അഫ്ഗാനിസ്ഥാനിൽ ഭൂചലനം, 2026 പിറന്നതിനു ശേഷം ലോകത്ത് തുടരെ തുടരെ ഭൂകമ്പങ്ങൾ

അഫ്ഗാനിസ്ഥാനിൽ റിക്ടർ സ്കെയിലിൽ 4.3 തീവ്രത രേഖപ്പെടുത്തിയ ഭൂചലനമുണ്ടായി. ഭൂമിക്കടിയിൽ 10 കി.മീ. ആഴത്തിലാണ് ഭൂകമ്പം ഉണ്ടായതെന്ന് നാഷണൽ സെന്റർ ഫോർ സീസ്മോളജി അറിയിച്ചു. ഇന്നലെ രാത്രി 11:39 നാണ് സംഭവം. അഫ്ഗാനിസ്ഥാനിൽ, പ്രത്യേകിച്ച് ഹിന്ദുക്കുഷ് മേഖലയിൽ ഇടയ്ക്കിടെ ഭൂകമ്പങ്ങൾ അനുഭവപ്പെടാറുണ്ട്.

EQ of M: 4.3, On: 05/02/2026 23:39:50 IST, Lat: 36.23 N, Long: 70.33 E, Depth: 10 Km, Location: Afghanistan.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/64NjO8M2YE
— National Center for Seismology (@NCS_Earthquake) February 5, 2026

ഈ പ്രദേശം ഭൂകമ്പ സാധ്യതയേറിയ മേഖലയായതിനാൽ ഇത്തരം ചലനങ്ങൾ ഇവിടെ പതിവാണ്. നിലവിലെ ഭൂചലനത്തിൽ നാശനഷ്ടങ്ങളോ മറ്റ് അപകടങ്ങളോ റിപ്പോർട്ട് ചെയ്യപ്പെട്ടിട്ടുണ്ടോ എന്ന കാര്യത്തിൽ കൂടുതൽ വ്യക്തത വരേണ്ടതുണ്ട്.

2026 പിറന്നതിന് ശേഷം തുടരെ തുടരെ ലോകത്തിൻ്റെ പലയിടത്തായി നിരവധി ഭൂകമ്പങ്ങളാണ് റിപ്പോർട്ട് ചെയ്തത്. ദിവസങ്ങൾക്ക് മുൻപ് ഇന്ത്യയുടെ രണ്ട് ഭാഗങ്ങളിൽ ഭൂചലനം അനുഭവപ്പെട്ടു. ജമ്മു കശ്മീരിലെ ബാരാമുള്ളയിലും കേന്ദ്രഭരണ പ്രദേശമായ ആൻഡമാൻ നിക്കോബാർ ദ്വീപുകളിലുമാണ് ഭൂകമ്പം റിപ്പോർട്ട് ചെയ്‌തത്.
റിക്ടർ സ്കെയിലിൽ 4.6 തീവ്രത രേഖപ്പെടുത്തിയ ചലനങ്ങളാണ് രണ്ടിടത്തും ഉണ്ടായതെന്ന് നാഷണൽ സെന്റർ ഫോർ സീസ്മോളജി (NCS) സ്ഥിരീകരിച്ചിരുന്നു.

English Summary : As this area is an earthquake prone area, such movements are common here.