ്ടങ്ങളും ഉണ്ടായിട്ടുണ്ട്. സാഹചര്യം നേരിടാൻ കേന്ദ്രത്തിന്റെ സഹായം തേടി നായിഡു കേന്ദ്ര ആഭ്യന്തരമന്ത്രി അമിത് ഷായുമായി സംസാരിക്കുകയും ചെയ്തു.

കേരളത്തിൽ മഴ കുറയും; പകൽ താപനില ഉയരും

അർണബിന്റെ സ്വാധീനം കുറയുന്നതോടെ കേരളത്തിൽ മഴയുടെ തീവ്രത ഗണ്യമായി കുറയാൻ സാധ്യതയുണ്ട്. സംസ്ഥാനത്ത് പകൽ താപനിലയിൽ ശ്രദ്ധേയമായ വർധനയുണ്ടാകുമെന്നും കാലാവസ്ഥാ പ്രവചനത്തിൽ വ്യക്തമാക്കുന്നു.

അതേസമയം, തെലങ്കാനയിലെ 12 ജില്ലകളിൽ വ്യാഴാഴ്ച ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്കും ശക്തമായ കാറ്റിനും സാധ്യതയുണ്ട്. ഈ മേഖലകളിൽ കാലാവസ്ഥാ വ്യതിയാനങ്ങൾക്കനുസരിച്ച് ജാഗ്രത പാലിക്കേണ്ടതുണ്ട്.

English Summary : The severe cyclonic storm "Arnab," which originated in the Bay of Bengal, has weakened into a deep depression as of Thursday, October 29.