എണ്ണച്ചോർച്ച: ദുബൈയിലെ തീരങ്ങൾ സുരക്ഷിതം, നിയന്ത്രണമില്ല

ഉമ്മുൽ ഖുവൈനിലുണ്ടായ എണ്ണച്ചോർച്ചയെ തുടർന്ന് വടക്കൻ ഇമാറാത്തുകളിലെ 35-ലധികം ബീച്ചുകൾ അടച്ചിട്ടിരിക്കുമ്പോഴും ദുബൈയിലെ ബീച്ചുകൾ പൂർണമായും സുരക്ഷിതമെന്ന് അധികൃതർ. ദുബൈയിലെ ബീച്ചുകളിൽ പതിവുപോലെ സന്ദർശകർക്ക് പ്രവേശനം അനുവദിക്കുന്നുണ്ട്. ഇന്നലെ രാവിലെ ജുമൈറ ബീച്ചിൽ നാട്ടുകാരും വിനോദസഞ്ചാരികളും ഉൾപ്പെടെ നിരവധി പേരാണ് എത്തിയത്.

തെളിഞ്ഞ കാലാവസ്ഥയിൽ കടലിൽ നീന്തിയും വിനോദങ്ങളിൽ ഏർപ്പെട്ടും ആളുകൾ സമയം ചെലവഴിച്ചു. ഒക്ടോബർ 23-ന് ഉമ്മുൽ ഖുവൈനിൽ ടാങ്കറിൽ നിന്നുണ്ടായ എണ്ണച്ചോർച്ചയെ തുടർന്നാണ് മുൻകരുതൽ നടപടിയായി ഉമ്മുൽ ഖുവൈൻ, റാസൽ ഖൈമ, ഷാർജ തുടങ്ങിയ വടക്കൻ ഇമാറാത്തുകളിലെ 35-ലധികം ബീച്ചുകൾ താൽക്കാലികമായി അടച്ചത്. എന്നാൽ എണ്ണച്ചോർച്ചയുമായി ബന്ധപ്പെട്ട നിയന്ത്രണങ്ങൾ ദുബൈയിലെ ബീച്ചുകളെ ബാധിച്ചിട്ടില്ല.

foul smell reported UAE emirates : യുഎഇയിൽ ദുർഗന്ധത്തിന് കാരണം ടാങ്കർ എണ്ണച്ചോർച്ച; ഉം അൽ ഖുവൈനിലെ ബീച്ചുകൾ അടച്ചു
യുഎഇയിലെ വിവിധ എമിറേറ്റുകളിൽ അസാധാരണമായ ദുർഗന്ധം അനുഭവപ്പെട്ടതിന് പിന്നാലെ ഉം അൽ ഖുവൈനിലെ ബീച്ചുകളിൽ ടാങ്കർ എണ്ണച്ചോർച്ച സ്ഥിരീകരിച്ചു.
https://metbeatnews.com/foul-odor-in-uae-traced-to-tanker-oil-spill-authorities-shut-uaq-beaches

വേനൽച്ചൂടിന് വിട

വേനൽച്ചൂടിന് ശമനമുണ്ടായി കാലാവസ്ഥ അനുകൂലമായതോടെ ജുമൈറ ബീച്ചിൽ സന്ദർശകരുടെ എണ്ണവും വർധിച്ചിട്ടുണ്ട്. ലൈഫ് ഗാർഡുകളുടെ സേവനവും ആവശ്യമായ സുരക്ഷാ ക്രമീകരണങ്ങളും ഉറപ്പാക്കിയിട്ടുണ്ട്. അതേസമയം, വടക്കൻ ഇമാറാത്തുകളിലെ തീരപ്രദേശങ്ങളിൽ അനുഭവപ്പെട്ട ദുർഗന്ധം ആരോഗ്യത്തിന് ഹാനികരമല്ലെന്ന് പരിസ്ഥിതി മന്ത്രാലയം നേരത്തെ വ്യക്തമാക്കിയിരുന്നു.

English Summary : Dubai's coastal authorities have confirmed that the emirate's beaches remain fully safe and unrestricted following a recent oil spill off the coast of Umm Al Quwain. While over 35 beaches across the Northern Emirates—including Umm Al Quwain, Ras Al Khaimah, and Sharjah—have been temporarily closed as a precautionary measure due to an October 23 tanker leak, Dubai has maintained normal operations.