ലക്ഷകണക്കിനാളുകൾ പങ്കെടുക്കുന്ന ദുബൈ റൺ 2025 നാളെ, കൈവശം ബിബ് നിർബന്ധം

ദുബൈ ജനത കാത്തിരുന്ന ദുബൈ റണ്‍ 2025 നാളെ. ലക്ഷകണക്കിന് ആളുകൾ സംഗമിക്കുന്ന പരിപാടിയാണ് ദുബൈ റൺ 2025. നാളെ ശൈഖ് സായിദ് റോഡ് വലിയൊരു റണ്ണിങ് ട്രാക്കായി മാറും. ലോകത്തിലെ തന്നെ ഏറ്റവും വലിയ സൗജന്യ സാമൂഹികപരിപാടിയാണിത്. അതിനാൽ സൗജന്യമായി തന്നെ റണ്ണിൽ പങ്കെടുക്കാം.

റോഡുകളിൽ എല്ലാ സജ്ജീകരണവും ഒരുങ്ങി തുടങ്ങി

ശൈഖ് സായിദ് റോഡിൽ 5 കിലോമീറ്ററും 10 കിലോമീറ്ററും ദൂരമുള്ള രണ്ട് റൂട്ടുകൾ ദുബൈ റണ്ണിൽ സജ്ജീകരിക്കും. പലവിധം റൂട്ടുകളാണ് സജ്ജീകരിച്ചിരിക്കുന്നത്. ഇതിൽ കുടുംബ സൗഹൃദമായുള്ള ആദ്യ റൂട്ട് 5 കിലോമീറ്ററിലുള്ളതാണ്. ഇത് മ്യൂസിയം ഓഫ് ദി ഫ്യൂച്ചറിന് സമീപം ആരംഭിച്ച് ബുർജ് ഖലീഫയേയും ദുബായ് ഓപറയേയും ചുറ്റി ദുബൈ മാളിന് സമീപം സമാപിക്കുന്ന രീതിയിലാണ് സജ്ജീകരണം.

പരിചയ സമ്പന്നരായ ഓട്ടക്കാർക്ക് പ്രത്യേകം റൂട്ട്

കൂടുതൽ പരിചയ സമ്പന്നരായ ഓട്ടക്കാർക്കായി രൂപകൽപന ചെയ്തിരിക്കുന്ന 10 കിലോമീറ്റർ റൂട്ടാണ് മറ്റൊന്ന്. ഇത് ദുബൈ കനാൽ പാലം കടക്കുന്നതിന് മുൻപ് ആരംഭിച്ച് ശൈഖ് സായിദ് റോഡിലൂടെ വളഞ്ഞശേഷം ദുബൈ ഇൻ്റർനാഷ്ണൽ ഫിനാൻഷ്യൽ സെൻ്റർ ഗേറ്റിന് സമീപം അവസാനിക്കുന്ന രീതിയിലാണ് സജ്ജീകരിച്ചിരിക്കുന്നത്.

ദുബൈ റണ്ണിനായുള്ള ടീ ഷർട്ട് റെഡി

ലോകത്തിലെ ഏറ്റവും വലിയ ഫൺറൺ കൂടിയാണിത്. 30 ദിവസത്തേക്ക് എല്ലാ ദിവസവും 30 മിനിറ്റ് വ്യായാമത്തിനായി സമയം കണ്ടെത്തുന്നതിന് താമസക്കാരെ പ്രോത്സാഹിപ്പിക്കുന്ന ഒരു നഗര വ്യാപക സംരംഭകത്തിൻ്റെ ഭാഗമാണ് ദുബൈ റൺ. നാളെ രാവിലെ 6.30 തിന് ആരംഭിക്കുന്ന പരിപാടിക്കായുള്ള ടീ ഷർട്ട് ഒരുക്കി കഴിഞ്ഞു.

അവസാന ഓട്ടക്കാർ രാവിലെ എട്ടിന് സ്റ്റാർട്ടിങ് ലൈൻ കടക്കും. ദുബൈയിലെ ഏറ്റവും തിരക്കേറിയ റോഡുകളിൽ ഒന്ന് വീണ്ടും തുറക്കുന്നതിനായി രാവിലെ ഒൻപതിന് റണ്ണിങ് അവസാനിക്കും.

ബിബ് കൈവശമില്ലെങ്കിൽ പങ്കെടുക്കാൻ കഴിയില്ല

പങ്കെടുക്കുന്നവർ ഇന്നു മുതൽ സാബീൽ പാർക്ക് ഫിറ്റ്നെസ് വില്ലേജിൽ നിന്ന് വാങ്ങണം. കൈവശം ബിബ് ഇല്ലെങ്കിൽ പങ്കെടുക്കാൻ സാധിക്കില്ല.

English summary: Discover two scenic running routes on Sheikh Zayed Road, including a family-friendly 5km path near the Museum of the Future and Burj Khalifa.